Գագիկ Հարությունյան
-
Այս հոդվածը ՀՀ Սահմանադրական դատարանի անդամի մասին է։ Այլ գործածությունների համար, այցելեք Գագիկ Հարությունյան (այլ կիրառումներ)։
Գագիկ Գարուշի Հարությունյան (ծ. 1948, մարտի 23, գ. Գեղաշեն (այժմ` Կոտայքի մարզ)), հայ իրավաբան, իրավաբանական գիտությունների դոկտոր, ՀՀ սահմանադրական իրավունքի կենտրոնի խորհրդի նախկին նախագահ, Տեղեկատվական միջազգային ակադեմիայի իսկական անդամ, Սահմանադրական իրավունքի միջազգային ընկերակցության խորհրդի անդամ, «Երիտասարդ ժողովրդավարության երկրների սահմանադրական դատարանների կոնֆերանս» միջազգային կազմակերպության համակարգող, «Սահմանադրական արդարադատություն» միջազգային հանդեսի խմբագրական խորհրդի նախագահ, ԵՊՀ իրավաբանական ֆակուլտետի գիտական խորհրդի անդամ։
Կրթությունը [խմբագրել]
- 1965-70-ին սովորել է Երևանի պետական համալսարանում,
- 1970-73-ին` նույն համալսարանի ասպիրանտ։
Աշխատանքային գործունեությունը [խմբագրել]
- 1973-1987-ը դասախոսել է ԵՊՀ-ում և Երևանի ժողտնտեսության ինստիտուտում,
- 1977-78-ին` այցելու դասախոս Հարավսլավիայում,
- 1982-1987թթ. աշխատել է տնտեսագետ-դասախոս Հայաստանի կոմկուսի Կենտկոմում,
- 1987-1990-ին` ՀԿԿ կենտկոմի սոցիալ-տնտեսագիտական բաժնի վարիչ,
- 1990թ. ընտրվել է Հայաստանի Հանրապետության Գերագույն խորհրդի պատգամավոր, նույն թվականին՝ ԳԽ նախագահի տեղակալ,
- 1991-96թթ.` Հայաստանի Հանրապետության փոխնախագահ,
- 1991-92թթ.` ՀՀ վարչապետի պաշտոնակատար,
- 1996թ. փետրվարի 6-ից ՀՀ Սահմանադրական դատարանի նախագահ։
- 1996-2009թթ. ՀՀ սահմանադրական իրավունքի կենտրոնի խորհրդի նախագահ։
- 1997թ. դեկտեմբերին ընտրվել է Ինֆորմատիզացիայի միջազգային ակադեմիայի անդամ,
- 1997թ. հոկտեմբերից նորանկախ երկրների սահմանադրական վերահսկողության մարմինների մշտական գործող կոնֆերանսի նախագահող և «Սահմանադրական արդարադատություն» միջազգային ամսագրի խմբագրական խորհրդի նախագահ։
- 1997 թվականից Եվրախորհրդի «Ժողովրդավարություն՝ իրավունքի միջոցով» եվրոպական հանձնաժողովի (Վենետիկի հանձնաժողով) անդամ է։
- 2009 թվականից սահմանադրական արդարադատության միջազգային կոնգրեսի բյուրոյի անդամ է:
- Հայաստանի Հանրապետության Նախագահի 1998թ. ապրիլի 23-ի հրամանագրով նրան շնորհվել է դատավորի որակավորման բարձրագույն դաս։
- 1998թ. նոյեմբերից Սահմանադրական իրավունքի միջազգային ասոցիացիայի անդամ է։
1999 թ. մարտին պաշտպանել է դոկտորական ատենախոսությունը՝ «Սահմանադրական դատարանը պետական իշխանության համակարգում (համեմատական վերլուծություն)» թեմայով։
Իրավագիտության դոկտոր, պրոֆեսոր է։
Հեղինակ է՝ 23 մենագրությունների, ինչպես նաև 150 գիտական հրապարակումների (հայերեն, ռուսերեն, անգլերեն, ֆրանսերեն)՝ նվիրված տարածաշրջանային զարգացման, պետական կառավարման, հասարակության ժողովրդավարացման, սահմանադրական իրավունքի և սահմանադրական արդարադատության հիմնախնդիրներին։ Մասնակցել և զեկույցներով հանդես է եկել ավելի քան 50 միջազգային գիտական և գիտագործնական սահմանադրական իրավունքի և, մասնավորապես, սահմանադրական արդարադատության հիմնախնդիրներին վերաբերող համաժողովներում։ [1] [2]
| Նախորդող Վազգեն Մանուկյան |
ՀՀ Վարչապետի պաշտոնակատար Գագիկ Հարությունյան 22 նոյեմբերի 1991 — 30 հուլիսի 1992 |
Հաջորդող Խոսրով Հարությունյան |
| Նախորդող պաշտոնը հիմնադրվել է |
ՀՀ փոխնախագահ Գագիկ Հարությունյան 16.10.1991—06.02.1996 |
Հաջորդող պաշտոնը վերացվել է |
| Նախորդող պաշտոնը հիմնադրվել է |
ՀՀ Սահմանադրական դատարանի նախագահ Գագիկ Հարությունյան 06.02.1996—ից |
Հաջորդող ----- |
Աղբյուրներ [խմբագրել]
 |
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |
|
||||||||
