Եվրոպա (արբանյակ)

Վիքիփեդիայից՝ ազատ հանրագիտարանից

Եվրոպա (հուն․՝ Ευρώπη) ― Յուպիտերի վեցերրորդ արբանյակն է, Գալիլեյան արբանյակներից ամենափոքրը։ Հայտնաբերվել է Գալիլեո Գալիլեյի կողմից 1610 թ-ին։ Ենթադրվում է, որ Եվրոպայի սառցե մակերևույթի տակ գտնվում է օվկիանոս, որտեղ կարող է և կյանք գոյություն ունենալ։

Արբանյակի հատնագործման մեկ այլ թեկնածու էր գերմանացի աստղագետ Սիմոն Մարիուսը, որը դիտել էր այն 1609 թ-ին, բայց չէր հրատարակել հայտնաբերված տվյալները։

«Եվրոպա» անվանումը կապված է հին հունական առասպելաբանության հերոսներից մեկի՝ Զևսի (Յուպիտերի) սիրուհու անվան հետ։ Այս անվանումը առաջարկվել է Սիմոն Մարիուսի կողմից 1614 թ-ին, բայց երկար ժամանակ գործածման մեջ չի եղել։ Գալիլեյը իր հայտնաբերած 4 արբանյակներն անվանել էր «Մեդիչիի մոլորակներ» և որպես անվանման միջոց ուղղակի համարակալել էր դրանք։ Եվրոպային անվանել էր «Յուպիտերի երկրորդ արբանյակ» (հաճախ այն անվանում էին «Յուպիտեր 2)։ Միայն XX դարի կեսերից է «Եվրոպա» անվանումը տարածում գտել։