Էրիս

Էրիս (Eris)
Էրիսը (կենտրոնում) և Դիսնոմիան (ձախից)
Հիմնական տվյալներ
Հայտնաբերվել է	5 հունվար 2005 թ. (Միքաել Բրաունի կողմից)
Հեռավորությունը Արեգակից	67,901638 ա. մ.
Արբանյակներ	2
Ուղեծրային տվյալներ
Ապոհելին	97,518071 ա. մ.
Մեծ կիսաառանցք	67,901638 ա. մ.
Էքսցենտրիսիտետ	0,436167
Սիդերիկ պարբերություն	559,5 տարի (204 360 օր)
Ուղեծրային արագություն	3,436 կմ/վ
Թեքվածություն	44,0231° (Արեգակի հասարակածի նկատմամբ)
Ծագման անկյան երկայնություն	35,9573°
Պերիկենտրոնի արգումենտ	151,5227°
Ֆիզիկական հատկանիշներ
Հասարակածային շառավիղ	2326 ± 12 կմ
Զանգված	(1,67±0,02) × 1022 կգ
Միջին խտություն	>2,52 գ/սմ3
Հասարակածային մակերևութային ձգողություն	~0,65 մ/վ2
2-րդ տիեզերական արագություն	1,549 կմ/վ
Պտույտի պարբերություն	> 8 ժամ
Ալբեդո	0,96
Մթնոլորտային տվյալներ

136199 Էրիս (հին հունարեն՝ Ἔρις, լատիներեն՝ Eris) — գաճաճ մոլորակ, պլուտոիդ, որը, վերջին տվյալներով, փոքր ինչ փոքր է Պլուտոնից: Մինչև 2006 թվականի օգոստոսի 24-ը հավակնում էր մոլորակի կարգավիճակի (ավելի վաղ ենթադրվում էր, որ այն կարող է լինել ավելի մեծ քան Փայլածուն): Ամենաճշգրիտ չափումները կատարվել են 2010 թվականի նոյեմբերի 6-ին, երբ այս մոլորակը անցնում էր Կետի համաստեղության մի աստղի առջևով, Էրիսի շողքը թույլ տվեց գնահատելու այս պլուտոիդի տրամագիծը 10 կմ ճշտությամբ: Էրիսը ունի մեկ արբանյակ՝ Դիսնոմիան:

Կարգավիճակը

Հայտնաբերողները, և նրանցից հետո էլ ՆԱՍԱ-ն ու որոշ ԶԼՄ-ներ հայտարարեցին այս մարմինը Արեգակնային համակարգի տասներորդ մոլորակ, սակայն 2006 թվականի օգօստոսի 24-ին Միջազգային աստղագիտական միությունը հաստատեց մոլորակի սահմանումը, որի համաձայն 2003 UB₃₁₃ չի հանդիսանում մոլորակ: Մարմինը դասակարգվել է «Գաճաճ մոլորակների» տեսակին: 2008 թվականի հունիսի 11-ին ՄԱՄ-ը հայտարարեց պլուտոիդ հասկացության ներմուծման մասին: Պլուտոիդներին են դասվել Էրիս և Պլուտոն գաճաճ մոլորակները: