Ալեքսանդր Բեկզադյան

Վիքիպեդիայից՝ ազատ հանրագիտարանից
Jump to navigation Jump to search
Ալեքսանդր Բեկզադյան
Bekzadianyoung.jpg
Ծնվել է1879
ԾննդավայրՇուշի, Ռուսական կայսրություն
Մահացել էօգոստոսի 1, 1938(1938-08-01)[1]
Մահվան վայրKommunarka shooting ground, Լենինսկի շրջան, Մոսկվայի մարզ, ՌԽՖՍՀ, ԽՍՀՄ
ՔաղաքացիությունFlag of the Soviet Union (1924–1955).svg ԽՍՀՄ
Ազգությունհայ
ԿրթությունՑյուրիխի համալսարան և Կիևի պոլիտեխնիկական ինստիտուտ
Մասնագիտությունքաղաքական գործիչ և դեսպան
Քաղաքական կուսակցությունՀայաստանի կոմունիստական կուսակցություն (ՀԽՍՀ)
Alexander Bekzadyan Վիքիպահեստում

Ալեքսանդր Հարությունի (Արտեմի) Բեկզադյան (1879, Շուշի, Ռուսական կայսրություն - օգոստոսի 1, 1938(1938-08-01)[1], Kommunarka shooting ground, Լենինսկի շրջան, Մոսկվայի մարզ, ՌԽՖՍՀ, ԽՍՀՄ), հեղափոխական գործիչ, իրավաբանական գիտությունների դոկտոր (1913)։ 1920 թվականի նոյեմբերից նշանակվել է ՀԽՍՀ արտաքին գործերի ժողկոմ, 1926-1930 թվականներին եղել է Անդրֆեդերացիայի Ժողկոմխորհի նախագահի տեղակալ և առևտրի ժողկոմ։ 1930-1934 թվականներին՝ ԽՍՀՄ դեսպանն էր Նորվեգիայում, իսկ 1934-1937 թվականներին՝ Հունգարիայում։ ՌՍԴԲԿ անդամ (1903 թվականից):

Կենսագրություն[խմբագրել | խմբագրել կոդը]

Ալեքսանդր Բեկզադյանը ծնվել է 1879 թվականի սեպտեմբերի 15-ին, Լեռնային Ղարաբաղի Շուշի քաղաքում: Ավարտել է Շուշիի ռեալական ուսումնարանը: 1900-1902 թվականներին սովորել է Կիևի պոլիտեխնիկական ինստիտուտում: 1911 թվականին ավարտել է Ցյուրիխի համալսարանի հասարակաքաղաքական ֆակուլտետը: Գործուն մասնակցություն է ունեցել ՌՍԴԲԿ արտասահմանյան կազմակերպությունների աշխատանքներին, սերտ կապ պահպանել 2-րդ ինտերնացիոնալի գործիչների, Եվրոպայի կուսակցությունների հետ: 1914 թվականին աշխատել է Բաքվում, ապա՝ Հյուսիսային Կովկասում: 1920 թվականին եղել է Հայաստանը խորհրդային հռչակող հեղկոմի անդամ, առաջին կառավարության արտգործժողկոմ: 1920 թվականի դեկտեմբերին և 1921 թվականի հունվարին Թուրքիայի կառավարությանը նոտաներ է հղել՝ պահանջելով դադարեցնել գրավված հայկական տարածքներում հայ բնակչության նկատմամբ գազանությունները, առաջարկել բանակցություններ սկսել Կարսի մարզը և Ալեքսանդրապոլը Խորհրդային Հայաստանին վերադարձնելու համար: Սակայն թուրքական կողմը պահանջել է արգելել Բեկզադյանի գլխավորությամբ հայկական պատվիրակության մասնակցությունը 1921 թվականի փետրվար-մարտին Մոսկվայի բանակցություններին՝ պատճառաբանելով Հայաստանում սկսված հակախորհրդային զինված ապստամբությունը: Հետագա տարիներին կատարել է դիվանագիտական աշխատանք:

Ստալինիզմի զոհ է։ Անհիմն բռնադատվել է, գնդակահարվել, հետմահու արդարացվել: Մահացել է 1939 թվականի օգոստոսի 10-ին:

Գրականություն[խմբագրել | խմբագրել կոդը]

Կարապետյան Հ․ Ն․, Մեծ պայքարի մարդիկ, Ե․, 1967։


Ծանոթագրություններ[խմբագրել | խմբագրել կոդը]

  1. 1,0 1,1 1,2 Бекзадян Александр Артемьевич // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.