Էդուարդ Աղաջանյան (քաղաքական գործիչ)

	Էդուարդ Աղաջանյան
2017 - 2018
2018 - 2021
02.08.2021-ից
	ՀՀ ԱԺ արտաքին հարաբերությունների մշտական հանձնաժողովի նախագահ
	ՀՀ ԱԺ արտաքին հարաբերությունների մշտական հանձնաժողովի նախագահ
12.08.2021-ից - 2023 թվական
Կուսակցություն՝	Քաղաքացիական պայմանագիր
Կրթություն՝	Մոնակոյի միջազգային համալսարան
Մասնագիտություն՝	Բիզնեսի կառավարման բակալավր, ֆինանսական ակտիվների կառավարման մագիստրոս
Ծննդյան օր	օգոստոսի 29, 1988 (36 տարեկան)
Ծննդավայր	Երևան, ՀԽՍՀ, ԽՍՀՄ
Քաղաքացիություն	Հայաստան

Անվան այլ կիրառումների համար տե՛ս՝ Էդուարդ Աղաջանյան (այլ կիրառումներ)

Վիքիպեդիայում կան հոդվածներ Աղաջանյան ազգանունով այլ մարդկանց մասին։

Էդուարդ Արթուրի Աղաջանյան (հայտնի է նաև Դիջեյ Էդո, DJ Ed Ward^[1] անուններով, օգոստոսի 29, 1988(1988-08-29), Երևան, Հայկական ԽՍՀ, ԽՍՀՄ և Հայկական ԽՍՀ, ԽՍՀՄ), դիջեյ, կուսակցական-քաղաքական գործիչ, «Քաղաքացիական պայմանագիր» կուսակցության անդամ, Հայաստանի 8-րդ գումարման Ազգային ժողովի պատգամավոր «Քաղաքացիական պայմանագիր» կուսակցությունից^[1]^[2]։

Կենսագրական տվյալներ

Էդուարդ Աղաջանյանը ծնվել է Խորհրդային Հայաստանի մայրաքաղաք Երևանում։ Էդուարդը պատանի տարիքում զբաղվել է ֆուտբոլով և թենիսով, որից հեռացել է առողջական խնդիրների պատճառով^[1]։

Կրթություն

Էդուարդ Աղաջանյանը 2012 թվականին ավարտել է Մոնակոյի միջազգային համալսարանը՝ ստանալով բիզնեսի կառավարման բակալավրի աստիճան, իսկ 2016 թվականին ավարտել է նույն համալսարանի մագիստրատուրան^[2]։

Ընտանիք

Էդուարդ Աղաջանյանի հայրը Արթուր Աղաջանյանն է, ով ծնվել է Մոսկվայում և ներկայում զբաղվում է բիզնեսով, իսկ մայրը՝ տնային տնտեսուհի է։ Ունի նաև մեկ քույր, ով ամուսնացած է և ունի երեխաներ։ Էդուարդի հորական տատիկը եղել է ազգությամբ ռուս^[1]։

Անդրադառնալով Է․Աղաջանյանի քաղաքական գործունեությանը՝ լրատվամիջոցները նրա ընտանիքի կամ իր հետ են կապում մի շարք բիզնեսներ, որոնցից է «Զիգզագ» ընկերությունը, «Բել Էտաժ» ֆրանսիական ռեստորանը, «Նյու-կլուբ» կամ «Ֆերմատան» զվարճանքի ակումբը^[3]^[4]^[5]^[6]^[7]^[8]^[9]։ Հայաստանում պաշտոնատար անձանց գույքի և ունեցվածքի հայտարարագրերի ռեեստրում Է․Աղաջանյանը չի հայտարարագրել լրատվամիջոցների կողմից իրեն և իր ընտանիքին վերագրվող գույքն ու ունեցվածքը^[10]^[11]^[12]։ Նա նաև հերքել է, որ առնչություն ունի «Ֆերմատան» զվարճանքի ակումբի հետ^[7]^[13]։

Աշխատանքային գործունեություն

2009-2010 թվականներին աշխատել է Մոնակոյի Ալբերտ 2-րդ արքայազնի հիմնադրամի գիտական գծով տնօրենի օգնական^[փա՞ստ]։

2011 թ.՝ «Մերիլ Լինչ» հիմնադրամի ֆինանսական հարցերով խորհրդականի օգնական։

2012-2016 թթ. զբաղվել է մասնավոր ձեռնարկատիրությամբ։

2018 թ. աշխատել է «HSBC» բանկի ռիսկերի կառավարման մասնագետ։

Կուսակցական, քաղաքական գործունեություն

Էդուարդ Աղաջանյանի գործունեությունը քաղաքական ասպարեզում սկսվել է 2007 թվականից, երբ ակտիվորեն ներգրավել է Հայաստանի Ազգային ժողովի ընտրություններում մասնակցող և Նիկոլ Փաշինյանի ղեկավարած Իմպիչմենտ դաշինքի ձևավորմանը^[1]։ Այդ ժամանակ Իմպիչմենտ դաշինքը հանդես էր գալիս «Ոչ դոդացմանը, ոչ սերժանտացմանը, ոչ ռոբոտացմանը» նախընտրական կարգախոսով^[14]՝ Հայաստանի Ազգային ժողովի ընտրություններում հավաքելով 17808 ձայն^[15]։

2008 թվականին Հայաստանում տեղի ունեցած նախագահական ընտրությունների ժամանակ եղել է նախագահի թեկնածու Լևոն Տեր-Պետրոսյանի նախընտրական շտաբի անդամ^[1]։

«Քաղաքացիական պայմանագիր» կուսակցության հիմնադիր անդամ է, իսկ 2018 թվականից՝ «Քաղաքացիական պայմանագիր» կուսակցության վարչության անդամ։

2017 թվականի մայիսի 14-ին կայացած Երևանի ավագանու ընտրություններին Նիկոլ Փաշինյանի գլխավորած Ելք դաշինքի ցուցակով ընտրվել է Երևան քաղաքի ավագանու անդամ^[2]։ Ավագանու անդամի կարգավիճակով պաշտոնավարել է մինչև 2018 թվականին Հայաստանում տեղի ունեցած իշախանափոխության արդյունքում վարչապետ դարձած Նիկոլ Փաշինյանի կողմից Հայաստանի կառավարության աշխատակազմի ղեկավար նշանակվելը^[2]։

2018 թվականի դեկտեմբերի 9-ին Հայաստանում տեղի ունեցած Ազգային ժողովի արտահերթ ընտրություններում «Իմ քայլը» դաշինքի ցուցակով մասնակցել է ընտրություններին։ Ընտրությունների ավարտից հետո հրաժարվել է պատգամավորական մանդատից և շարունակել զբաղեցնել Հայաստանի Հանրապետության կառավարության աշխատակազմի ղեկավարի պաշտոնը։

Հայաստանի ազգային ժողովի պատգամավոր

2021 թվականի հունիսի 20-ին կայացած արտահերթ խորհրդարանական ընտրությունների արդյունքով ընտրվել է 8-րդ գումարման ազգային ժողովի պատգամավոր «Քաղաքացիական պայմանագիր» կուսակցությունից։

2021 թվականի օգոստոսի 12-ից մինչև 2023 թվականը` ՀՀ ԱԺ արտաքին հարաբերությունների մշտական հանձնաժողովի նախագահ^[16]^[17]

Ծանոթագրություններ

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Էդուարդ Աղաջանյան (քաղաքական գործիչ) կատեգորիայում։

[mediamax.am_Է․Աղաջանյան-1] 1,0 ^1,1 ^1,2 ^1,3 ^1,4 ^1,5 «Էդուարդ Աղաջանյան՝ DJ-ից մինչեւ կառավարության աշխատակազմի ղեկավար» հոդված mediamax.am կայքում, (արխիվացված 11․12․2021թ․)

[parliament.am_Է․Աղաջանյանի_կենսագրություն-2] 2,0 ^2,1 ^2,2 ^2,3 Էդուարդ Աղաջանյանի մասին կենսագրական տեղեկություններ Հայաստանի Ազգային ժողովի կայքում, (արխիվացված 11․12․2021թ․)։

[news.am_Է․Աղաջանյան_բիզնես_1-3] «Էդուարդ Աղաջանյանը վերաբացել է իր ակումբը, որտեղ Ամանորի գիշերն է անցկացրել ՔՊ վերնախավը» հոդված news.am լրատվական կայքում, (արխիվացված 12․12․2021թ․)։

[168.am_Է․Աղաջանյան_Ֆերմատան_1-4] «Փարթի` իշխանական «Ֆերմատա» ակումբում» հոդված 168.am լրատվական կայքում, (արխիվացված 12․12․2021թ․)։

[tert.am_Է․Աղաջանյան_բիզնես_1-5] « Էդուարդ Աղաջանյանը վերաբացել է իր ակումբը, որտեղ Ամանորի գիշերն է անցկացրել ՔՊ վերնախավը» հոդված tert.am լրատվական կայքում, (արխիվացված 12․12․2021թ․)։

[past.am_Է․Աղաջանյան_բիզնես_1-6] «Սեփական աչքի գերանը չեն տեսնում․ որտեղի՞ց Էդուարդ Աղաջանյանին մեծ ունեցվածքը» հոդված past.am լրատվական կայքում, (արխիվացված 16․02․2022 թ․)։

[168.am_Ֆերմատան_մասին-7] 7,0 ^7,1 «Չափդ ճանաչիր ու գնա դատարան» հոդված 168.am լրատվական կայքում, (արխիվացված 16․02․2022թ․)։

[pastinfo.am_Զիգզագ-8] «Էդուարդ Աղաջանյանի ընտանիքն էլ չի կատարում վարչապետի հրահանգը» հոդված pastinfo.am լրատվական կայքում, (արխիվացված 16․02․2022թ․)։

[7or.am_Աղաջանյան_բիզնես-9] «Սեփական աչքի գերանը չեն տեսնում․ որտեղի՞ց Էդուարդ Աղաջանյանին մեծ ունեցվածքը»։

[cpcarmenia.am_Է․Աղաջանյան_2021-10] Էդուարդ Արթուրի Աղաջանյանիպաշտոնական պարտականությունները ստանձնելու կամ դադարեցնելու օրվա դրությամբ առկա գույքի, եկամուտների և շահերի հայտարարագիր, 2021 թվական, (արխիվացված 07․03․2021թ․)։

[cpcarmenia.am_Է․Աղաջանյան_2019-11] Էդուարդ Արթուրի Աղաջանյանիպաշտոնական պարտականությունները ստանձնելու կամ դադարեցնելու օրվա դրությամբ առկա գույքի, եկամուտների և շահերի հայտարարագիր, 2019 թվական, (արխիվացված 12․12․2021թ․)։

[cpcarmenia.am_Է․Աղաջանյան_2018-12] Էդուարդ Արթուրի Աղաջանյանիպաշտոնական պարտականությունները ստանձնելու կամ դադարեցնելու օրվա դրությամբ առկա գույքի, եկամուտների և շահերի հայտարարագիր, 2018 թվական, (արխիվացված 07․03․2021թ․)։

[24news.am_Ֆերմատան_հերքում-13] «Աղաջանյանը հերքում է, որ իրեն պատկանող «Ֆերմատան» ակումբում փարթի է կազմակերպել» հոդված 24news.am լրատվական կայքում, (արխիվացված 12․12․2021թ․)։

[aravot.am_Իմպիչմենտ_դաշինք-14] «Ոչ դոդացմանը, ոչ սերժանտացմանը, ոչ ռոբոտացմանը» կարգախոսը չեղյալ չի՞ հայտարարվել» հոդված aravot.am լրատվական կայքում, (արխիվացված 11․12․2021թ․)

[azatutyun.am_Իմպիչմենտ_հավաքած_ձայներ-15] «Բոլոր տեղամասերում քվեարկության նախնական արդյունքներով, 5-տոկոսանոց շեմը հաղթահարել է հինգ կուսակցություն» հոդված azatutyun.am կայքում, (արխիվացված11․12․2021թ․)

[16] «Էդուարդ Աղաջանյանը` ԱԺ արտաքին հարաբերությունների մշտական հանձնաժողովի նախագահի թեկնածու».

[17] «ՀՀ Ազգային ժողովն ընտրեց 12 մշտական հանձնաժողովների նախագահներին».

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]