Աֆանասևսկի Պոստիկ

Գյուղ
Աֆանասևսկի Պոստիկ
ռուս.՝ Афанасьевский Постик
Երկիր	Ռուսաստան
Դաշնային սուբյեկտ	Կրասնոդարի երկրամասԿրասնոդարի երկրամաս
Շրջան	Տուապսեի շրջան
Հիմնադրված է	1865 թ.
ԲԾՄ	133 մ
Պաշտոնական լեզու	ռուսերեն
Բնակչություն	50 մարդ (2010)
Ազգային կազմ	հայեր, ռուսներ
Ժամային գոտի	UTC+3
Հեռախոսային կոդ	+786167
Փոստային դասիչ	352825
ՍՎՏԲՀԴ	03255813007
Աֆանասևսկի Պոստիկ (Ռուսաստան) Աֆանասևսկի Պոստիկ (Կրասնոդարի երկրամաս)

Աֆանասևսկի Պոստիկ ( ռուս.` Афанасьевский Постик), հայաբնակ գյուղ Ռուսաստանի Դաշնության Կրասնոդարի երկրամասի Տուապսեի շրջանում։ Գտնվում է Տուապսեից 74 կմ հյուսիս, Պսեկուպս գետի ձախ ափին, ծովի մակարդակից 133 մ բարձրության վրա։

Բնակչությունը

Գյուղի բնակիչներն զբաղվում են թեյի մշակությամբ և այգեգործությամբ։ Գյուղում կար ակումբ և բուժկայան։ 1989 թվականին գյուղում ապրում էր 84 մարդ, որից 39 հայեր, 36 ռուսներ և 9 ուկրաինացիներ։ 1999 թվականին գյուղն ուներ 67 բնակիչ, իսկ 2010 թվականին` 50 բնակիչ։

Պատմությունը

Գյուղը հիմնադրել են Արևմտյան Հայաստանից գաղթած հայերը` 1865 թվականին։ Այն իր անունն ստացել է պահակակետի պետ, ուրյադնիկ Աֆանասևի անունից։

1925-1953 թվականներին գյուղն ընդգրկված է եղել Տուապսեի Հայկական ազգային շրջանի կազմում։

Աֆանասևսկի Պոստիկ գյուղում է ծնվել Խորհրդային Միության հերոս Հմայակ Սնոպլյանը։

Արտաքին հղումներ

• Բնակչության` 2010 թվականի համառուսական հաշվառումներ Archived 2014-05-17 at the Wayback Machine.
• Տուապսեի շրջանի գյուղերի կազմավորման պատմություն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 169)։