Անհանգիստ ձիեր (նկարաշար)

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
«Անհանգիստ ձիեր»
տեսակ գեղանկար
նկարիչ Էդուարդ Իսաբեկյան
ստեղծման երկիր Հայաստան Հայաստան
http://eduardisabekyan.com/?p=12538, http://www.gallery.am/hy/database/item/348/, http://www.gallery.am/hy/database/item/13578/ կայք

«Անհանգիստ ձիեր», ՀԽՍՀ ժողովրդական նկարիչ Էդուարդ Իսաբեկյանի ստեղծած սիմվոլիստական ներշնչված այլաբանության շարք, նկարչի ներքին հոգեվիճակի անհանգիստ ու նյարդային, խիստ սուբյեկտիվ ու մարգարեական գեղարվեստական կենդանագրություն։

Պատմություն[խմբագրել | խմբագրել կոդը]

Իսաբեկյանի «Անհանգիստ ձիեր» շարքը[1][2] ընդհանրացված այլաբանական զարգացում ունի։ Նկարչի վկայությամբ ձիերը հենց ինքն է։ Բացի այդ, նա շարքը կապում է ևս մեկ գաղափարի հետ՝ երիտասարդության պայքարելու, մաքառելու, առհասարակ ձգտումների հետ, որ իր խորին համոզմամբ կախված չէ որևէ ժամանակի բարդ իրավիճակներից։

Նկարագրություն[խմբագրել | խմբագրել կոդը]

Իսաբեկյանի «ձիերը» դուրս են ժամանակի քաղաքական, սոցիալ-հասարակական կոնկրետությունից, ունեն պայքարի ու վեհացման գաղափարական լայն ընդհանրացման կերպարա-պատկերային փոխաբերական, այլաբանական բնույթ, իսկ անձնավորված կերպարա-գեղանկարչական պլաստիկան դինամիզմի, ուժի, պայքարի գաղափարների դրսևորման փայլուն հնարավորություն է ընձեռում վարպետին։ Հեղինակը նախընտրում է ուղղաձիգ կոմպոզիցիոն կտավներ, որոնք էլ ավելի են ընդգծում նեղ տարածականությունը, ձիերի, երիտասարդների ֆիգուրատիվ լուծումները վերածում գեղանկարչական պլաստիկայի գունա-ծավալային հյուսվածքի, կարծես հնարավոր դարձնում ամենատարբեր դիտակետերից ըմբոշխնելու կոմպոզիցիոն-կերպարային դոմինանտ հանդիսացող նժույգների արտիստական նրբագեղությունը, գունային, լուսաստվերային, ֆակտուրային շոշափելիությունը։ Ձիերի սմբակների անկանոն դոփյունը ստեղծում է լսողական դղրդոցի պատրանք, ուժգնացնում է տագնապի տպավորությունը, սրում ընդհանուր դինամիզմը։ Բնությունն ամայի է, վայրի, լի անհանգիստ հույզով։ Սմբակների տակ ասես մոլեգնում է երկրակեղևն իր հողածածկույթով, երկնքում՝ ողջ մթնոլորտի ամպա-օդային զանգվածը[3][4][5]:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]