Բնանկար։ Մախինջաուրի

Բնանկար։ Մախինջաուրի;
տեսակ	գեղանկար
նկարիչ	Էդուարդ Իսաբեկյան
տարի	1938
բարձրություն	47 սանտիմետր
լայնություն	40 սանտիմետր
ժանր	բնանկար
նյութ	կտավ և յուղաներկ
հավաքածու	անհայտ
	կայք
	Ծանոթագրություններ;

«Բնանկար։ Մախինջաուրի», ՀԽՍՀ ժողովրդական նկարիչ Էդուարդ Իսաբեկյանի 1938 թվականին արված աշխատանքը՝ ուսանողական տարիներին ստեղծված էտյուդը։

Պատմություն[խմբագրել | խմբագրել կոդը]

Իսաբեկյանը պատկերել է Վրաստանի բլրածածկ գեղատեսիլ հարթավայրը։ Կտավում արտահայտված է Իսաբեկյանի գեղարվեստական, կոմպոզիցիոն մտածողությունը, երիտասարդ նկարչի վստահ տիրապետումը գծային-գեղանկարչական ձևերին, փափուկ, պլաստիկ մոդելավորմանը, կերպարային ռիթմի դինամիկ զգացողությանն ու երաժշտական ընկալմանը^[1]։

Նկարագրություն[խմբագրել | խմբագրել կոդը]

Եռապլան կոմպոզիցիայի գծային լուծումն իրականացված է երեք հորիզոնական կորերով, որոնց հակադրված մարգերի հինգ շարքերի զուգահեռները ձգվում են հեռուն՝ կրկնելով տեղանքի հարթության ռելիեֆային կորությունը։ Թեյի մարգերում աշխատող կանանց ֆիգուրները միայն բնանկարի լրացում չեն։ Մարգերի միջին մասը ծածկող ծառի լայն ստվերը կտավի լուսաստվերային ողջ լուծման ամենամուգ գոտին է։ Առկա է դեպի խորքը (3-րդ պլան) աստիճանաբար զարգացող և «արագացող» դինամիզմ, ընդգծված թե՛ գծային, թե՛ ծավալային ռիթմով, վստահ վրձնահարվածների տեմպերամենտով, նաև` հեռավոր պլանի արևային լույսի ամենավառ հնչեղ ակորդով։

Աշխատանքն ունի Իսաբեկյանի վաղ շրջանին հատուկ գեղանկարչական պլաստիկ գամմա, դեռևս խուլ, թանգարանային մուգ գունային երանգներ, ձևի, ուրվագծի փափուկ, կորավուն մոդելավորում, որոշակիորեն դինամիկ հյութեղ վրձնահարվածներ։ Իսաբեկյանը հիշում է, որ Թբիլիսիի ակադեմիայում սովորելու տարիներին կատարած բնանկար էտյուդները շատ են եղել, սակայն միայն «Բնանկար։ Մախինջաուրի» աշխատանքն է պահպանվել^[2]։