Արտավազդի կործանումը (կտավ)

«Արտավազդի կործանումը»
տեսակ	գեղանկար
նկարիչ	Էդուարդ Իսաբեկյան
տարի	1980
բարձրություն	70
լայնություն	50
ստեղծման երկիր	Հայաստան
նյութ	կտավ յուղաներկ
կայք
Ծանոթագրություններ

«Արտավազդի կործանումը», ՀԽՍՀ ժողովրդական նկարիչ Էդուարդ Իսաբեկյանի 1980 թվականին ստեղծած կտավը։

Նկարագրություն

«Արտավազդի կործանումը» կտավը Իսաբեկյանի դրամատիկ պլաստիկայի առավել հախուռն արտահայտում է։ Նկարիչը պատկերել է երկնակամարի ու լեռնապարի ժայռակերտ ուրվագծերի ջինջ կապույտի տարածականության մեջ գահավիժող հեծյալին «հոտնկայս», թամբին նստած։ Արտավազդի զգեստի ու ձիու ճերմակին նկարիչը հակադրել է թիկնոցի ու թամբի կարմիրը։ Արտավազդի հակված գլուխը, ձեռքերը զուգորդվում են խաչելության գաղափարի հետ, որին նպաստում է պարանոցի, գլխի դիրքը։ Արտավազդի արքայական հրակարմիր թիկնոցը նրա գլխավերևում ծածանվում է որպես ռազմի դրոշ։ Կտավի բոլոր տարրերը՝ ձին, թամբը, պատանին, աղեղը, վահանը, թիկնոցը, շղթայաձև միասնական են, կապակցված ու միաձույլ և ընկալվում են որպես ամբողջական նշան։ Իսաբեկյանի «Արտավազդի կործանումը» կտավում գունային արտահայտչականությունն հասնում է իր կատարելությանը, որտեղ լույսի, ռեֆլեքսների հարուստ խաղն անսովոր հնչեղության է հասցնում լուսավառ ճերմակը։

Արտաքին հղումներ

• Էդուարդ Իսաբեկյանի պաշտոնական կայքը