Դերենիկ Դեմիրճյանի դիմանկարը

Վիքիպեդիայից՝ ազատ հանրագիտարանից
Դերենիկ Դեմիրճյանի դիմանկարը
տեսակգեղանկար
նկարիչԷդուարդ Իսաբեկյան
տարի1960
բարձրություն150 սանտիմետր
լայնություն140 սանտիմետր
ստեղծման երկիր Հայկական ԽՍՀ
ժանրդիմապատկեր
նյութկտավ և յուղաներկ
գտնվում էՀայաստանի ազգային պատկերասրահ
հավաքածուՀայաստանի ազգային պատկերասրահ
սեփականատերՀայաստանի ազգային պատկերասրահ
կայք
Ծանոթագրություններ

«Դերենիկ Դեմիրճյանի դիմանկարը», ՀԽՍՀ ժողովրդական նկարիչ Էդուարդ Իսաբեկյանի 1960 թվականին ստեղծած կտավը։ Գտնվում է Հայաստանի ազգային պատկերասրահում։

Կտավն ունի 150 սմ բարձրություն, 140 սմ լայնություն, նյութը՝ կտավ, յուղաներկ[1][2]։

Նկարագրություն[խմբագրել | խմբագրել կոդը]

Կոմպոզիցիոն աշխատանքներում կերպարների հոգեբանական բնութագրման խորացման հետ զուգընթաց Էդուարդ Իսաբեկյանը 1950-ական թթ. ընթացքում մեծ ոգևորությամբ ու հմտությամբ աշխատում է ժամանակակիցների դիմանկարների վրա։ Արտահայտչական մեծ ուժ ունեցող Դերենիկ Դեմիրճյանի կոմպոզիցիոն դիմանկարը յուրատիպ ասք է ժամանակի խոշորագույն գրողներից ու մտածողներից մեկի մասին։

Դեմիրճյանի դիմանկարը Իսաբեկյանը ավարտել է 1960 թվականին, սակայն գրողի կերպարը նրա ուշադրության կենտրոնում է եղել դեռևս 1945 թ-ից, երբ աշխատում էր նրա լավագույն երկերից մեկի՝ «Վարդանանք»-ի նկարազարդումների վրա։ Գրքի ստեղծագործաբար ընթերցումը, երկարատև զրույցները հեղինակի հետ ազնիվ ոգևորության անսպառ աղբյուր են հնադիսացել նկարչի համար։

Իսաբեկյանը Դեմիրճյանին պատկերել է հարազատ բնության գրկում՝ բարձր լեռներով շրջապատված ձորում։ Բնության ահեղ, բայց միաժամանակ բանաստեղծական այս տեսարաններն են Դեմիրճյանին մղել դեպի հայ ժողովրդի հերոսական անցյալ։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]