Դավիթ Բեկ (կտավ)

Դավիթ Բեկ;
տեսակ	գեղանկար
նկարիչ	Էդուարդ Իսաբեկյան
տարի	1945
բարձրություն	210 սանտիմետր
լայնություն	265 սանտիմետր
նյութ	կտավ
գտնվում է	Հայաստանի ազգային պատկերասրահ
հավաքածու	Հայաստանի ազգային պատկերասրահ
սեփականատեր	Հայաստանի ազգային պատկերասրահ
	պատկերված են
	կայք
	Ծանոթագրություններ;

«Դավիթ Բեկ», ՀԽՍՀ ժողովրդական նկարիչ Էդուարդ Իսաբեկյանի 1945 թվականին ստեղծած կտավը։ Գտնվում է Հայաստանի ազգային պատկերասրահում։

Պատմություն

Իսաբեկյանի արվեստում արտահայտված են դարաշրջանի հայրենասիրական նվիրական երազանքները։ «Դավիթ-Բեկ» կտավում նկարիչը պատկերել է հաղթանակի գաղափարը. իր պարտությունն ընդունած թշնամին հայոց զորավարի ու հեծելազորի ոտքերի մոտ է^[1]։

Իսաբեկյանի այս կտավն իր վրա է կրում ֆրանսիական ռոմանտիզմի ազդեցությունը (Էժեն Դելակրուայի «Խաչակիրների մուտքը Կոստանդնուպոլիս»)՝ ինքնուրույն գեղանկարչական կատարմամբ, աչքի ընկնող հուզական արտահայտչականությամբ։ Զորավարը հեծյալ դրոշակակիր թիկնապահների հետ մասշտաբայնորեն կենտրոնական դիրք է գրավում պատկերում և իմաստա-հոգեբանորեն գերիշխում կոմպոզիցիայում։ Այստեղ առկա են կոմպոզիցիոն, կերպարային, գեղանկարչական պլաստիկ լուծումներ^[2]։