Լևոն Ալթունյան

Վիքիպեդիայից՝ ազատ հանրագիտարանից
Jump to navigation Jump to search
Լևոն Ալթունյան
Դրոշ
ՀՀ առողջապահության նախարար
սեպտեմբերի 27, 2016 - մայիս 11, 2018
Նախորդող Արմեն Մուրադյան
Հաջորդող Արսեն Թորոսյան
 
Կուսակցություն՝ անկուսակցական
Կրթություն՝ Երևանի պետական բժշկական համալսարան
Մասնագիտություն՝ բժիշկ
Ազգություն հայ
Ծննդյան օր հոկտեմբերի 26, 1958(1958-10-26) (60 տարեկան)
Ծննդավայր Երևան, Հայկական ԽՍՀ, ԽՍՀՄ
Զավակներ Նորայր Ալթունյան

Լևոն Ալթունյան (հոկտեմբերի 26, 1958, Երևան, Հայկական ԽՍՀ), հայ բժիշկ անեսթեզիոլոգ, Հայաստանի Հանրապետության առողջապահության նախարար (2016 սեպտեմբերի 27-ից)։ Հայաստանի Հանրապետական կուսակցության անդամ է:

Կենսագրություն[խմբագրել | խմբագրել կոդը]

Ծնվել է 1958 թվականի հոկտեմբերի 26-ին Երևանում[1][2]։ 1976-1978 թվականներին ծառայել է ԽՍՀՄ Զինված ուժերում։ 1979-1985 թվականներին սովորել է Երևանի պետական բժշկական ինստիտուտում[1]։

Լևոն Ալթունյանը 1986-1987 թվականներին Հրազդանի կենտրոնական շրջանային հիվանդանոցում աշխատել է որպես շտապօգնության բժիշկ օրդինատոր, 1987-1989 թվականներին՝ որպես բժիշկ անեսթեզիոլոգ: Դրանից հետո՝ մինչև 1995 թվականը, որպես բժիշկ անեսթեզիոլոգ աշխատել է Երևանի վնասվածքաբանության և օրթոպեդիայի գիտահետազոտական ինստիտուտում։

1995-1999 Լևոն Ալթունյանը եղել է Արգո ՍՊԸ-ի տնօրենը[2], 1996-2016 թվականներին՝ «Էֆես» ապահովագրական ՓԲԸ-ի (2004-ից՝ «Ինգո Արմենիա» ապահովագրական ՓԲԸ) գործադիր տնօրենը: 2002-2006 թվականներին եղել է «Ապահովագրական շուկայի ասոցիացիայի» (ԻԱՄ) հիմնադիր նախագահ, 2012-2016 թվականներին՝ Հայաստանում գյուղական տարածքների տնտեսական զարգացման հիմնադրամի հոգաբարձուների խորհրդի անդամ, 2014-2016 թվականներին՝ Հայաստանի արդյունաբերողների և գործարարների (գործատուների) միության նախագահության անդամ։

2016 թվականի սեպտեմբերի 27-ին նշանակվել է ՀՀ առողջապահության նախարար[1][3]։

Անձնական տվյալներ[խմբագրել | խմբագրել կոդը]

Ամուսնացած է, ունի մեկ որդի՝ Նորայր Ալթունյանը[1][4]: Տիրապետում է անգլերենին և ռուսերենին[5]։

Նախորդող
Արմեն Մուրադյան
ՀՀ առողջապահության նախարար
Լևոն Ալթունյան

սեպտեմբերի 27, 2016 - մայիսի 11, 2018
Հաջորդող
Արսեն Թորոսյան

Ծանոթագրություններ[խմբագրել | խմբագրել կոդը]