Սայմոն Կուզնեց

Վիքիպեդիայից՝ ազատ հանրագիտարանից
Սայմոն Կուզնեց
Simon Smith Kuznets
Ծնվել է ապրիլի 30, 1901({{padleft:1901|4|0}}-{{padleft:4|2|0}}-{{padleft:30|2|0}})[1]
Ծննդավայր Պինսկ
Մահացել է հուլիսի 8, 1985({{padleft:1985|4|0}}-{{padleft:7|2|0}}-{{padleft:8|2|0}}) (84 տարեկանում) կամ հուլիսի 9, 1985({{padleft:1985|4|0}}-{{padleft:7|2|0}}-{{padleft:9|2|0}})[1] (84 տարեկանում)
Մահվան վայր Քեմբրիջ
Քաղաքացիություն Flag of the United States.svg ԱՄՆ
Կրթություն Կոլումբիայի համալսարան
Աշխատանք Հարվարդի համալսարան և Ջոն Հոպկինսի համալսարան
Գործունեություն տնտեսագետ, վիճակագրագետ և ժողովրդագիր
Պարգևներ և
մրցանակներ՝
Տնտեսագիտության բնագավառում Նոբելյան մրցանակ
Անդամություն՝ Շվեդական թագավորական գիտությունների ակադեմիա

Սայմոն (Սեմյոն) Սմիթ Կուզնեց (անգլ.՝ Simon Smith Kuznets, ծննդյան անունը՝ ռուս.՝ Семён Абрамович Кузнец, 1901, ապրիլի 30 - 1985, հուլիսի 8), ամերիկյան տնտեսագետ, տնտեսագիտության գծով Նոբելյան մրցանակակիր (1971)։

Ծնվել է Պինսկում (այժմ՝ Բելառուս), առևտրական Աբրամ Կուզնեցի ընտանիքում։ Հայրը լքել է ընտանիքը և 1907-ին բնակություն հաստատել ԱՄՆ-ում՝ թողնելով որդուն և կնոջը՝ Պոլինա Կուզնեցին (ծնունդով՝ Ֆրիդման)։

Սեմյոնն ավարտելով ռեալական ուսումնարանը, ընդունվել է Խարկովի համալսարանի իրավաբանական ֆակուլտետը, միաժամանակ դասընթացներ անցնելով նաև տնտեսագիտությունից։ Համալսարանում սովորելու տարիներին նյութական պայմաններից դրդված նա աշխատել է արհմիութենական կազմակերպություններում։ Առաջին գիտական աշխատանքը լույս է տեսել 1921-ին, Խարկովում։

Արտասահման գնալու նպատակով եղբոր՝ Սոլոմոնի հետ նախ գնում է Լեհաստան, որտեղից էլ 1922-ին՝ Նյու Յորք։ Այստեղ եղբայրները ընդունվում են Կոլումբիայի համալսարան։ 1921-ին Սեմյոնը, արդեն՝ Սայմոնը, ստանում է բակալավրի, իսկ 1926-ին՝ դոկտորի գիտական կոչում։ Երիտասարդ գիտնականի հայացքների ձևավորմանը զգալիորեն նպաստել է անվանի գիտնական Ու. Մետչելլը։

Նա շուրջ 35 տարի աշխատել է այդ մեծ գիտնականի հետ՝ տնտեսագիտական հետազոտությունների Ազգային բյուրոյում (1927-1961), միաժամանակ աշխատելով Փենսիլվանիայի համալսարանում (1930-1954)։

Սայմոնն հռչակվում է իր ժամանակի խոշոր տնտեսագետներից։ Մեկը մյուսին հետևում են նրա աշխատությունները տնտեսագիտության զարգացման խնդիրների վերաբերյալ, որոնցից գլխավորը նա համարում էր ազգային եկամտի աճը և օգտագործված հնարավորությունները։

Սայմոնն ամուսնանում է իր աշխատակցուհի Էդիթ Հանդլերի հետ, ունենում է երկու զավակ։

Երկրորդ համաշխարհային պատերազմի տարիներին՝ 1942-44-ին, նա գլխավորել է ԱՄՆ-ի սպառազինությունների ծրագրավորման և վիճակագրության Կոմիտեի բյուրոն։

1949-ին ընտրվում է Ամերիկյան վիճակագրական ասոցացիայի նախագահ, 1954-ին՝ Ամերիկյան տնտեսագիտական ասոցացիայի նախագահ։ 1954-ից դասավանդել է Բալթիմորի Ջոն Հոֆինս անվան համալսարանում։

Նա ոչ միայն մեծ տնտեսագետ էր, այլ նաև բազմակողմանի զարգացած մանկավարժ։ Գիտնականը լուրջ հետազոտություններ է նվիրել նաև Իսրայելի տնտեսության վերելքին։

1971-ին արժանացել է Նոբելյան մրցանակի՝ տնտեսագիտության գծով։

Վախճանվել է Քեմբրիջում։

Ծանոթագրություններ[խմբագրել]

  1. 1,0 1,1 Record #118931067 // Gemeinsame Normdatei Ստուգված է ապրիլի 27-ին 2014:

Աղբյուրներ[խմբագրել]

35px-P Economy.png
Վիքիպեդիայում կա պորտալ
Տնտեսագիտություն
  • Պավել Ծատուրյան, Նոբելյան մրցանակի դափնեկիրներ. 1901-2000, գիրք Ա, Երևան, «ՎՄՎ-Պրինտ» հրատարակչություն, 2007, էջ 80-81։