Հայաստանի աշխատանքի և սոցիալական հարցերի նախարարություն

Հայաստանի աշխատանքի և սոցիալական հարցերի նախարարություն;
Տեսակ	նախարարություն
Երկիր	Հայաստան
Հապավում	ԱՍՀՆ
Ստեղծման թվական	1990
Շտաբակայան	Երևան, Հայաստան
Պատասխանատու նախարար	Արսեն Թորոսյան
Կայք	mlsa.am(հայ.)(անգլ.)(ռուս.)

Հայաստանի Աշխատանքի և սոցիալական հարցերի նախարարություն, գործադիր իշխանության հանրապետական մարմին, որը մշակում ու իրականացնում է աշխատանքի և սոցիալական ապահովության բնագավառներում Հայաստանի կառավարության քաղաքականությունը։

Պատմություն

1990 թվականին Հայաստանի սոցիալական ապահովության մինիստրությունը վերակազմավորվեց Հայաստանի աշխատանքի և սոցիալական ապահովության նախարարության։

1995 թվականի խորհրդարանական ընտրություններից հետո նախագահի հրամանագրով փոփոխություն կատարվեց կառավարության կառուցվածքում. կառույցը վերակազմավորվեց սոցիալական ապահովության, զբաղվածության, բնակչության տեղաշարժի և փախստականների հարցերով նախարարության։

1996 թվականին Հայաստանի Նախագահի հրամանագրով կառավարության կառուցվածքի նոր փոփոխություն տեղի ունեցավ. 1996 թվականի նոյեմբերի 8-ին նախարարությունը վերակազմավորվեց սոցիալական ապահովության նախարարության։

2000 թվականի փետրվարի 28-ին Հայաստանի Նախագահի հրամանագրով նախարարությունը միաձուլման ճանապարհով վերակազմավորվեց Հայաստանի առողջապահության և սոցիալական ապահովության նախարարության։