Բարսելոնայի գոթական թաղամաս
Գոթական թաղամասը (կատ.՝ Barri Gòtic կամ El Gòtic, իսպ.՝ Barrio Gótico) գտնվում է Բարսելոնայի պատմական մասի կենտրոնում։ Ձգվում է Լա Ռամբլայից մինչև Վիա Լայետանա, և Միջերկրական ծովի ափից մինչև Ռոնդա դե Սենտ Պերե։ Կյուտատ Վելլա շրջանի մի մասն է։
Թաղամասը ընդգրկում է Բարսելոնա քաղաքի ամենահին մասերը, ներառում է քաղաքի հռոմեական պարսպի մնացորդները և մի քանի նշանավոր միջնադարյան ուղենիշներ[1]։ Շրջանի ներկայիս կառույցների մեծ մասը, այնուամենայնիվ, թվագրվում են 19-րդ և 20-րդ դարերին։ «Էլ Քոլլ» միջնադարյան հրեական թաղամասը, նախկին Սինագոգի հետ միասին նույնպես գտնվում են այս տարածքում[2]։
Գոթական թաղամասում պահպանում է լաբիրինթոսանման փողոցային պլանը՝ շատ փոքր փողոցներով, որոնք բացվում են հրապարակներում։ Թաղամասի մեծ մասը փակ է կանոնավոր երթևեկության համար, սակայն բաց է ավտոմեքենաների և տաքսիների համար։
Գոթական թաղամասի վավերականություն[խմբագրել | խմբագրել կոդը]
Չնայած իր անվանը, թաղամասի մերձակա մի շարք գոթական շենքեր չեն թվագրվում միջին դարերին։ Փոխարենը, 19-րդ դարի վերջում և 20-րդ դարի սկզբում, թաղամասը ամբողջովին փոխակերպվեց մռայլ թաղամասից զբոսաշրջային վայրի՝ հսկայական վերակառուցման մի նախագծով, որը պետք է ավարտվեր 1929 Միջազգային Ցուցահանդեսի համար։ Դա թույլ տվեց, որ քաղաքը և Կատալոնիայի հարակից շրջանը դրական լույսի ներքո ներկայացվի համաշխարհային լրատվամիջոցներին[3] ։ Կառուցված շենքերի հետագա վերականգնումն ու նոր նեո-գոթական կառույցների ստեղծումը շարունակվում էր դեռևս 1960-ական թվականներին[3]։
Հիմնական շենքերի շարքում վերակառուցված կամ նեո-գոթական ոճով ձևափոխված հիմնական շենքերի թվում են՝
- Բարսելոնայի Մայր տաճարի ճակատը։ Կառուցվել է 1882-1913 թվականներին Ջոզեպ Օրիոլ Մեստրեսի և Օգուստ Ֆոնտ ի Կարրերասի կողմից՝ գոթական ոճի տարրերի մեծամասնությամբ։
- Կարրեր դե Պարադիս փողոցի վրա տեղակայված Կատալոնիայի զբոսաշրջային կենտրոնի շենքը։ Աշխատանքը իրականացրել են ՝ Լյուիսի Դոմենեխ ի Մոնտաները 1922 թվականին անորոշ ծագման շենքի վրա, որին ավելացրել է գոթական պատուհաններ, ճակատներ ու «ատամներ»։
- Ֆլամբոյանտի ոճի կամուրջը, որը անցնում է Քարրեր Բիսբեից մինչև Պալաու դե լա Ջեներալիթաթ։ Վերակառուցվել 1928 թվականին Ջոն Ռուբիոյի կողմից։
- Քասա Պադելիաս՝ ներկայումս Բարսելոնայի քաղաքային պատմության թանգարանի վարչական շենք։ Կառուցվել է մոտավորապես 1500 թվականին Կարրեր Մերկադերսի վրա, սակայն 1931 թվականին տեղափոխվել է Պլաս դել Ռեյ՝ իր ներքին վերակառուցվածքով։
- Ագույլար պալատը` ներկայիս Պիկասոյի թանգարանը (Carrer Montcada)։ Վերականգնվել է 1959 թվականին Ադոլֆ Ֆլորենսայի կողմից, ով ավելացրել է կամարներն ու գոթական պատուհանները։
- Պիգնատելի պալատ՝ Բարսելոնայի ներկայիս Ռոյալ Արտիստիկ կրկեսը, որը վերականգնվել է 1970 թվականին։
Պատկերասրահ[խմբագրել | խմբագրել կոդը]
Հռոմեական և միջնադարյան պարիսպներ
Հռոմեական տաճարի մնացորդներ
Բարսելոնայի Մայր տաճար (Սուրբ Էուլալիայի տաճար)
Սանտա Մարիա դել Պի եկեղեցի
«Plaça Sant Jaume» հրապարակ և «Palau de la Generalitat de Catalunya» պատմական պալատ
Պլացա դել Ռեյ հրապարակ
Մեծ Արքայական պալատ
Սանտ Ֆելիպ Ների հրապարակ
Պորտալ լ'Անջել պուրակ
Լա Մերսե բազիլիկ
Casa de la Ciutat
«Չորս կատուներ» (Els Quatre Gats) սրճարան
_as_a_place_of_worship_for_Emperor_Augustus,_Barcelona_(21200840180).jpg)
.jpg)
.jpg)
_City_Hall._Neoclassical_facade._1831-1847._Josep_Mas,_architect_(27664512650)_edited.jpg)
Բարսելոնայի մետրո[խմբագրել | խմբագրել կոդը]
- Բարսելոնայի մետրոպոլիտենի Jaume I կայարան (4-րդ գիծ)
- Բարսելոնայի մետրոպոլիտենի Drassanes կայարան (3-րդ գիծ)
Ծանոթագրություններ[խմբագրել | խմբագրել կոդը]
- ↑ "Gothic Quarter". Visit Barcelona. BarcelonaTurisme. Վերցված է հուլիսի 22, 2017.
- ↑ Makaroff, Sergio (30 September 2003)."La sinagoga mayor de Barcelona" ((իսպ.)). El País. Վերցված է հուլիսի 22, 2017.
- ↑ 3,0 3,1 Cócola Gant Agustín (June 2011)։ El Barrio Gótico de Barcelona: Planificación del Pasado e Imagen de Marca (Spanish)։ Barcelona: Ediciones Madroño։ ISBN 978-84-617-2353-9։ Վերցված է հուլիսի 22, 2017
Արտաքին հղումներ[խմբագրել | խմբագրել կոդը]
- El Gòtic on the City's website
- Barri Gòtic at Tmb.cat Archived 2011-07-06 at the Wayback Machine.
| ||||||||||
