Ռոբերտ Ուիլսոն
| Ռոբերտ Ուիլսոն | |
|---|---|
 |
|
| ԱԱՀ՝ | Ռոբերտ Ուիլսոն |
| Ծննդյան օր՝ | հոկտեմբերի 1, 1941 |
| Ծննդավայր՝ | Ուեյքո, Թեքսաս, ԱՄՆ |
| Քաղաքացիություն՝ |  ԱՄՆ |
| Ազգություն | ԱՄՆ |
| Կայք՝ | անգլերեն կայք |
Ռոբերտ Ուիլսոնը ծնվել է 1941 թվականին: Նա ամերիկացի ավանգարդիստ թատերական ռեժիսոր է և դրամատուրգ: Բազմակողմանի կարիերայի ընթացքում հանդես է եկել նաև որպես խորեոգրաֆ, նկարիչ, քանդակագործ, վիդեոարվեստագետ, հնչյունի և լույսի ձևավորող: 1960-ականների վերջից Ուիլսոնի գործերը ակնհայտորեն ձևավորել են թատրոնի և օպերայի նկարագիրը: Հաստատվելով Նյու Յորքում` նա իր Byrd Hoffman School of Byrds թատերախմբի հետ ստեղծել է իր առաջին հատկանշական գործերը` «Իսպանիայի թագավորը» (1969), «Խուլուհամրի հայացք» (1970), «Իոսիֆ Ստալինի կյանքն ու ժամանակը» (1973) և «Նամակ Վիկտորյա թագուհուն» (1974): Դառնալով Մանհեթենի կենտրոնի արվեստի ասպարեզի առաջնորդը` Ուիլսոնն իր հայացքը ուղղել է դեպի մեծակտավ օպերան և Ֆիլիպ Գլասի հետ ստեղծել «Այնշտայնը լողափին» հոյակապ գործը (1976): Սկսել է ավելի ու ավելի հաճախ աշխատել եվրոպական գլխավոր թատրոնների և օպերաների հետ: Նրա պարգևների թվում են Վենետիկի 45-րդ բիենալեի «Ոսկե առյուծը»` քանդակի (1993) և Ազգային դիզայնի մրցանակը` ստեղծագործական վաստակի համար (2001):
