Ֆրիդրիխ ֆոն Հայեկ
Վիքիպեդիայից՝ ազատ հանրագիտարանից
Ֆրիդրիխ Ավգուստ ֆոն Հայեկ (գերմ. Friedrich August von Hayek; 1899թ. մայիսի 8, Վիեննա — 1992թ. մարտի 23, Ֆրայբուրգ) — ավստրիացի տնտեսագետ և փիլիսոփա, նոր Ավստրիական դպրոցի ներկայացուցիչ, ազատական տնտեսության և ազատ շուկայի կողմնակից: Տնտեսագիտության գծով նոբելյան մրցանակակիր է (1974թ.):
Հետևելով իր ուսուցիչ՝ Լուդվիգ ֆոն Միզեսին` խիստ քննադատության էր ենթարկել սոցիալիզմի տեսությունն ու պրակտիկան: Անգլիայում 1944-ին հրատարակած «Ճանապարհ դեպի ստրկություն» գրքում քննադատում է ինչպես ձախ, այնպես էլ աջ ամբողջատիրական գաղափարախոսությունները, մատնանշում դրանց կառուցվածքային նմանությունը:
Ըստ ֆոն Հայեկի, պետության աճող միջամտությունը տնտեսությանը խարխլում է յուրաքանչյուր ազատ հասարակության հիմքերը:
