Սև տուն (վեպ)

Վիքիպեդիայից՝ ազատ հանրագիտարանից
Jump to navigation Jump to search
Սև տուն
Black House
Black House first cover.jpg
Հեղինակ Սթիվեն Քինգ և Peter Straub
Տեսակ գիրք
Ժանր horror novel և վեպ-թրիլլեր
Բնօրինակ լեզու անգլերեն
Նկարագրում է Վիսկոնսին
Նախորդ Թալիսմանը
Հաջորդ TBA
Երկիր Flag of the United States.svg Ամերիկայի Միացյալ Նահանգներ
Հրատարակիչ Random House
Հրատարակման տարեթիվ սեպտեմբերի 15, 2001
ԳՄՍՀ 0-375-50439-7
OCLC 319882912

«Սև տուն» (անգլ.՝ Black House), ամերիկացի գրող Սթիվեն Քինգի և Փիթեր Ստրաուբի սարսափ վեպ: Հրատարակվել է 2001 թվականին, նույն թվականին էլ դարձել «Բրեմ Ստոկերի պարգևի» թեկնածու[1]: Հանդիսանում է «Թալիսմանի» շարունակությունը, որը հրատարակվել էր 1984 թվականին:

Տվյալ գիրքը, ինչպես և Քինգի այլ ստեղծագորությունները, սերտորեն կապված է «Մուգ աշտարակը» շարքի հետ:

Կրճատ բովանդակություն[խմբագրել | խմբագրել կոդը]

Դաժան սպանությունների շարքը ցնցում է Վիսկոնսինի Ֆրենչ-Լենդինգ փոքրիկ քաղաքը: Մարդասպանին, ում ձեռքից մահացել են մի քանի փոքրիկ երեխաներ, սերիական մարդասպան և մանյակ Ալբերտ Ֆիշին նմանակելու համար բնակիչները «Ձկնորս» են կոչում: Ինչպես Ֆիշը, Ֆրենչ-Լենդինգի մարդասպանը երեխաներին սպանելուց հետո նրանց օգտագործում էր կաննիբալիզմի համար: Վեպի սկզբում երկու սպանություն արդեն կատարվել էին: Հանցանքների ոճը և ոստիկանության գործը բացահայտելու անկարողությունը, զանգվածային լրատվամիջոցները կրակի մեջ յուղ լցնելը հասարակության շրջանակներում օրեցօր ահագնացող տագնապ էին սերմանում:

«Թալիսմանի» գործողություններից հետո Ջեկ Սոյերը խեղդում է մանուկ հասակում թալիսմանի հետևից ընկնելու իր հիշողությունները և արկածները, սակայն դրանք շարունակում են ազդել նրա վրա անգամ մոռացության մատնվելուց հետո: Ջեկը մեծանում է, որպեսզի Լոս Անջելեսի ոստիկանությունում ստանա լեյտենանտի պաշտոն, ինչի արդյունքում իր հմտությունները և գերբնակական տաղանդը օգնում են նրան ստեղծել ցնցող հեղինակություն: Շուտով՝ Սանտա Մոնիկայի մարդասպանությունը բացահայտելուց հետո նա անցնում է թոշակի:

Տեղական ինքնակառավարման մարմինները Ջեկ Սոյերին անօգուտ համոզում էին գործը վերցնել իր ձեռքը, սակայն մարդասպանին ևս մեկ երեխայի զոհ գնալը թույլ չի տալիս Ջեկին անտարբեր և անմասնակից մնալ: Նա սկսում է համագործակցել Լենդինգի ֆրանսիական ոստիկանության հետ՝ մարդասպանին ձերբակալելու նպատակով: Նրան շուտով պարզ է դռնում, որ «Ձկնորսը» պարզապես հասարակ մարդասպան չի: Նա հանդիսանում է «Կարմիր արքայի» գործակալը, ում գլխավոր նպատակակը Մուգ աշտարակի ոչնչացումն է: «Ձկնորսին» հանձնարարված էր գտնել երեխաներ, ովքեր կարող են Կործանարարներ դառնալ: Չորրորդ զոհ Տայլեր Մարշալլը հանդիսանում է ամենահզոր Կործանարարնեից մեկը, որ երբևէ եղել են, և նա կարող է լինել այն ամենը, ինչ անհրաժեշտ է «Կարմիր արքային» աշտարակի մնացորդները ոչնչացնելու և բոլոր աշխարհներին վերջ տալու համար: Այսպիսով Ջեկ Սոյերը ոչ միայն Լենդինգ քաղաքի, այլև ողջ աշխարհի փրկության վերջին հույսն է:

Հերոսներ[խմբագրել | խմբագրել կոդը]

  • Ջեկ Սոյեր — 12-ամյա տղա, ով «Թալիսմանը» վեպում Հովիտներում ունեցել է անհավատալի արկածներ: Այժմ պաշտոնաթող խուզարկու, ով անցնում է Ձկնորսի գործի հետաքննությանը: Ֆրենչ-Լենդինգ քաղաք առաջին անգամ գալիս է Տորնբերգ Կինդելինգի գործի առթիվ: Տեղի ոստիակնների կողմից ստանում է «Հոլիվուդ» մականունը:
  • Դեյլ Գիլբերտսոն — Ֆրենչ-Լենդինգ քաղաքի ոստիակնապետ, ում ուսերին է ընկնում մարդասպանի բացահայտման և ձերբակալման խնդիրն ու զանգվածային լրատվամիջոցների սուր քննադատությունը:
  • Հենրի Լայդեն — տեղի ռադիոյի կույր դիջեյ, Դեյլ Գիլբերտսոնի հորեղբայրը: Հայտնի է Ջորջ Ռետբան, Սիմֆոնիկ Ստեն, Վիսկոմսինյան առնետ, Հենտի Շեյկ ստեղծագործական կեղծանուններով: Մտերմանում է Ջեկի հետ և վերջինիս օգնում հետաքննության հարցում:
  • Տայլեր Մարշալլ — իննամյա տղա, Ֆրեդ և Ջուդի Մարշալլների որդին: Դառնում է Ձկնորսի չորրորդ զոհը: Սակայն վերջինս չի շտապում Տայլերի սպանության հարցում, այլ փակի տակ է պահում «Սև տան» մեջ՝ նրան պահելով հատուկ առաքելության համար:
  • Ուենդելլ Գրին — «Հյուսիսային Վիսկոնսինի ամենահայտնի լրագրողը», ով մարդասպանին տվել է Ձկնորս մականունը: Սակայն քննադատում է Ֆրենչ-Լենդինգի ոստիկանությանը՝ նրանց մեղադրելով իրենց պարտականությունները կատարելու անկարողության մեջ: Շատ անփույթ և եսասեր անձ է, միշտ խանգարում է Ջեկին՝ ցանկանալով սենսացիոն ռեպորտաժ պատրաստել:
  • Չարլզ Բերնսայդ (Կարլ Բիրցտոուն) — ծերուկ, ով ապրում է ծերանոցում: Ունի գերբնական ունակություններ:
  • Ֆրեդ Մարշալլ - Ջուդիի ամուսինը և Տայլերի հայրը:
  • Ջուդի Մարշալլ - Ֆրեդի կինը և Տայլերի մայրը: Ունի գերբնական ունակություններ:
  • Պարկուս (նույն ինքը Սպիդի Պարկերը և Սպիդի Օպպոպանակսը) - Ջեկի ընկերը: "Թալիսմանի" գործողությունների մասնակից:
  • Պարոն Մանշան - Կարմիր արքայի աջ ձեռքը:
  • Գոռգ - ագռավ, պարոն Մանշանի ծառա:
  • Սոֆի - Հովիտներում ապրող Ջեկի սիրեցյալը:
  • Վանդա Կինդերլինգ - Տորնբերգ Կինդերլինգի կինը, ով ատում է Ջեկին նրա համար, որ նա իր ամուսնուն բանտ է գցել: Գրքի վերջում Ջեկին մահացու վնասվածք է հասցնում, որի պատճառով նա մշտական բնակություն է հաստատում Հովիտներ:
  • Էմի Սեն-Պյեր - Ձկնորսի առաջին զոհը:
  • Ջոնի Իրկենխեմ - Ձկնորսի երկրորդ զոհը:
  • Իռմա Ֆրենո - Ձկնորսի երրորդ զոհը:

Փաստեր[խմբագրել | խմբագրել կոդը]

  • Ֆրենչ-Լենդինգ քաղաքը հորինված քաղաք է, ում երկվորյակը իրականության մեջ ԱՄՆ-ի Վիսկոնսին նահանգի Տրեմպիլո քաղաքն է:
  • Ձկնորսի թողած նամակը, որը գտնվում է ահավոր «նվերով» զամբյուղի մեջ, հղում է հանդիսանում Jack the Ripper-ի «Նամակ դժոխքից» ստեղծագործությանը և Ալբերտ Ֆիշի մորը թողած նամակին, ինչի մասին հստակորեն ասվում է գրքում:

Սթիվեն Քինգի այլ ստեղծագործություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «2001 Award Winners & Nominees»։ Worlds Without End։ Արխիվացված օրիգինալից-ից 2012-09-03-ին