Պիկասոյի թանգարան (Բարսելոնա)

Վիքիպեդիայից՝ ազատ հանրագիտարանից
Jump to navigation Jump to search
Պիկասոյի թանգարան
Palau Berenguer d'Aguilar.jpg
Տեսակ պատկերասրահ
Երկիր Flag of Spain (1945–1977).svg Իսպանիա
Տեղագրություն Բարսելոնա
Ղեկավարության նստավայր Բարսելոնա
Հասցե Montcada , 15-2308003Carrer de Montcada
Հիմնադրված է 1963
Այցելուներ 1 045 837 և 1 061 107
Կոորդինատներ: 41°23′6.14″ հս․ լ. 2°10′51.71″ ավ. ե. / 41.3850389° հս․. լ. 2.1810306° ավ. ե. / 41.3850389; 2.1810306
Կայք museupicasso.bcn.cat և museupicasso.bcn.cat/en/
Պիկասոյի թանգարան (Բարսելոնա)ը գտնվում է Իսպանիաում
Պիկասոյի թանգարան (Բարսելոնա)
Museu Picasso Վիքիպահեստում

Պիկասոյի թանգարան (կատ.՝ Museu Picasso), գեղարվեստական թանգարան Կատալոնիայի մայրաքաղաք Բարսելոնայում, որի հավաքածուի մեջ մտնում են նկարչի վաղ շրջանի գործերը` ստեղծված 1895-1904 թվականներին: Դրանց մեջ առանձնանում է «Մենիններ» (իսպ.՝ Las Meninas) շարքը, որը Վելասկեսի համանուն նկարի վարիացիան է: 2013 թվականի մարտի 9-ին թանգարանը նշել է 50-ամյակը:

Թանգարանը, որը ստեղծվել է Պաբլո Պիկասոյի քարտուղար ու մտերիմ ընկեր Խայմե Սաբարտեսի նվիրած հավաքածուի հիման վրա, այցելուների համար բացվել է 1963 թվականին[1]: Այն տեղակայված է 15-րդ դարի պալատական համալիրում` Բերենգեր դ՛Ագիլարի պալատում, որ հայտնի է հին ներքին բակերով:

Պատմություն[խմբագրել | խմբագրել կոդը]

Թանգարանը հիմնելու գաղափարը եղել է Պիկասոյի քարտուղար ու ընկեր Խայմե Սաբարտեսինը, ում Պիկասոն բազմաթիվ նկարներ, փորագրություններ էր նվիրել` սկսած 1935 թվականից: Սկզբում Սաբարտեսը որոշել էր թանգարան հիմնել Պիկասոյի ծննդավայր Մալագայում, սակայն Պիկասոն ինքն է առաջարկել, որ թանգարանը հիմնվի Բարսելոնայում, քանի որ քաղաքի հետ հին կապեր է ունեցել:

1960 թվականի հուլիսի 27-ին Սաբարտեսը թանգարան հիմնելու մասին համաձայնագիր է կնքել Բարսելոնայի հետ: Թանգարանը բացվել է 1963 թվականին: Հավաքածուի հիմքում եղել են Սաբարտեսի նվիրաբերած 547 աշխատանքները: Հավաքածուն ներառում է նաև Պիկասոյի` Բարսելոնային նվիրած աշխատանքներից և Պիկասոյի ընկերների ու նրա գործերի հավաքորդների նվիրաբերած այլ նմուշներ[2]: Թանգարանը բացվել է Սաբարտեսի հավաքածու անունով, քանի որ Պիկասոն խիստ քննադատում էր Ֆրանկոյի ռեժիմը: Թանգարանը բացվել է Մոնտկադա փողոցի Պալաու Ագիլար շենքում: Այս շրջանում հավաքածուն բաղկացած էր Սաբարտեսի անձնական հավաքածուից: Հետագայում հավաքածուն համալրվում է նոր նվիրատվություններով` ներառյալ 1899-1904 թվականներին թվագրվող 7 նկարները, որ նվիրաբերել է Սեբաստիան Վիդալը:

Մշտական հավաքածու[խմբագրել | խմբագրել կոդը]

Թանգարանի ցուցանակը

Մշտական հավաքածուն բաղկացած է երեք բաժիններից` գեղանկարչություն ու գծանկարչություն, փորագրություն և խեցեգործություն: Դրանք հիմնականում ներկայացնում են նկարչի գործունեության վաղ, այսպես կոչված` «Երկնագույն շրջանը» (1901-1904), սակայն Պիկասոն, նրա ընտանիքն ու ընկերները նվիրաբերել են նաև ուշ շրջանի աշխատանքներ: Ներկայումս թանգարանում հաշվվում է ավելի քան 3.500 աշխատանք, որոնք կազմում են թանգարանի հիմնական հավաքածուն[3]:

Հավաքածուն ներառում է վաղ տարիները (Մալագա, Կորունա, Բարսելոնա, 1890-1897), ուսումնառության շրջանը (Բարսելոնա, Օրտա դե Սան Խուան, Մադրիդ, 1897-1901), «Երկնագույն շրջանը» (1901-1904), Բարսելոնայի շրջանը (1917), «Մենիններ» շարքը (1957): Թանգարանի նմուշների մեծ մասը վերաբերում է 1890-1917 թվականներին: Թանգարանում քիչ են աշխատանքները, որոնք 1917-ից հետո են ստեղծվել: Բացառություն է «Մենիններ» շարքը (1957): Վիմագրության հավաքածուն ընդգրկում է 1962-1982 թվականների աշխատանքները: Պիկասոն ինքը թանգարանին է տրամադրել իր բոլոր աշխատանքների կրկնօրինակները, որոնք ստեղծվել են Սաբարտեսի մահից հետո: 1968 թվականից սկսած` հավաքածուն ներառում է նաև նկարազարդումներ, որոնք հեղինակն արել է տարբեր գրքերի համար, ինչպես նաև խեցեգործական նմուշներ, որ թանգարանին է նվիրել նկարչի այրին` Ժակլինը:

2009-2010 թվականներին թանգարանն իր կայքում սկսել է հրապարակել մշտական հավաքածուի նմուշները: 2010 թվականի սեպտեմբերի տվյալներով հավաքածուի մոտ 65 %-ը հասանելի է համացանցում դիտման համար:

Ծանոթագրություններ[խմբագրել | խմբագրել կոդը]

  1. DDAA (1979). Singular Museum of Catalonia Chapter of the Picasso Museum. New York: Editorial DIAFORA. ISBN 84-85205-33-2.
  2. «Timeline of the collection site to the Picasso Museum» (Catalan)։ 2007։ Վերցված է 6 November 2013 
  3. «Visiting Barcelona on a Budget»։ secrethotels.eu։ Վերցված է 2013-11-07 

Արտաքին հղումներ[խմբագրել | խմբագրել կոդը]