National Geographic Magazine

Վիքիպեդիայից՝ ազատ հանրագիտարանից
National Geographic Magazine
անգլ.՝ National Geographic[1][2][3][…]
Изображение логотипа
Տեսակգիտական հանդես
ՀապավումNatl. Geogr.
Լեզուանգլերեն[4][3][5][…]
Հիմնադրվել է1888[6][7]
ՀրատարակիչԱզգային աշխարհագրական կազմակերպություն[6][4][3][…]
ՍեփականատերՈւոլթ Դիսնեյ ընկերություն
Հրատարակման վայրՎաշինգտոն, Կոլումբիայի շրջան[6][4][3][…]
ISSN0027-9358, 1044-6613, 1931-1524 և 1939-9235
OCLC1643684 և 6451257
Կայքnationalgeographic.com/magazine/​(անգլ.) և nationalgeographic.grid.id
 National Geographic Վիքիպահեստում

National Geographic Magazine, Ազգային աշխարհագրական կազմակերպության պաշտոնական ամսագիրը։ Այն բոլոր ժամանակների ամենաշատ ընթերցվող ամսագրերից մեկն է։

Ձևաչափ[խմբագրել | խմբագրել կոդը]

Ամսագրի թեմաները հիմնականում վերաբերում են գիտությանը, աշխարհագրությանը, պատմությանը և համաշխարհային մշակույթին։ Ամսագիրը հայտնի է իր յուրահատուկ ոճով. դեղին ուղղանկյուն եզրագիծ՝ կենտրոնում՝ լուսանկար։ Ամսագիրը լույս է տեսնում ամիսը մեկ անգամ։ Այն հասանելի է ինչպես ավանդական տպագիր հրատարակությամբ, այնպես էլ՝ առցանց եղանակով։

Հանրաճանաչվածություն և տարածում[խմբագրել | խմբագրել կոդը]

1980-ական թվականների վերջին ամսագրի ներքին տպաքանակը հասնում էր մոտ 12 միլիոն օրինակի։ 2015թ․-ին հրատարակությունը հասավ մոտ 3,5միլիոն բաժանորդի Միացյալ Նահանգներում և լրացուցիչ 3միլիոն բաժանորդի՝ արտասահմանում, ոչ անգլալեզու հրատարակությունների միջոցով[8]։ 2021 թվականի դրությամբ նրա Instagram-ի էջն ունի ավելի շատ հետևորդներ (154մլն), քան շահույթ չհետապնդող ցանկացած այլ հաշիվ[9]։

Ղեկավարող կազմ[խմբագրել | խմբագրել կոդը]

Սյուզեն Գոլդբերգը National Geographic-ի գլխավոր խմբագիրն է և National Geographic Partners-ի խմբագրական տնօրենը։ Որպես խմբագրական տնօրեն՝ նա ղեկավարում է բոլոր լրագրությունները տարբեր հարթակներում՝ ներառյալ թվային լրագրությունը, ամսագրերը, փոդքասթները, քարտեզները, տեղեկագրերը և Instagram-ը[10]։

Պատմություն[խմբագրել | խմբագրել կոդը]

Ի սկզբանե ընկերությունը մտադիր էր ամսագրրի համարներն ուղղել միայն Միացյալ Նահանգների ընթերցողներին, բայց շուտով ամսագիրն ավելի լայն տարածում է գտնում։ Գլիբերթ Գրոսվենորի խմբագրությամբ, 1926թվականին այն հասավ 1միլիոն տպաքանակի[11]։

National Geographic-ը գունավոր լուսանկարներ վերարտադրող առաջին ամսագրերից էր, և այն նաև առաջատարն էր ստորջրյա կյանքի լուսանկարների, ստրատոսֆերայի և կենդանիների լուսանկարների տպագրության մեջ։ Ամսագիրը համաշխարհային ճանաչում ձեռք բերեց աշխարհի տարբեր շրջանների վերաբերյալ իր առատորեն պատկերազարդ հոդվածներով։ Ամսագրից ստացված հասույթն օգնեց աջակցել ընկերության գիտական արշավներին[11]։

Ամսագրի առաջին համարը[խմբագրել | խմբագրել կոդը]

National Geographic ամսագրի առաջին համարը լույս է տեսել 1888 թվականի սեպտեմբերի 22-ին, National Geographic Society-ի կողմից, ընկերության հիմնադրումից ութ ամիս անց[11]։ Ամսագրի ստեղծված էր «աշխարհագրական գիտելիքների ավելացման և տարածման նպատակով»[12]։

Ամսագրի առաջին համարը, որը տպագրվել է Կոնեկտիկուտ նահանգի Նյու Հեյվն քաղաքում, 50ցենտ արժողությամբ, շատ լուրջ գործ էր։ Շագանակագույն թղթե շապիկը զուրկ էր տարբերակիչ դեղին եզրագծից(այդպես շարունակվեց մինչև 1910թվականը), և ոչ մի լուսանկար ներառված չէր ամսագրի 98 էջերում(այդպես շարունակվեց մինչև 1905թվականը)[12]։

Համարում ընդգրկված վեց հոդվածներն ի սկզբանե փաստաթղթեր էին, որոնք ներկայացվել էին ընկերության կողմից անցկացվող երկշաբաթյա հանդիպումներում՝ սկզբում Նյու Յորքի Կոլումբիայի համալսարանում, իսկ հետո՝ Վաշինգտոնի Կոսմոս ակումբում, 1888թվականի փետրվարից մայիս ընկած ժամանակահատվածում[12]։

Լուսանկարներ[խմբագրել | խմբագրել կոդը]

Ամսագիրը, բացի ուսուցողական լինելուց, հայտնի է նաև իր լուսանկարչական բարձր ստանդարտով։ Կազմակերպության նախագահ Ալեքսանդր Գրեյհամ Բելի[13] և խմբագիր Գիլբերտ Հ. Գրոսվենորի պաշտոնավարման տարիներին էր, երբ առաջին անգամ շեշտվեց նկարազարդումների կարևորությունը, չնայած որ այս գաղափարի վերաբերյալ եղան որոշ քննադատություններ։ 1910 թ.-ին լուսանկարները դարձել էին ամսագրի ապրանքային նշանը, Գրոսվենորը անընդհատ փնտրում էր «դինամիկ նկարներ»։ 1915-ին նա սկսեց ստեղծել լուսանկարչական անձնակազմ և նրանց տրամադրել այդ ժամանակների համար նորարար գործիքներ, ինչպես նաև աշխատանոց[14]։

1959թվականին ամսագիրը սկսեց փոքր լուսանկարներ հրապարակել իր շապիկներին՝ հետագայում դարձնելով ավելի մեծ լուսանկարներ։ National Geographic-ի լուսանկարչությունն արագորեն անցավ թվային լուսանկարչության ինչպես իր տպագիր ամսագրի, այնպես էլ իր կայքի համար։ Ամսագրի թողարկումները հաճախ տարիներ շարունակ պահվում են բաժանորդների կողմից և վերավաճառվում որպես հավաքածուներ։ Լուսանկարչության ստանդարտը բարձր է մնացել հետագա տասնամյակների ընթացքում, և ամսագիրը դեռ նկարազարդված է աշխարհի ամենաբարձր որակի ֆոտոլրագրողների կողմից։ 2015թվականից ի վեր National Geographic–ը սկսեց կազմակերպել լուսանկարչության միջազգային մրցույթներ[15]։

Լեզվական հրատարակություններ[խմբագրել | խմբագրել կոդը]

Լեզու Կայք Գլխավոր խմբագիր Առաջին թողարկումը
անգլերեն (ԱՄՆ) ngm.com Susan Goldberg 1888թ․ հոկտեմբեր
արաբերեն (ԱՄԷ) ngalarabiya.com Alsaad Omar Almenhaly 2010թ․ հոկտեմբեր
բուլղարերեն nationalgeographic.bg Krassimir Drumev 2005թ․ նոյեմբեր
չինարեն (ՉԺՀ) nationalgeographic.com.cn Արխիվացված 2018-03-25 Wayback Machine Bin Wang 2007թ․ հուլիս
չինարեն (Թայվան) ngtaiwan.com Yungshih Lee 2001թ․ հունվար
խորվաթերեն nationalgeographic.com.hr Hrvoje Prćić 2003թ․ նոյեմբեր
չեխերեն national-geographic.cz Kateřina Fejková 2002թ․ հոկտմբեր
դանիերեն natgeo.dk Karen Gunn 2000թ․ սեպտեմբեր
գերմաներեն (Նիդերլանդներ) nationalgeographic.nl Arno Kantelberg 2000թ․ հոկտեմբեր
անգլերեն (Հնդկաստան) nat-geo.in(չաշխատող հղում) Niloufer Venkatraman
էստոներեն nationalgeographic.ee Erkki Peetsalu 2011թ․ հոկտեմբեր
ֆիններեն natgeo.fi Karen Gunn 2001թ․ հունվար
ֆրանսերեն nationalgeographic.fr Jean-Pierre Vrignaud 1999թ․ հոկտեմբեր
վրացերեն nationalgeographic.ge Natia Khuluzauri 2012թ․ հոկտեմբեր
գերմաներեն nationalgeographic.de Florian Gless 1999թ․ հոկտեմբեր
հունգարերեն ng.hu Tamás Vitray 2003թ․ մարտ
եբրայերեն nationalgeographic.co.il Daphne Raz 1998թ․ հունիս
ինդոնեզերեն nationalgeographic.co.id Didi Kaspi Kasim 2005թ․ ապրիլ
իտալերեն nationalgeographic.it Marco Cattaneo 1998թ․ փետրվար
ճապոներեն nationalgeographic.jp Shigeo Otsuka 1995թ․ ապրիլ
ղազախերեն nationalgeographic.kz Yerkin Zhakipov 2016թ․ փետրվար
կորեերեն (Հարավային Կորեա) nationalgeographic.co.kr Junemo Kim 2000թ․ փետրվար
լիտվերեն nationalgeographic.lt Frederikas Jansonas 2009թ․ հոկտեմբեր
նորվեգերեն natgeo.no Karen Gunn 2000թ․ սեպտեմբեր
լեհերեն nationalgeographic.pl Agnieszka Franus 1999թ․ հոկտեմբեր
պորտուգալերեն nationalgeographic.pt Gonçalo Pereira 2001թ․ ապրիլ
ռումիներեն natgeo.ro Cătălin Gruia 2003թ․ մայիս
ռուսերեն nat-geo.ru Alexander Grek 2003թ․ հոկտեմբեր
սերբերեն nationalgeographic.rs Igor Rill 2006թ․ նոյեմբեր
սլովեներեն nationalgeographic.si Marija Javornik 2006թ․ ապրիլ
իսպաներեն (Լատինական Ամերիկա) ngenespanol.com Claudia Muzzi Turullols 1997թ․ նոյեմբեր
իսպաներեն (Իսպանիա) nationalgeographic.com.es Josep Cabello 1997թ․ հոկտեմբեր
շվեդերեն natgeo.se Karen Gunn 2000թ․ սեպտեմբեր
թայլանդերեն ngthai.com Kowit Phadungruangkij 2001թ․ օգոստոս
թուրքերեն nationalgeographic.com.tr Nesibe Bat 2001թ․ մայիս

Հետևյալ լեզուներով հրատարակությունները դադարեցվել են.

Լեզու Կայք Առաջին թողարկումը Վերջին թողարկումը Թողարկումների թիվը
մոնղոլերեն nationalgeographic.mn 2012թ․ հոկտեմբեր 2014թ․ հունիս 21
հունարեն nationalgeographic.gr 1998թ․ հոկտեմբեր 2014թ․ դեկտեմբեր 194
ուկրաիներեն 2013թ․ ապրիլ 2015թ․ հունվար 21
ադրբեջաներեն nationalgeographic.az 2014թ․ սեպտեմբեր 2015թ․ դեկտեմբեր 16
լատվիերեն nationalgeographic.lv 2012թ․ հոկտեմբեր 2016թ․ մարտ 42
պարսկերեն (Իրան) www.ngmfarsi.com 2012թ․ հոկտեմբեր 2018թ․ սեպտեմբեր 69
պորտուգալերեն (Բրազիլիա) nationalgeographicbrasil.com 2000թ․ մայիս 2019թ․ նոյեմբեր 235

Ծանոթագրություններ[խմբագրել | խմբագրել կոդը]

  1. ↑ The ISSN portal — Paris: ISSN International Centre, 2005. — ISSN 0027-9358
  2. ↑ Կոնգրեսի գրադարանի առցանց կատալոգ
  3. ↑ 3,0 3,1 3,2 3,3 Agence bibliographique de l'enseignement supérieur (France) Système universitaire de documentation (ֆր.) — Montpellier: ABES, 2001.
  4. ↑ 4,0 4,1 4,2 WorldCat(բազմ․) — 1971.
  5. ↑ CiNii
  6. ↑ 6,0 6,1 6,2 Biodiversity Heritage Library — 2006.
  7. ↑ http://www.coverbrowser.com/covers/national-geographic
  8. ↑ 1
  9. ↑ 2
  10. ↑ 3
  11. ↑ 11,0 11,1 11,2 4
  12. ↑ 12,0 12,1 12,2 5
  13. ↑ 6
  14. ↑ 7
  15. ↑ 8

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «National Geographic Magazine» հոդվածին։
Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=National_Geographic_Magazine&oldid=9130130» էջից