Վլադիմիր Կարմիրշալյան

Վլադիմիր Կարմիրշալյան;
Ծնվել է	մարտի 2, 1952 (72 տարեկան)
Ծննդավայր	Վաղարշապատ, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Միջազգային հարաբերությունների Մոսկվայի պետական ինստիտուտ և ՄՊՀ ժուռնալիստիկայի ֆակուլտետ
Մասնագիտություն	դիվանագետ
Զբաղեցրած պաշտոններ	դիվանագետ

Վլադիմիր Դավթի Կարմիրշալյան (մարտի 2, 1952(1952-03-02), Վաղարշապատ, Հայկական ԽՍՀ, ԽՍՀՄ), հայ դիվանագետ։

Կրթություն[խմբագրել | խմբագրել կոդը]

1959-1969 թթ. - սովորել և ավարտել է Էջմիածնի Մ. Գորկու անվան ռուսական դպրոցը։
1970-1974 թթ. - սովորել է ԽՍՀՄ արտաքին գործերի մինիստրության Մոսկվայի միջազգային հարաբերությունների պետական ինստիտուտի միջազգային ժուռնալիստիկայի ֆակուլտետում։
1974-1976 թթ. - սովորել և ավարտել է Լոմոնոսովի անվան Մոսկվայի պետական համալսարանի ժուռնալիստիկայի ֆակուլտետի միջազգային ժուռնալիստիկայի բաժինը։
1989-1991 թթ. - սովորել և գերազանցությամբ ավարտել է ԽՍՀՄ արտաքին գործերի մինիստրության դիվանագիտական ակադեմիան։

Դիվանագիտական ծառայությունը[խմբագրել | խմբագրել կոդը]

1977-1978 թթ. - Հայկական ԽՍՀ արտաքին գործերի մինիստրության քաղաքական տեղեկատվության բաժնի երկրորդ քարտուղար։
1978-1985 թթ. - Հայկական ԽՍՀ արտաքին գործերի մինիստրի օգնական։
1985-1989 թթ. - Վիետնամում ԽՍՀՄ գլխավոր հյուպատոսության փոխհյուպատոս, ապա՝ հյուպատոս։
1991-1992 թթ. - ՀՀ արտաքին գործերի նախարարության առաջին գլխավոր վարչության տնօրեն։
1992-1994 թթ. - ՀՀ արտաքին գործերի նախարարության Լատինական Ամերիկայի վարչության տնօրեն։
1994-1995 թթ. - ՀՀ արտաքին գործերի նախարարության միջազգային կազմակերպությունների վարչության տնօրեն։
1995-1998 թթ. - Ժողովրդավարության և մարդու իրավունքների ազգային կենտրոնի գործադիր տնօրեն, ապա՝ գլխավոր տնօրեն։
1998-2000 թթ. - ՀՀ արտաքին գործերի նախարարի խորհրդական մարդու իրավունքների հարցերով։
1998-2000 թթ. - ՀՀ Նախագահին առընթեր մարդու իրավունքների հանձնաժողովի անդամ։
2000-2006 թթ. - Դանիայում, Նորվեգիայում, Շվեդիայում և Ֆինլանդիայում Հայաստանի Հանրապետության արտակարգ և լիազոր դեսպան։
2006-2012 թթ. - Արգենտինայում, Ուրուգվայում և Չիլիում Հայաստանի Հանրապետության արտակարգ և լիազոր դեսպան։
2012 թ. ապրիլի 10-ին ՀՀ Նախագահի հրամանագրով ազատվել է Արգենտինայում, Ուրուգվայում և Չիլիում Հայաստանի Հանրապետության արտակարգ և լիազոր դեսպանի պարտականություններից^[1]։
2013 թվականից ՀՀ արտաքին գործերի նախարարության հյուպատոսական վարչության պետն է։
2019 թվականի ապրիլի 26-ին նշանակվել է Իսպանիայի Թագավորությունում Հայաստանի Հանրապետության արտակարգ և լիազոր դեսպան (նստավայրը՝ Մադրիդ)^[2]։ 2020 թվականի հուլիսի 16-ին, համատեղության կարգով, նշանակել Անդորրայի Իշխանապետությունում Հայաստանի Հանրապետության արտակարգ և լիազոր դեսպան (նստավայրը՝ Մադրիդ)^[3]։