Մխիթար Գոշի մեդալ

Վիքիպեդիայից՝ ազատ հանրագիտարանից
Jump to navigation Jump to search


Մխիթար Գոշի մեդալի ժապավեն
Մխիթար Գոշի մեդալի վկայական

Մխիթար Գոշի մեդալ - Հայաստանի Հանրապետության պետական պարգև։ Հիմնադրվել է 1993 թ. հունիսի 23-ին ՀՀ Գերագույն խորհրդի կողմից ընդունված, 1993 թ. հուլիսի 27-ին ՀՀ Նախագահի կողմից ստորագրված և 1993 թ. օգոստոսի 8-ին ուժի մեջ մտած «Մխիթար Գոշի մեդալի մասին» ՀՀ օրենքով (օրենքն ուժը կորցրել է 2014 թ. օգոստոսի 9-ին)։ ՀՀ ամենահին մեդալն է Անանիա Շիրակացու մեդալի, Մխիթար Հերացու մեդալի և Մովսես Խորենացու մեդալի հետ մեկտեղ։

Վերասահմանվել է 2014 թ. հունիսի 21-ին ՀՀ Ազգային ժողովի կողմից ընդունված, 2014 թ. հուլիսի 18-ին ՀՀ Նախագահի կողմից ստորագրված և 2014 թ. օգոստոսի 9-ին ուժի մեջ մտած «Հայաստանի Հանրապետության պետական պարգևների և պատվավոր կոչումների մասին» ՀՀ օրենքով։

Մեդալի կարգավիճակը[խմբագրել | խմբագրել կոդը]

1993 թ. ընդունված օրենքի համաձայն Մխիթար Գոշի մեդալը շնորհվում է ակնառու պետական և հասարակական-քաղաքական գործունեության, ինչպես նաև դիվանագիտության, իրավագիտության ու քաղաքագիտության ասպարեզներում ունեցած նշանակալի ծառայությունների համար։

2014 թ. ընդունված օրենքով մեդալի կարգավիճակը չի փոփոխվել[1]։

Համաձայն ՀՀ Սահմանադրության 55-րդ հոդվածի 16-րդ կետի՝ մեդալով պարգևատրում է Հայաստանի Հանրապետության Նախագահը։ Պարգևատրման վերաբերյալ Նախագահը հրապարակում է հրամանագիր։

Մեդալով պարգևատրվողները[խմբագրել | խմբագրել կոդը]

1993-2014 թթ.[խմբագրել | խմբագրել կոդը]

1993 թ. ընդունված օրենքվ Մխիթար Գոշի մեդալով պարգևատրվողների շրջանակ չի սահմանվել։

2014 թվականից[խմբագրել | խմբագրել կոդը]

2014 թ. օգոստոսի 9-ին ուժի մեջ մտած օրենքով, այդ օրվանից սկսյալ Մխիթար Գոշի մեդալով պարգևատրվում են պետական, հասարակական, քաղաքական գործիչները, գիտնականները, դիվանագիտական գործիչները և իրավաբանները[1]։

2015 թվականից[խմբագրել | խմբագրել կոդը]

2015 թ. ապրիլի 7-ին Հայաստանի Հանրապետության Ազգային ժողովի կողմից ընդունվել, ապրիլի 22-ին Հայաստանի Հանրապետության Նախագահի կողմից ստորագրվել և մայիսի 7-ին ուժի մեջ է մտել «Հայաստանի Հանրապետության պետական պարգևների և պատվավոր կոչումների մասին Հայաստանի Հանրապետության օրենքում լրացումներ կատարելու մասին» Հայաստանի Հանրապետության օրենքը[2]։ Ըստ այդմ, Մխիթար Գոշի մեդալով պարգևատրվում են նաև այն անձինք, ովքեր նշանակալի ավանդ են ներդրել Հայոց ցեղասպանության միջազգային ճանաչման, ցեղասպանությունների դատապարտման, կանխարգելման, ինչպես նաեւ ժխտողականության դեմ պայքարի գործում։

Պարգևատրման միջնորդությունը[խմբագրել | խմբագրել կոդը]

1993-2014 թթ.[խմբագրել | խմբագրել կոդը]

1993 թ. ընդունված օրենքի համաձայն, Մխիթար Գոշի մեդալով պարգևատրելու միջնորդությունը հարուցվում է Հայաստանի Հանրապետության Գերագույն խորհրդի նախագահության, Հայաստանի Հանրապետության կառավարության կողմից։

Ներկայումս[խմբագրել | խմբագրել կոդը]

2014 թ. օգոստոսի 9-ից Հանրապետության Նախագահը մեդալը կարող է շնորհել ինչպես անձնական նախաձեռնությամբ, այնպես էլ պարգևատրման վերաբերյալ պաշտոնատար անձանց միջնորդությունների հիման վրա։ Հայաստանի Հանրապետության Նախագահի 2014 թ. սեպտեմբերի 16-ի «Հայաստանի Հանրապետության պետական պարգևների և պատվավոր կոչումների հետ կապված հարաբերությունները կարգավորելու մասին» թիվ ՆՀ-396-Ն հրամանագրով սահմանվել է, որ Մխիթար Գոշի մեդալով պարգևատրելու միջնորդությունները ներկայացնում են Հայաստանի Հանրապետության վարչապետը, Հայաստանի Հանրապետության պետական մարմինների ղեկավարները, Երևանի քաղաքապետը՝ տվյալ մարմինների և Երևանի քաղաքապետարանի գործունեության ոլորտին առնչության դեպքում։ Տեղական ինքնակառավարման մարմինների ղեկավարները Մխիթար Գոշի մեդալով պարգևատրելու միջնորդությունները ներկայացնում են համապատասխան միջնորդություն ներկայացնելու իրավասություն ունեցող պաշտոնատար անձանց միջոցով[3]։

Կրելու կարգը[խմբագրել | խմբագրել կոդը]

1993-2014 թթ. Մխիթար Գոշի մեդալը կրում էին կրծքի ձախ կողմում՝ Մարտական ծառայության մեդալից հետո։

2014 թ. օգոստոսի 9-ից Մխիթար Գոշի մեդալը կրում են կրծքի ձախ կողմում՝ Մարտական ծառայության մեդալից հետո, Մխիթար Հերացու մեդալի, Անանիա Շիրակացու մեդալի և Մովսես Խորենացու մեդալի հետ հավասար՝ ըստ պարգևատրման հերթականության։

Այսպիսով, 2014 թ. Մխիթար Գոշի մեդալի, Մխիթար Հերացու մեդալի, Անանիա Շիրակացու մեդալի և Մովսես Խորենացու մեդալի կարգավիճակները հավասարեցվել են, մինչդեռ մինչ այդ Մխիթար Գոշի մեդալն ուներ ավելի բարձր կարգավիճակ։

Մեդալի նկարագրությունը[խմբագրել | խմբագրել կոդը]

1993-2014 թթ.[խմբագրել | խմբագրել կոդը]

1993-2014 թթ. հանձնվող Մխիթար Գոշի մեդալն իրենից ներկայացնում է 35 մմ տրամագիծ ունեցող սկավառակ, որի կենտրոնում պատկերված է Մխիթար Գոշը՝ արդարության խորհրդանիշ հանդիսացող նժարի ֆոնի վրա։ Ձախ ձեռքում ունի Դատաստանագիրքը, աջ ձեռքը բարձրացված է երդման համար։

Մեդալն ունի ուռուցիկ եզրաշերտ։ Մեդալը պատրաստվում է պղնձից (բրոնզափառ)։ Մեդալի ներքևի մասում կա 2 տողով մակագրություն՝ «Մխիթար Գոշ»։

Մեդալն օղակների միջոցով ամրանում է մետաքսապատ շերտաձողիկներին, որի կենտրոնական մասում տեղադրված է ներդիր՝ նույն մետաղից (բրոնզափառ)։

Ժապավենը հնգակող է, որի 2 կողերն ուղղահայաց են հիմքին։ Հիմքի երկարությունը 20 մմ է, աջ և ձախ կողերի բարձրությունը՝ 10 մմ, կենտրոնական մասի բարձրությունը՝ 15 մմ։ Ժապավենը ծիրանագույն է՝ կարմիր երիզներով։ Ժապավենը փաթաթվում է հնգակող մետաղե թիթեղյա շերտաձողի վրա, որի հակառակ երեսն ունի մեդալը հագուստին ամրացնելու հարմարանք։

Մեդալի հակառակ երեսին փորագրված է մեդալի հերթական համարը։

Մեդալը փոխարինող շերտաձողիկը պատրաստվում է մետաղյա թերթիկից, որի չափերն են՝ 25 մմ x 10 մմ։ Շերտաձողիկի ժապավենը կրում է մեդալի ժապավենային գունային նկարագիրը։ Շերտաձողիկի հակառակ երեսն ունի շերտաձողիկը հագուստին ամրացնելու հարմարանք։

Մեդալի հակառակ երեսին փորագրվում է մեդալի հերթական համարը։

Մեդալը փոխարինող շերտաձողիկը պատրաստվում է մետաղյա թերթիկից, որի չափերն են՝ 25 մմ x 10 մմ։ Շերտաձողիկի ժապավենը կրում է մեդալի ժապավենային գունային նկարագիրը։

Շերտաձողիկի հակառակ երեսն ունի շերտաձողիկը հագուստին ամրացնելու հարմարանք։

Ներկայումս[խմբագրել | խմբագրել կոդը]

2014 թ. օգոստոսի 9-ից հանձնվող մեդալի նկարագրությունը և նմուշը, դրա վկայականի նմուշը, մեդալի շերտաձողիկի նկարագրությունը և նմուշը հաստատում է Հայաստանի Հանրապետության Նախագահը։

Մխիթար Գոշի մեդալը (այսուհետ՝ մեդալ) բաղկացած է 2 մաuից՝ կախիչից և դրան կապoղակով ամրացված uկավառակից։ Սկավառակի տրամագիծը 35 մմ է, կենտրոնում պատկերված է Մխիթար Գոշը՝ արդարության խորհրդանիշ նժարի ֆոնին։ Ձախ ձեռքին «Դատաստանագիրքն» է, աջը բարձրացված է երդման համար։

Սկավառակն ունի ուռուցիկ եզրաշերտ։ Մեդալը պատրաստված է բրոնզապատ պղնձից, ներքևի մասում կա մակագրություն «ՄԽԻԹԱՐ ԳՈՇ»:

Սկավառակը պատրաստված է պղնձի հատուկ համաձուլվածքից և արտադրված է դրոշմման եղանակով։ Այն անցնում է հատուկ մշակում և ձեռք բերում հատուկ գունավորում։

Կախիչը պատրաստված է թեթև մետաղից և ունի հնգակողմ բազմանկյան ձև, որը պաստառապատված է 24 մմ լայնության մետաքսե ժապավենով։ Ժապավենը ծիրանագույն է՝ կարմիր երիզներով։ Կախիչի աջ և ձախ կողմերի բարձրությունները 39 մմ են։ Կախիչի վերևի մասի երկարությունը 27 մմ է, ներքևինը՝ 47 մմ, հաստությունը՝ 1 մմ։ Կախիչի երկարությունը վերևի մասի կենտրոնից մինչև ներքևի գագաթը 50 մմ է։

Մեդալը դարձերեսի կողմից համարակալված է։

Մեդալի շերտաձողիկը պատրաստված է մետաղյա թերթիկից, որի չափերն են՝ 25 մմ x 10 մմ։ Շերտաձողիկի ժապավենը կրում է մեդալի ժապավենի գունային նկարագիրը[4]։

Պարգևատրման վիճակագրությունը[խմբագրել | խմբագրել կոդը]

ՀՀ Նախագահ Ս. Սարգսյանի կողմից (2008 թ. ապրիլի 9-ից առ այսօր) մեդալով պարգևատրվել է 156 անձ։

156 պարգևատրվածներից 92-ը ՀՀ, 64-ը՝ օտարերկրյա քաղաքացիներ են։ Պարգևատրված 64 օտարերկրյա քաղաքացիներից 18-ը Ամերիկայի Միացյալ Նահանգներ ԱՄՆ, 9-ը Ֆրանսիա Ֆրանսիայի, 6-ը՝ Արգենտինա Արգենտինայի, 5-ը՝ Ռուսաստան Ռուսաստանի Դաշնության, 2-ական՝ Գերմանիա Գերմանիայի, Լեհաստան Լեհաստանի, Լիբանան Լիբանանի, Կիպրոսի Հանրապետություն Կիպրոսի, Սիրիա Սիրիայի և Ուրուգվայ Ուրուգվայի, 1-ական՝ Ավստրալիա Ավստրալիայի, Բրազիլիա Բրազիլիայի, Եգիպտոս Եգիպտոսի, Թուրքիա Թուրքիայի, Լյուքսեմբուրգ Լյուքսեմբուրգի, Կանադա Կանադայի, Հունաստան Հունաստանի, Ճապոնիա Ճապոնիայի, Չեխիա Չեխիայի, Չիլի Չիլիի, Սլովակիա Սլովակիայի և Ֆինլանդիա Ֆինլանդիայի քաղաքացիներ են։ Պարգևատրվել են նաև Եվրամիություն Եվրոպական Միության և ԵԱՀԿ-ի 1-ական ներկայացուցիչ։

156 պարգևատրվածներից 138-ը տղամարդ են, 18-ը՝ կին։

Ըստ պարգևատրվածների կարգավիճակի պատկերը հետևյալն է.

  • ՀՀ Դատախազության աշխատակիցներ - 20
  • ՀՀ Ազգային ժողովի պատգամավորներ - 17
  • Դատավորներ - 12
  • Դիվանագետներ - 12
  • ՀՀ Նախագահի աշխատակազմի աշխատակիցներ - 7,
  • ՀՀ Հատուկ քննչական ծառայության աշխատակիցներ - 7
  • ՀՀ Քննչական կոմիտեի աշխատակիցներ - 2
  • ՀՀ Ազգային ժողովի աշխատակազմի պետական ծառայողներ և աշխատակիցներ - 4
  • Ոստիկանության ծառայողներ - 2
  • ՀՀ ԿԱ Պետական եկամուտների կոմիտեի աշխատակիցներ - 1
  • ՀՀ Արդարադատության նախարարություն - 3
  • ՀՀ Սփյուռքի նախարարություն - 2
  • Իրավաբան գիտնականներ - 3
  • Սփյուռքի գործիչներ - 31։

Ըստ պարգևատրվածների կոչումների պատկերը հետևյալն է.

Ըստ տարեթվերի պարգևատրվել են.

  • 2008 թ. - 4,
  • 2009 թ. - 5,
  • 2010 թ. - 4,
  • 2011 թ. - 54,
  • 2012 թ. - 13,
  • 2013 թ. - 21,
  • 2014 թ. - 25,
  • 2015 թ. - 19,
  • 2016 թ. մարտի 2-ի դրությամբ - 11 անձ։

Մեդալակիրներ[խմբագրել | խմբագրել կոդը]

Հիմնական հոդված՝ Մխիթար Գոշի մեդալակիրների ցանկ

Ծանոթագրություններ[խմբագրել | խմբագրել կոդը]