Գևորգ Հովհաննիսյան (պետական գործիչ)

	Գևորգ Հովհաննիսյան
Կուսակցություն՝	ԽՄԿԿ
Կրթություն՝	Մոսկվայի Գերասիմովի անվան կինեմատոգրաֆիայի ինստիտուտ
Մասնագիտություն՝	պետական ծառայող
Ծննդյան օր	1907
Ծննդավայր	Դոնի Ռոստով, Դոնի զորքի մարզ, Ռուսական կայսրություն
Վախճանի օր	1957
Վախճանի վայր	Երևան, Հայկական ԽՍՀ, ԽՍՀՄ
Քաղաքացիություն	Ռուսական կայսրություն և ԽՍՀՄ
Պարգևներ	; և

Գևորգ (Կիմիկ) Հարությունի Հովհաննիսյան (1907, Դոնի Ռոստով, Դոնի զորքի մարզ, Ռուսական կայսրություն - 1957, Երևան, Հայկական ԽՍՀ, ԽՍՀՄ), խորհրդային հայ կուսակցական և պետական գործիչ, ՀԽՍՀ արտաքին գործերի նախարար (1947-1954), միաժամանակ` 1947 թվականից` Արտասահմանյան երկրների հետ մշակութային կապի հայկական ընկերության (ԱՕԿՍ) վարչության նախագահ և 1948 թվականից` ՀԽՍՀ նախարարների խորհրդին առընթեր արվեստի գործերի վարչության պետ^[1]։ ՀԽՍՀ արվեստի վաստակավոր գործիչ (1940)։

Կենսագրություն

Ավարտել է Համամիութենական կինոակադեմիայի ռեժիսուրայի ֆակուլտետը։ 1925 թվականին նշանակվել է Թբիլիսիի Վ. Ի. Լենինի անվան Համամիութենական պիոներական կազմակերպության հրահանգիչ, 1931-1932 թվականներին եղել է Լենինականում Հայաստանի 2-րդ պետական թատրոնի տնօրեն (այժմ՝ Գյումրու Վարդան Աճեմյանի անվան պետական դրամատիկական թատրոն), 1932-1933 թվականներին՝ Երևանի պետական կոնսերվատորիայի տնօրեն^[2]։ 1935 թվականից ղեկավարել է Մոսկվայում Հայաստանի մշակույթի տունը։ Վերադառնալով Հայաստան՝ ղեկավարել է Ա. Սպենդիարյանի անվան օպերայի և բալետի ազգային ակադեմիական թատրոնը։

1940-1944 թվականներին եղել է Երևանի կինոստուդիայի տնօրեն, 1944-1947 թվականներին՝ ՀԽՍՀ արտաքին գործերի ժողովրդական կոմիսարի տեղակալ, 1947-1954 թվականներին՝ ՀԽՍՀ արտաքին գործերի նախարար։ Միաժամանակ եղել է Արտասահմանյան երկրների հետ մշակութային կապերի հայկական ընկերության վարչության նախագահը, 1948 թվականից՝ նաև ՀԽՍՀ Մինիստրների խորհրդին կից արվեստի գործերի վարչության պետ։

Պարգևատրվել է Աշխատանքային կարմիր դրոշի (1939) և Կարմիր աստղի (1944) շքանշաններով։