Ծովինար (կտավ)

Ծովինար;
տեսակ	գեղանկար
նկարիչ	Էդուարդ Իսաբեկյան
տարի	1982
բարձրություն	140,5 սանտիմետր
լայնություն	150 սանտիմետր
նյութ	կտավ և յուղաներկ
գտնվում է	Էդուարդ Իսաբեկյան ցուցասրահ
հավաքածու	Էդուարդ Իսաբեկյան ցուցասրահ
	կայք
	Ծանոթագրություններ;

Անվան այլ կիրառումների համար տե՛ս՝ Ծովինար (այլ կիրառումներ)

«Ծովինար», ՀԽՍՀ ժողովրդական նկարիչ Էդուարդ Իսաբեկյանի 1982 թվականին ստեղծած կտավը։ Նկարված է «Նավզիկե»-ի վրա։

Պատմություն

«Սասնա ծռեր» էպոսում Ծովինարը ջրային տարերքի հետ կապված ամպերի կայծակնացայտ ոգի կամ ծովային ջրից հղիացած երկվորյակ դյուցազունների՝ Սանասարի ու Բաղդասարի մայրն է։

Նկարագրություն

Էդուարդ Իսաբեկյանը էպոսի հերոսներին պատկերել է հեքիաթային, միևնույն ժամանակ նրանք իսկապես մարդկային են։ Ծովինարի կերպարը ստեղծել է գեղեցիկ, կենսուրախ, հասարակ աղջկա գծերով, որի ուժեղ կազմվածքը բերում է այն համոզման, որ նա՝ էպոսի այդ հերոսուհին է ծնել Սանասարին և Բաղդասարին։ Եռաֆիգուր այս կոմպոզիցիայում նկարիչը շեշտադրել է գունային կառույցները, որոնք իշխում են թե՛ ֆիգուրների պլաստիկ մոդելավորման, թե՛ միջավայրի ստեղծման և թե՛ տեսարանի էպիկականության և նրանում ազգայինի (կարմիր, կապույտ, նարնջագույն) ընդգծման մեջ^[1]։