Երեկոն այգում (կտավ)

Երեկոն այգում;
տեսակ	գեղանկար
նկարիչ	Էդուարդ Իսաբեկյան
տարի	1969
բարձրություն	50,5 սանտիմետր
լայնություն	70 սանտիմետր
նյութ	կտավ, ստվարաթուղթ և յուղաներկ
գտնվում է	Հայաստանի ազգային պատկերասրահ
հավաքածու	Հայաստանի ազգային պատկերասրահ
սեփականատեր	Հայաստանի ազգային պատկերասրահ
	պատկերված են
	կայք
	Ծանոթագրություններ;

«Երեկոն այգում», ՀԽՍՀ ժողովրդական նկարիչ Էդուարդ Իսաբեկյանի 1969 թվականին ստեղծած աշխատանքը, որը գտնվում է Հայաստանի ազգային պատկերասրահում^[1]։

Նկարագրություն[խմբագրել | խմբագրել կոդը]

Իսաբեկյանի «հայացքը» կին էակի նկատմամբ միանշանակ չէ^[2]։ Այն արթնացնում է իրարամերժ, հզոր խոհազգայական զուգորդումներ, ընկալվում որպես կնոջն «ուսումնասիրելու» փորձ։ Իսաբեկյանի ստեղծագործություններում կանացի թեման առանձին հետաքրքրություն է ներկայացնում ուսումնասիրության համար։ Ազգային, համաշխարհային գրականության ու կերպարվեստի իմացությունը Իսաբեկյանին թելադրում է ամբողջական մոտեցում, նրա արվեստին բնորոշ անհատական տեսունակության արծարծում։

1969 թվականին ստեղծված «Երեկոն այգում» ստեղծագործությունը լի է հետիմպրեսիոնիստական, գոգենյան արվեստին բնորոշ ներդաշնակության հավիտենական որոնումով։ Կտավի կենտրոնական փնջաձև լույսը դարձնում է արտահայտիչ ծառերի պատկերները, որոնց բրգաձև, հաստ բներն ու ճյուղերը ստատիկ են։

Որոշակի կոնկրետությունից դուրս են առաջին պլանում հանգստացող երկու կանանց դիրքն ու ներքին անդորրը։ Թախիծ և տրտմություն է նկատելի կիսանստած կնոջ դեմքին^[3]։