Թեոփիլոս Անտիոքացի

Թեոփիլոս Անտիոքացի;
Ծնվել է	2-րդ դար
Մահացել է	հոկտեմբերի 18, 183
Մահվան վայր	Անտիոք
Կրոն	քրիստոնեություն
Մասնագիտություն	քրիստոնյա քահանա և եպիսկոպոս
Զբաղեցրած պաշտոններ	եպիսկոպոս
	Theophilus of Antioch Վիքիպահեստում

Թեոփիլոս Անտիոքացի (2-րդ դար - հոկտեմբերի 18, 183, Անտիոք), Թեոփիլոս եպիսկոպոս Անտիոքացին եզակի մի դեմք է եղել հին եկեղեցում։ Լինելով եպիսկոպոս, նա այնպիսի մակարդակով է ներկայացնում հրեա-քրիստոնեական աստվածաբանությունը, որ քրիստոնեական գծերն իր երկերում հազվագյուտ զարդեր են։

Համաձայն իր իսկ վկայության ծնվել է Ասորիքում, Եփրատի ափին, հեթանոսի ընտանիքում։

169 թվականին դարձել է Անտիոքի վեցերորդ եպիսկոպոսը։ Նրա գործունեության մասին ոչինչ հայտնի չէ։

Մեզ հասած իր միակ երկը ենթադրել է տալիս, որ նա ստացել է արտակարգ կրթություն և խորը կերպով ուսումնասիրել հույն բանաստղեղծներին ու փիլիսոփաներին։

Նրա և նրա ժամանակակից Տատիանոսի հայացքներում երևում է հակահունական ձգտումները և հրեա-քրիստոնեական հայացքների գերակայությունը, այս փաստը ցույց է տալիս Անտիոքում 2-րդ դարի երկրորդ կեսի հայացքները։ Գրել է մի շարք աշխատություններ, սակայն մեզ է հասել միայն Առ Ավտոլիկոս երկը՝ գրված շուրջ 180 թվականին։

Նա առաջինն է եղել, ով օգտագործելի Երրորդություն աստվածաբանական տերմինը (նույն աշխատությունում, մոտ. 183 թ.)։ Հետագայում միայն այն զարգացրեց Տերտուղիանոսը։

Աղբյուրներ

Եզնիկ Ծ. վարդապետ Պետրոսյան, Հայրաբանություն, գիրք Ա, Էջմիածին, 1996։

Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։
Այս նշումը հարկավոր է փոխարինել համապատասխան թեմատիկ նշումով։