Թինա Թըրներ

Վիքիպեդիայից՝ ազատ հանրագիտարանից
(Վերահղված է Թինա Թերներից)
Jump to navigation Jump to search
Թինա Թըրներ
Tina Turner 50th Anniversary Tour.jpg
Բնօրինակ անուն անգլ.՝ Tina Turner
Ի ծնե անուն անգլ.՝ Anna Mae Bullock
Ծնվել է նոյեմբերի 26, 1939({{padleft:1939|4|0}}-{{padleft:11|2|0}}-{{padleft:26|2|0}})[1][2] (78 տարեկան)
Nutbush, Tennessee, Թենեսի
Երկիր Flag of Switzerland.svg Շվեյցարիա
Ժանրեր ռոք և սոուլ
Մասնագիտություն երգչուհի, դերասանուհի, պարուհի, երաժիշտ, գրող, պարուսույց, ինքնակենսագիր, հեռուստատեսային դերասան, կինոդերասանուհի և հեղինակ-կոմպոզիտոր
Երգչաձայն կոնտրալտո
Լեյբլ Capitol Records, EMI, United Artists Records, Parlophone և Virgin Records
Ամուսին Էրվին Բախ
Կայք tinaturnerofficial.com

Թինա Թըրներ (անգլ.՝ Tina Turner, ի ծնե՝ Աննա Մաի Բալոկ, անգլ.՝ Anna Mae Bullock, նոյեմբերի 26, 1939({{padleft:1939|4|0}}-{{padleft:11|2|0}}-{{padleft:26|2|0}})[1][2], Nutbush, Tennessee, Թենեսի)[3][4], ամերիկացի երգչուհի, պարուհի, դերասանուհի և երգերի հեղինակ։

Ծնվել և մեծացել է Միացյալ Նահանգներում, 2013 թվականին դարձել է Շվեյցարիայի քաղաքացի։

Իր կարիերան սկսել է 1958 թվականին՝ երգելով Այկ Թըրների Kings of Rhythm խմբի հետ․ առաջին անգամ ձայնագրվել է Little Ann կեղծանունով[5]։ Թինա Թըրներ անունով ներկայանալ սկսել է 1960 թվականին որպես Այկ և Թինա Թըրներներ դուետի անդամ[6]։ Հաջողության է հասել դուետի մի շարք հիթերի շնորհիվ, որոնցից են՝ "A Fool in Love",[7] "River Deep – Mountain High" (1966), "Proud Mary" (1971) և "Nutbush City Limits" (1973), որն ինքն է հեղինակել։ Իր I, Tina ինքնակենսագրության մեջ նա ներկայացրել է ընտանեկան բռնության դեպքեր, որոնց ինքը ենթարկվել է նախքան 1976 թվականին Այկ Թըրներից բաժանվելը և ամուսնալուծվելը 1978 թվականին։

Ամուսնալուծությունից հետո Թինա Թըրները վերսկսել է իր կարիերան կենդանի ելույթներով։ 1983 թվականին թողարկել է "Let's Stay Together" սինգլը, 1984 թվականին՝ իր հինգերորդ Private Dancer ստուդիական ալբոմը, որ ունեցել է համաշխարհային հաջողություն։ Ալբոմը ներառում է "What's Love Got to Do with It երգը, որ դարձել է Թինա Թըրների մեծագույն հիթը և արժանացել չորս «Գրեմմի» մրցանակի, այդ թվում նաև Տարվա ձայնագրություն անվանակարգում։ Թինա Թըրները շարունակել է իր հաջող կարիերան 1980-ական և 1990-ական թվականներին, այդ ընթացքում թողարկել է մի շարք ալբոմներ, որոնցից Break Every Rule և Foreign Affair ստացել են պլատինե հավաստագրեր տարբեր երկրներում, ինչպես նաև բազմաթիվ սինգլներ, այդ թվում՝ "We Don't Need Another Hero (Thunderdome)", "Typical Male", "The Best", "I Don't Wanna Fight" և "GoldenEye" երգը 1995 թվականին ստեղծված և Ջեյմս Բոնդի մասին պատմող համանուն ֆիլմի համար։ 1993 թվականին "What's Love Got to Do with It" երգի խորագիրն օգտագործվել է որպես կենսագրական ֆիլմի վերնագիր, որ ստեղծվել է երգչուհու ինքնակենսագրության հիման վրա։ Երգչուհու կարիերային զուգահեռ Թինա Թըրները հաջողությամբ նկարահանվել է ֆիլմերում, այդ թվում կատարել է Էյսիդ թագուհու դերը 1975 թվականին «Թոմի» ռոք մյուզիքլում, Մել Գիբսոնի հետ նկարահանվել է «Խենթ Մաքսը որոտի գմբեթի ներքո» ֆիլմում, իսկ 1993 թվականին նկարահանվել է «Վերջին կինոհերոսը» ֆիլմում (կամեո)։

Լինելով բոլոր ժամանակների աշխարհում ամենաշատ ձայնագրություններ վաճառած արտիստներից մեկը՝ Թինա Թըրները ստացել է Ռոք-ն-ռոլի թագուհի անունը[8][9][10]։ Նա համարվում է ռոք-ն-ռոլ ժանրի ամենահաջողակ երգչուհին[11], որ ստացել է տասնմեկ «Գրեմմի», այդ թվում ութ մրցութային և երեք «Գրեմմիի փառքի սրահի» մրցանակներ։ Թինա Թըրները նաև վաճառել է ավելի շատ համերգի տոմսեր, քան որևէ այլ սոլո կատարող պատմության մեջ</nowiki>[12]։ Նրա ալբոմներն ու սինգլներն ամբողջ աշխարհում վաճառվել են ընդհանուր առմամբ շուրջ 180 միլիոն օրինակով[13]։ Նա հայտնի է բեմում իր էներգետիկ պահվածքով[9], հզոր վոկալով և իր կարիերայի երկարատևությամբ[14]։ 2008 թվականին Թըրները վերադարձել է իր կարիերային, որպեսզի մեկնի Tina!: 50th Anniversary Tour համերգային շրջագայությանը[15]։ Թըրների շրջագայությունը դարձել է ամենաշատ վաճառված տոմսեր ունեցող շոուն 2008-2009 թվականներին[16]։ Rolling Stone-ը Թըրներին ընդգրկել է բոլոր ժամանակների 100 մեծագույն արտիստների ցանկի 63-րդ հորիզոնականում[17] և բոլոր ժամանակների 100 մեծագույն երգիչների ցանկի 17-ըդ հորիզոնականում։ 1991 թվականին Թըրներն ընդգրկվել է Ռոք-ն-ռոլի փառքի սրահում[18]։

Մանկություն[խմբագրել | խմբագրել կոդը]

Աննա Մեյ Բալոկը ծնվել է 1939 թվականին նոյեմբերի 26-ին Թենեսի նահանգի Նաթբուշ փոքրիկ քաղաքում Զելմայի (ի ծնե՝ Կյուրի), որը գործարանի աշխատող էր և բապտիստական սարկավագ, ագարակատեր և գործարանի աշխատող Ֆլոյդ Ռիչարդ Բալոկի ընտանիքում։ Բալոկը հաճախել է Հեյվուդ շրջանի Ֆլեգ Գրուվ դպրոց։ Նրա ծնողները բաժանվել են, երբ Աննան 10 տարեկան էր։ Ապա Աննային և նրա ավագ քրոջը՝ Ռուբի Էլիին, դաստիարակել է նրանց տատիկը։ Աննան մնացել է Նաթբուշում մինչև տատիկի մահը։ 16 տարեկան հասակում նա իր մոր և քրոջ հետ հեռացել է Սենտ Լուիս։

Այկ և Թինա Թըրների ռևյու[խմբագրել | խմբագրել կոդը]

Սկիզբ[խմբագրել | խմբագրել կոդը]

Աննա Մեյը Սեն Լուիսում հաճախել է Սամներ Հայթ դպրոց: Միևնույն ժամանակ ավագ քույրը հաճախ է նրան տարել քաղաքի գիշերային ակումբներ: Մի անգամ «Imperial» ակումբում Աննան հանդիպել է ռիթմ ընդ բլյուզ երաժիշտ, ծագումով Միսիսիպիից Այկ Թըրների հետ: Հետագայում նա հարցրել է, թե իր Kings of Rhythm խմբի հետ («Ռիթմի արքաներ») երգելու հնարավորության մասին: Սկզբում Այկը թերահավատ էր, բայց Աննայի մեծ համառությունից հետո նա ի վերջո թույլ է տվել երգել իր հետ: Այսպիսով, Բալոկը դարձել է Այկի վոկալիստ և շոուի վարող՝ «Փոքր Աննա» մականունով, երբ նա ընդամենը եղել է 18 տարեկան:

Հաջողություններ[խմբագրել | խմբագրել կոդը]

1960 թվականին, երբ ձայնագրման համար ծրագրված «A Fool in Love» երգը չի հայտնվել ստուդիայում, Աննա Մեյը ձայնագրել է երգը նրա փոխարեն: Այդ երգը ԱՄՆ-ում դարձել է ռիթմ ընդ բլյուզի նշանավոր հիթերից, որը հասել է ամերիկյան շքերթների ամենաբարձր հորիզոնական: Այկը փոխել է Աննա Բալոկի անունը «Թինա Թըրների» և իսկ խմբի անունը՝ «Այկ և Թինա Թըրների ռևյու» («Ike & Tina Turner Revue»): 1962 թվականին զույգն ամուսնացել է Մեքսիկայի Տիխուանա քաղաքում:

Թըրները մեծացրել է չորս տղա՝ Այկը-կրտսերը և Մայքլը (Այկի տղաները նախորդ ամուսնությունից) և նրա հարազատ երեխաները՝ Քրեյգը (Աննայի որդին՝ ծնված 1958 թվականին սաքսոֆոնիստ Ռայմոնդ Հիլի հետ վաղեմի հարաբերություններից) և Ռոնալդին (1961 թվականին ծնված միակ համատեղ երեխան):

Ժամանակի և երաժշտական ոճերի փոփոխության արդյունքում Թինան վերածվել է եզակի բեմական կերպարի` երգչուհու և պարողի, որը հանդիսատեսին դրդել է թրթռալ կենդանի համերգների ժամանակ: Թինան և նվագախմբին աջակցող վոկալիստները՝ The Iketles-ը, ստեղծել են իրենց կատարումների համար բարդ ծրագրեր, որոնք ազդել են բազմաթիվ այլ երաժիշտների վրա՝ ներառյալ Միք Ջագերը (որի բրիտանական շրջագայությունը նրանք բացել են 1966 թվականին):

1960-ականներին Այկը և Թինան ձայնագրել են մի շարք հիթեր, այդ թվում`«A Fool in Love», «It’s Gonna Work Out Fine», «I Idolize You» и «River Deep, Mountain High»: Տասնամյակի վերջին զույգը իրենց երգերում ներառել են ժամանակակից ռոք ոճեր՝ բազմաթիվ երգեր վերաթողարկելով իրենց կատարումներով:

«Proud Mary» երգի շատ էներգետիկ տարբերակը Creedence Clearwater Revival խմբի կողմից մնում է Թինա Թըրների ամենաճանաչելի հիթը: 1971 թվականի մարտին այս երկուսի երգը հսկայական առևտրային հաջողություն է ունենում՝, հասնելով Billboard Hot 100-ի չորրորդ տեղը: Զույգը վաստակել է նաև Grammy՝ «Լավագույն վոկալ դուետ կամ ռիթմ ընդ բլյուզ ոճի խմբային կատարման համար»:

Խմբի անկում[խմբագրել | խմբագրել կոդը]

Չնայած նրանց սկզբնական ձայնագրություններից շատերը հաջողություն չեն ունեցել շքերթներում, սակայն Այկը և Թինա Թըրները գնահատվել են այնպիսի կատարողների կողմից, ինչպիսիք էին՝ Rolling Stones-ը, Դեյվիդ Բոուին, Սլայ Սթոունը, Ջենիս Ջոպլինը, Ջեյմս Բրաունը, Ռեյ Շառլը, Էլթոն Ջոնը և Էլվիս Պրեսլին: Հարավի սևերի համար մի փոքրիկ ակումբում մի գիշերվա ելույթից հետո Լաս Վեգասում կայանում էր շոու կամ հանդես էին գալիս ազգային հեռուստատեսությունում։

Այկը խմբի ղեկավարն ու երաժտական տնօրենն էր, որը կառավարում էր երկաթե բռունցքով: Չնայած վաղ ռոքնռոլի ոգեշնչող ազդեցությանը և այն փաստին, որ նա ինքը հիանալի երաժիշտ էր, պայմանավորվածությունները և կատարումները ի վերջո հանգեցրին խմբի ճանաչվածության անկմանը, իսկ Այկի թմրամոլությունը սրվել էր: Նման վերահսկողությունը և հաճախ դաժան մթնոլորտը դարձան պատճառ, որ երաժիշտները և վոկալիստները հաճախակի գալիս և գնում էին խմբից: Հետագայում Թինան հայտարարեց, որ ինքը կանոնավոր կերպով հանդուրժել է Այկի ֆիզիկական բռնությունն ամբողջ ամուսնության ընթացքում:

1970-ականների կեսերին Թինայի և Այկի ամուսնությունն ու կարիերան խզվել են: Այկի՝ թմրամիջոցների օգտագործումը հանգեցրեց չափազանց անվերահսկելի վատ վարքագծի և ծեծի: Նրանց երաժշտական հաջողությունը հիմնականում նվազել էր, քանի որ Այկը մերժել էր նրա ձայնագրությունների և շրջագայությունների կառավարումը, իսկ նրա կոկաինային ախորժակը չէր դադարում: Նրանց շրջագայությունները քանի գնում, նվազում էին, քանի որ ձայնագրությունների վաճառքը ցածր էր: Նրանց վերջին համատեղ հաջողակ երգը «Nutbush City Limits» էր, որը Թինան գրել է իր մանկության քաղաքի մասին, որը 1973 թվականին Hot 100-ում հասել է մինչև 22-րդ տեղ, իսկ Մեծ Բրիտանիայի շքերթում՝ 4-րդ հորիզոնական։

Բացելով իր սեփական Bolic Sound ձայնագրման ստուդիան «Proud Mary»-ի երգի հաջողությունից հետո՝ Այկը եղել է 1974 թվականի Թինայի առաջին ալբոմի՝ « Tina Turns The Country On» պրոդյուսերը: Սակայն ալբոմը հաջողությունների չի հասել շքերթներում, ի տարբերություն 1975 թվականին դրան հաջորդած «Acid Queen» ալբոմի, որը թողարկվել է մեծ էկրանին Թինայի դեբյուտի հետ միասին, որտեղ դերակատարում է ունեցել «The Who» համանուն ռոք օպերայում՝ «Tommy»:

1976 թվականին հերթական սկանդալից և ծեծից հետո Դալլասում ելույթից առաջ, որը նվիրված էր Անկախության օրվան, Թինան հեռացել է Այկից՝ փախչելով 36 ցենտով և գրպանում բենզինի կրեդիտ քարտով: Հաջորդ մի քանի ամիսների ընթացքում նա տարբեր ընկերների մոտ թաքնվել է Այկից:

Թինան ընդունել է նոր բուդդայական հավատ (նիտիրեն ճյուղը), որը նա դիմել էր դեռևս 1974 թվականին ընկերների այցելության ժամանակ, և որն իրեն քաջություն էր տվել: Շրջագայության կեսերին փախչելով Այկից՝ Թինան գիտեր, որ կազմակերպիչների առաջ օրինական պատասխանատվություն է կրում չեղյալ հայտարարված շրջագայության համար: Կարիք ունենալով փողի՝ նա դարձավ մեներգչուհի, իր վաստակը լրացնելով հեռուստատեսային ելույթներով, ինչպիսիք էին՝ «Հոլիվուդի հրապարակում»,«Դոնի և Մերի», «Սոննի և Շեր» և «Ժամը Բրեդ Բանչի հետ»:

Նրա ամուսնալուծությունը կատարվել է 1978 թվականին ամուսնական 16 տարիներից հետո: Իր կենսագրությունում՝ «I, Tina», ավելի ուշ դրա հիման ֆիլմում՝ «What’s Love Got to Do with It?», նա Այկին մեղադրել է սկանդալներով լի կյանքի տարիների և թմրանյութերի հանդեպ անզուսպ ցանկության համար:

Անհատական գործունեության սկիզբ[խմբագրել | խմբագրել կոդը]

1978 թվականին Թինան թողարկել է իր առաջին ալբոմը Այկից բաժանվելուց հետո: «Rough» ալբոմը նշանավորել է ռիթմ ընդ բլյուզ դարաշրջանից հեռանալը, այն ուղղությունն էր, որով Թինան ուզում էր առաջ շարժվել: Ալբոմը վաճառվել է առանց առանձնակի հաջողության, ինչպես նաև 1979 թվականի ձայնասկավառակը, որին հաջորդել է «Love Explosion» ալբոմը:

Թինան սկսել է շրջագայել աշխարհով մեկ: Սակայն նրա կարիերան լուրջ առաջընթաց չէր ունենում, մինչև 1982 թվականին British Electric Foundation խմբի հետ կատարում է Temptations խմբի «Ball of Confusion» երգը: Արտադրողները այնքան տպավորված էին այդ ձայնագրությամբ, որ իրենք համոզեցին նրան գրել Էլ Գրինի «Let’s Stay Together» երգի ռիմեյքը:

Ամերիկյան ձայնագրման ընկերությունները Թըրներին ընկալվում էր որպես «ոչ շուկայական» կատարող, սակայն նրա ճանաչվածությունը՝ որպես բեմական կատարողի, չի նվազել ո՛չ Եվրոպայում, ո՛չ էլ աշխարհի այլ մասերում: Capitol Records-ն կնքել է կարճաժամկետ պայմանագիր Թինայի և նրա բրիտանական լեյբլի հետ: Թըրները կիսել է իր ժամանակը ԱՄՆ-ում փոքր համերգների, որպեսզի պահպանի իր ժողովրդականությունը ամերիկյան հասարակության շրջանում, և Եվրոպայում հաջողակ մեծ համերգների միջև:

1983 թվականի դեկտեմբերին Մեծ Բրիտանիայում 6-րդ տեղն է գրավել «Let’s Stay Together» երգով, որը դարձել է եվրոպական հիթ: Capitol Records-ը հետաքրքրված չէր Ամերիկայում սինգլի թողարկմամբ, մինչև ԱՄՆ տարվեցին երգի հազարավոր ներկրված օրինակները: 1984 թվականի մարտին սինգլն արժանացել է ամերիկյան հիթ-աղյուսակների 3-րդ հորիզոնականին: Այն տեղ է նվաճել ռիթմ ընդ բլյուզի և պարային երգերի լավագույն հնգյակում: Երգի հաջողությունից հետո լեյբլն ստիպված էր վերանայել Թինայի՝ հիթ-շքերթներում հայտնվելու հեռանկարների վերաբերյալ նախորդ դիտարկումները և հրավիրել են նրան ձայնագրելու ալբոմ:

Ճանաչում[խմբագրել | խմբագրել կոդը]

1984 թվականին Թըրները ավարտեց այնպես, ինչը հետագայում կոչվել է «զարմանալի վերադարձ ռոք երաժշտության պատմության մեջ»: Մայիսին Capitol լեյբլը թողարկել է «What’s Love Got to Do With It?» սինգլը՝ որպես աջակցություն ԱՄՆ-ում ալբոմի թողարկմանը: Սակայն ընդամենը 11 ռադիոկայան էին ընդգրկել այն իրենց երգացանկերում: Թըրների մենեջեր Ռոջեր Դևիսը ստիպել է լեյբլին՝ սինգլն ավելի առաջ մղել: Թողակումից 2 շաբաթ անց երգն արդեն 100-ից ավելի ռադիոկայաններում էր: Ի վերջո, երգը դարձել է համաշխարհային հիթ՝ սեպտեմբերին հասնելով Billboard Hot 100-ում առաջին տեղը և պաշտոնապես դարձել է առաջինը, և մինչ օրս Թինա Թըրների միակ ամերիկյան հիթը: Երգը նաև եղել է եվրոպական տարբեր երկրների տասնյակներում:

Private Dancer[խմբագրել | խմբագրել կոդը]

«Private Dancer» ալբոմը թողարկվել է 1984 թվականի հունիսին և վաճառվել է ավելի քան 11 միլիոն օրինակով[19][20][21], չնայած որոշ աղբյուրներ հայտնում են, որ ալբոմը վաճառել է ավելի քան 20 միլիոն[22]: Ամեն դեպքում, սա երգչուհու առևտրային առումով ամենահաջող ալբոմն է առ այսօր:

Բացի «Let’s Stay Together» և «What’s Love Got to Do With It?» ալբոմում կային հիթեր, ինչպիսիք էին «Better Be Good to Me», որը հասել է ԱՄՆ-ի լավագույն հնգյակ և «Private Dancer» երգին: Ավելի ուշ Թըրները հաղթել է MTV Video Music Awards-ում, American Music Awards-ի երկումրցանակ և չորս «Գրեմմի» հաստատելով՝ «Վերադարձած թագուհի» կարգավիճակը:

1985 թվականի փետրվարին Թըրները ուղևորվել է իր առաջին «The Private Dancer Tour» մենահամերգին՝ Ասիայի, Եվրոպայի և Ավստրալիայի պետություններում 170 համերգներով:

«Private Dancer» ալբոմի հաջողություններից հետո Թըրները դեր է ստացել «Mad Max Beyond Thunderdome» ֆիլմում, որի համար նա արժանացել է NAACP Image Award՝ որպես «Լավագույն դերասանուհի»: Օգոստոսին թողարկել է առաջին «We Don’t Need Another Hero» երգը՝ որպես ֆիլմի սաունդթրեք: Սինգլը դարձել է հերթական միջազգային հիթը Թըրների համար՝ հասնելով երկրորդ տեղը Ամերիկայում և երրորդ տեղը Անգլիայում: Երգը «Գրեմմի» մրցանակաբաշխությունում ստացել է «Լավագույն կին փոփ վոկալ» և «Ոսկե գլոբուսում» «Լավագույն օրիգինալ երգ» անվանակարգերը: Դրանից անմիջապես հետո թողարկվել է հենց սաունդթրեքը՝ հասնելով ԱՄՆ-ում 40-րդ տեղ և Կանադայում 47-րդ տեղ, որը վաճառվել է ամբողջ աշխարհում մեկ միլիոնից ավելի օրինակով:

Երկրորդ սինգլը՝ «One of the Living», թողարկվել է հոկտեմբերին: Նա Թինային բերել է «Գրեմմի»՝ «Կնոջ լավագույն ռոք վոկալ կատարում»: Նոյեմբերին թողարկել է հաջորդ սինգլը՝ «It’s Only Love», որը զուգերգ էր Բրայան Ադամսի հետ, ստացել է «Գրեմմի» «Լավագույն ռոք վոկալ կատարումը դերասանուհու կամ նվագախմբի կողմից» անվանակարգում:

Break Every Rule: I, Tina: Գինեսի առաջին ռեկորդ[խմբագրել | խմբագրել կոդը]

Թինա Թըրները շարունակել է իր կարիերայի հաջողակ տարիները և թողարկել է «Break Every Rule» ալբոմը 1986 թվականին: Ալբոմը բերել է այնպիսի հիթեր, ինչպիսիք են «Typical Male», «Two People», «Back Where You Started» և «What You Get Is What You See», որոնք ամբողջ աշխարհում վաճառվել է մոտ 9 միլիոն օրինակով: Նույն տարում նա հրապարակել է իր «I, Tina» ինքնակենսագրությունը, որտեղ նա խոսում է իր վաղ կյանքի և ամուսնության մասին: Նույն ամռանը երգչուհին աստղ է ստացել «Հոլիվուդի փառքի ծառուղում»:

1988 թվականի հունվարի 16-ին Թըրները գրանցվել է Գինեսի ռեկորդների գրքում՝ Ռիո դե Ժանեյրոյի «Մարականա» մարզադաշտում խոսելով ավելի քան 188 հազար հանդիսատեսի առաջ:

Պատկերասրահ[խմբագրել | խմբագրել կոդը]

The Best. Simply the Best[խմբագրել | խմբագրել կոդը]

1989 թվականի վերջում Թըրները թողարկել է իր 7-րդ ստուդիական «Foreign Affair» ալբոմը, որը ներառում էր Բոննի Թայլերի «The Best» երգի քավեր տարբերակը: Երգը դարձել է Թըրների ամենաճանաչելիներից մեկը։ 1990 թվականին երգչուհին մեկնել է եվրոպական շրջագայությունների՝ որպես աջակցություն իր ալբոմին՝ 121 շոուներում հանդես գալով գրեթե մեկ միլիոն երկրպագուի առջև՝ անցնելով Ռոլլինգ Սթոունզի վերջին շրջագայությունների ռեկորդները:

1991 թվականին Այկը և Թինա Թըրները ընդգրկվել են Ռոք-ն-ռոլի փառքի սրահում:

Նույն թվականին Թըրները թողարկել է լավագույն երգերի «Simply the Best» ժողովածուն։ «Nutbush City Limits»-ի պարային տարբերակը Մեծ Բրիտանիայում հասել է 30-րդ տեղ։

Ծանոթագրություններ[խմբագրել | խմբագրել կոդը]

  1. 1,0 1,1 SNAC
  2. 2,0 2,1 Encyclopædia Britannica
  3. «Diva Devotee: A Blog About Music's Divas: Tina Turner - Vocal Range/Profile»։ Վերցված է հունվարի 26, 2013 
  4. «Tina Turner - New World Encyclopedia»։ Վերցված է հունվարի 26, 2013 
  5. Collis, 2003, էջ` foreword
  6. Bego, 2005, էջեր` 60–62
  7. "Ike and Tina Turner – A Fool in Love" ՅուԹյուբում
  8. Rafferty Terrence (July 27, 2008)։ «Tina Turner: Queen of Rock 'n' Roll»։ The New York Times։ Վերցված է October 27, 2008 
  9. 9,0 9,1 Wolman Baron։ «Tina Turner on Stage»։ Gallery of The Popular Image։ San Francisco Art Exchange։ Արխիվացված օրիգինալից-ից September 28, 2007-ին։ Վերցված է January 19, 2011 
  10. DelliCarpini Jr. Gregory (March 11, 2013)։ «Tina Turner Covers Vogue Germany»։ Billboard։ Վերցված է October 24, 2015 
  11. «Biography on Tina Turner»։ Biography.com։ A&E Television Networks։ Վերցված է September 3, 2008 
  12. The 100 Greatest Singers of All Time։ Rolling Stone (1066)։ November 27, 2008: 73։ Արխիվացված օրիգինալից-ից March 8, 2009-ին։ Վերցված է April 6, 2009 
  13. Ben Cosgrove (November 10, 2014)։ «Tina Turner: Unpublished Photos of the Queen of Rock ‘n’ Roll»։ Time։ Վերցված է May 9, 2015 
  14. «Amway Global to be Presenting Sponsor of 'Tina Turner Live in Concert' 2008»։ Reuters.com։ July 10, 2008։ Վերցված է October 31, 2008 
  15. Gundersen Edna (September 30, 2008)։ «Tina Turner is back by popular demand»։ USA Today։ Վերցված է October 27, 2008 
  16. Terry Al (September 21, 2008)։ «Tina Turner Live Tickets – One Of The Biggest Selling Concert Tickets Ever»։ Pressemeldungen.at։ Վերցված է October 27, 2008 
  17. "100 Greatest Artists of All Time", Rolling Stone.
  18. «Rock and Roll Hall of Fame inducts first woman - Jan 03, 1987»։ HISTORY.com։ Վերցված է February 8, 2016 
  19. Tina Turner Biography в Rolling Stones
  20. Tina Turner Archived 2008-06-21 at the Wayback Machine. в Tennessee Encyclopedia of History and Culture
  21. Roger Miles Producer Autobiography
  22. Biography on Tina Turner. Biography.com. A&E Television Networks.

Գրականություն[խմբագրել | խմբագրել կոդը]