Հետաքրքրասերները (նկար)

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
Հետաքրքրասերները
տեսակգեղանկար
նկարիչԱրփենիկ Նալբանդյան
տարի1955
բարձրություն210 սանտիմետր
լայնություն130 սանտիմետր
նյութկտավ և յուղաներկ
գտնվում էՀայաստանի ազգային պատկերասրահ
հավաքածուՀայաստանի ազգային պատկերասրահ
կայք

Հետաքրքրասերները, ՀԽՍՀ վաստակավոր նկարչուհի Արփենիկ Նալբանդյանի 1955 թվականին ստեղծած կտավը։ Նկարի էսքիզը գտնվում է Հայաստանի ազգային պատկերասրահում[1]:

Ցուցադրվել է Մոսկվայում, մեծ Հոկտեմբերի 40-ամյակի առթիվ կազմակերպված ցուցահանդեսում:

Կտավն ունի 210 սմ բարձրություն, 130 սմ լայնություն, նյութը՝ կտավ, յուղաներկ[2]:

Նկարագրություն[խմբագրել | խմբագրել կոդը]

Արփենիկ Նալբանդյանին առանձնապես հուզել և հետաքրքրել է մանուկների աշխարհը, որը նրան հարուստ նյութ է տվել իր կտավների համար: Այդ շարքից է 1955 թվականի «Հետաքրքրասերները» կտավը:

Աշխատանքի անվանման մասին Արտաշես Քալանթարյանն ասել է.

Aquote1.png Բջնիու՞մ էր, Գորիսու՞մ, թե՞ Դիլիջանում: Փոքրիկ մի բնանկար էր տեղափոխում կտավի վրա, երբ զսպված մի շշուկ, թե չոր ճյուղի ճտտոցը գրավեց նրա ուշադրությունը: Շրջեց գլուխը ու տեսավ գյուղական փոքրիկ երեխաների: Մոտեցել էին թիկունքից, աննկատելի, ծտերի նման թառել փայտե պարզ ցանկապատին ու նկարչուհու ուսի վրայից ներկատախտակին էին նայում` զարմացած, լայն բացած աչքերով: Նկարչուհուն թվաց, թե նրանք իսկապես ծտեր են և իր շարժումից հիմա կթռչեն ուր-որ է: Ու հանկարծ ոչինչ չի մնա: Մի վայրկյան մնաց հիացած ու սրտաշարժված, նրանց անպաճույճ շորերին նայեց և բոբիկ ոտքերին, նրանց մաքուր ու անմեղ աչքերին նայեց և արևից վառված, պլոկված ուսերին: Հետո կամացուկ մի կողմ դրեց կիսատ բնանկարը, մաքուր մի կտավ վերցրեց ու նկարեց նրանց փայտե պարզ ցանկապատի վրա, թռչելու պատրաստ փոքրիկ ճնճղուկների նման: Aquote2.png

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]