Շահումյան (Տուապսեի շրջան)

Անվան այլ կիրառումների համար տե՛ս՝ Շահումյան (այլ կիրառումներ)

Գյուղ
Շահումյան
ռուս.՝ Шаумян
Զինանշան
Երկիր	Ռուսաստան
Դաշնային սուբյեկտ	Կրասնոդարի երկրամասԿրասնոդարի երկրամաս
Շրջան	Տուապսեի շրջան
Հիմնադրված է	1864 թ.
ԲԾՄ	246 մ
Պաշտոնական լեզու	ռուսերեն
Բնակչություն	1603 մարդ (2010)
Ազգային կազմ	հայեր, ռուսներ
Ժամային գոտի	UTC+3
Հեռախոսային կոդ	+786167
Փոստային դասիչ	352825
ՍՎՏԲՀԴ	03 255 813 001

Շահումյան ( ռուս.` Шаумян), գյուղ Ռուսաստանի Դաշնության Կրասնոդարի երկրամասի Տուապսեի շրջանում, Ելիզավետկա գետի ափին։ Գտնվում է Տուապսեից 42 կմ հյուսիս-արևելք, ծովի մակարդակից 246 մ բարձրության վրա։

Բնակչությունը

Շահումյանում բնակվում են հայեր, ռուսներ, ադըղեներ և այլ ազգություններ։ 1987 թվականին գյուղում բնակվել է 1535 մարդ, իսկ 1989 թվականին` 1479 մարդ, որից 704 հայեր, 679 ռուսներ, 24 ուկրաինացիներ, 11 հույներ, 4 գերմանացիներ և 3 ադըղեներ։

Հաշվառման տարեթիվը	Բնակիչների թվաքանակը
1989	1479
1999	1388
2002	1467
2010	1603

Բնակիչներն զբաղվում են թեյի և ծխախոտի մշակությամբ, բանջարաբուծությամբ, այգեգործությամբ և անասնապահությամբ։ Գյուղում կա միջնակարգ դպրոց, գրադարան, ակումբ և հիվանդանոց։

Պատմությունը

Գյուղը հիմնադրվել է 1864 թվականին` Կուբանի կազակական զորքերի կողմից, տեղահանված չերքեզական աուլի տեղում և կոչվել Ելիսավետպոլսկայա։ 1869 թվականին ստանիցան դարձել է գյուղ և կոչվել Ելիսավետպոլսկոյե։ 1936 թվականին, ի պատիվ Ստեփան Շահումյանի, կոչվել է Շահումյան։

1925-1953 թվականներին մտել է Հյուսիս-Կովկասյան երկրամասի Հայկական ազգային շրջանի կազմի մեջ։

Հայերը եկել են Սամսունի շրջակայքից` 1910 թվականին։

Արտաքին հղումներ

• Բնակչության` 2010 թվականի համառուսական հաշվառումներ Archived 2014-05-17 at the Wayback Machine.
• Տուապսեի շրջանի գյուղերի կազմավորման պատմություն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։