Արա Այվազյան

	Արա Հենրիի Այվազյան
2020 թվականի նոյեմբերի 18 - 2021 թվականի հուլիսի 15
Նախագահ	Արմեն Սարգսյան
Վարչապետ	Նիկոլ Փաշինյան
Նախորդող	Զոհրաբ Մնացականյան
Հաջորդող	Արմեն Գրիգորյան (պաշտոնակատար), Արարատ Միրզոյան
Կուսակցություն՝	անկախ քաղաքական գործիչ
Կրթություն՝	Երևանի պետական համալսարան (1993) և Հայկազյան համալսարան (1994)
Մասնագիտություն՝	դիվանագետ
Ծննդյան օր	մարտի 30, 1969 (55 տարեկան)
Ծննդավայր	Երևան
Քաղաքացիություն	Հայաստան
Պարգևներ
Ara Ayvazyan

Վիքիպեդիայում կան հոդվածներ Այվազյան ազգանունով այլ մարդկանց մասին։

Արա Հենրիի Այվազյան (մարտի 30, 1969(1969-03-30), Երևան, Հայկական ԽՍՀ, ԽՍՀՄ), հայ դիվանագետ, Հայաստանի արտաքին գործերի նախկին նախարար (18.11.2020 - 27.05.2021^[1])։

Կրթություն[խմբագրել | խմբագրել կոդը]

1986-1993 թվականներին սովորել և ավարտել է ԵՊՀ արևելագիտության ֆակուլտետի արաբական բաժինը (1987-1989 թվականներին ծառայել է Խորհրդային բանակում)։

1994 թվականին ավարտել է Բեյրութի Հայկազյան համալսարանական քոլեջի քաղաքագիտության ֆակուլտետը։

Դիվանագիտական ծառայություն[խմբագրել | խմբագրել կոդը]

1995 թվական - ՀՀ արտաքին գործերի նախարարության երկրորդ եվրոպական վարչության կցորդ։
1996 թվական - ՀՀ արտաքին գործերի նախարարության երկրորդ եվրոպական վարչության երրորդ քարտուղար։
1996-1997 թվականներ - Արգենտինայում ՀՀ դեսպանության երկրորդ քարտուղար։
1997 թվական - ՀՀ արտաքին գործերի նախարարության Ամերիկայի վարչության Կենտրոնական և Հարավային Ամերիկայի երկրների բաժնի վարիչ։
1998 թվական - ՀՀ արտաքին գործերի նախարարության քարտուղարության պետ։
1999-2006 թվականներ - Արգենտինայում, Ուրուգվայում և Չիլիում Հայաստանի Հանրապետության արտակարգ և լիազոր դեսպան։
2006 թվական - ՀՀ արտաքին գործերի նախարարի խորհրդական։
2006-2011 թվականներ - Դանիայում, Նորվեգիայում, Շվեդիայում և Ֆինլանդիայում Հայաստանի Հանրապետության արտակարգ և լիազոր դեսպան։
2011 թվականի օգոստոսի 17-ին ՀՀ Նախագահի հրամանագրով ազատվել է Դանիայի Թագավորությունում Հայաստանի Հանրապետության արտակարգ և լիազոր դեսպանի պարտականություններից^[2]։
2011 թվականի հոկտեմբերի 19-ին ՀՀ Նախագահի հրամանագրով նշանակվել է Լիտվայի Հանրապետությունում Հայաստանի Հանրապետության արտակարգ և լիազոր դեսպան^[3]։
2012 թվականի մարտի 12-ին ՀՀ Նախագահի հրամանագրով ազատվել է Նորվեգիայի Թագավորությունում Հայաստանի Հանրապետության արտակարգ և լիազոր դեսպանի պարտականություններից^[4]։
2012 թվականի մարտի 23-ին ՀՀ Նախագահի հրամանագրով համատեղության կարգով նշանակվել է Լատվիայի Հանրապետությունում և Էստոնիայի Հանրապետությունում Հայաստանի Հանրապետության արտակարգ և լիազոր դեսպան^[5]։
2013 թվականի նոյեմբերի 26-ին ՀՀ Նախագահի հրամանագրով ազատվել է Շվեդիայի Թագավորությունում Հայաստանի Հանրապետության արտակարգ և լիազոր դեսպանի պարտականություններից^[6]։
2014 թվականի նոյեմբերի 6-ին ՀՀ Նախագահի հրամանագրով ազատվել է Ֆինլանդիայի Հանրապետությունում Հայաստանի Հանրապետության արտակարգ և լիազոր դեսպանի պարտականություններից^[7]։
2016 թվականին ՀՀ նախագահի հրամանագրով ազատվել է Լիտվայում, Լատվիայում և Էստոնիայում ՀՀ դեսպանի պաշտոնից և նշանակվել է Մեքսիկայի Միացյալ Նահանգներում Հայաստանի արտակարգ և լիազոր դեսպան (նստավայրը՝ Մեխիկո)^[8]։
2017 թվականին ՀՀ նախագահի հրամանագրով նշանակվել է Կուբայի Հանրապետությունում Հայաստանի Հանրապետության արտակարգ և լիազոր դեսպան (նստավայրը`Մեխիկո)^[9]։
2017 թվականին ՀՀ նախագահի հրամանագրով համատեղության կարգով, նշանակել Կոստա Ռիկայի Հանրապետությունում Հայաստանի Հանրապետության արտակարգ և լիազոր դեսպան (նստավայրը` Մեխիկո)^[10]։
2018 թվականի հունիսի 7-ին, համատեղության կարգով, նշանակվել է Պանամայի Հանրապետությունում Հայաստանի Հանրապետության արտակարգ և լիազոր դեսպան (նստավայրը` Մեխիկո)^[11]։
2020 թվականի հոկտեմբերի 16-ին ՀՀ վարչապետի հրամանով նշանակվել է ՀՀ արտաքին գործերի նախարարի տեղակալ^[12]
2020 թվականի նոյեմբերի 18-ին ՀՀ նախագահի հրամանագրով նշանակվել է ՀՀ արտաքին գործերի նախարար։