Կոնստանտին Պետրոսյան

Կոնստանտին Պետրոսյան
Ծնվել է	օգոստոսի 12, 1946 (78 տարեկան); Երևան, Հայկական ԽՍՀ, ԽՍՀՄ
Երկիր	ԽՍՀՄ և Հայաստան
Մասնագիտություն	դիրիժոր, կոմպոզիտոր և դաշնակահար
Գործիքներ	դաշնամուր
Աշխատավայր	Ռոմանոս Մելիքյանի անվան երաժշտական դպրոց, Հայաստանի ազգային ռադիոյի էստրադային–սիմֆոնիկ նվագախումբ և Հայաստանի կոմպոզիտորների միություն
Կրթություն	Սայաթ-Նովայի անվան երաժշտական դպրոց, Ռոմանոս Մելիքյանի անվան պետական երաժշտական քոլեջ (1965) և Երևանի Կոմիտասի անվան պետական կոնսերվատորիա (1973)
Անդամակցություն	Հայաստանի կոմպոզիտորների միություն
Պարգևներ	Հայաստանի արվեստի վաստակավոր գործիչ և Սուրբ Սահակ-Սուրբ Մեսրոպ շքանշան

Վիքիպեդիայում կան հոդվածներ Պետրոսյան ազգանունով այլ մարդկանց մասին։

Կոնստանտին Հրանտի Պետրոսյան (օգոստոսի 12, 1946(1946-08-12)^[1], Երևան, Հայկական ԽՍՀ, ԽՍՀՄ), հայ կոմպոզիտոր, դաշնակահար, դիրիժոր։ Հայաստանի կոմպոզիտորների միության անդամ (1976)։ Հայաստանի Հանրապետության արվեստի վաստակավոր գործիչ (2022)։

Կենսագրություն

Կոնստանտին Պետրոսյանը ծնվել է 1946 թվականին Երևանում։ Սովորել է Սայաթ-Նովայի անվան երաժշտական դպրոցում։ 1965 թվականին ավարտել է Ռոմանոս Մելիքյանի անվան երաժշտական ուսումնարանը, դասատու` Էդուարդ Բաղդասարյան, 1973 թվականին՝ Երևանի Կոմիտասի անվան կոնսերվատորիան` Գրիգոր Եղիազարյանի դասարանը։ 1976-1985 թվականներին դասավանդել է Ռոմանոս Մելիքյանի անվան երաժշտական ուսումնարանում:1976-1980 թվականներին եղել է Հայաստանի ռադիոյի և հեռուստատեսության էստրադային-սիմֆոնիկ նվագախմբի խմբավարը:1985-1990 թվականներին ղեկավարել է Հայաստանի կոմպոզիտորների միության երաժշտական կենտրոնը:1990-1993 թվականներին եղել է Հայաստանի Խաղաղության Ֆոնդի նախագահի տեղակալ, 2003 թվականից` Հայկական երաժշտական համաժողովի անդամ, 2014 թվականից` Հայաստանի կոմպոզիտորների միության Արտասահմանյան հանձնաժողովի համանախագահ։

Հեղինակ է սիմֆոնիկ, երգչախմբային, կամերային, գործիքային և վոկալ գործերի։ Երաժշտություն է գրել նաև կինոյի և թատրոնի համար^[2]^[3]։

Ստեղծագործական գործունեություն

1984 և 2003 թվականներին հեղինակային համերգներ է ունեցել Արամ Խաչատրյան համերգասրահում և Արամ Խաչատրյանի տուն-թանգարանում։ 2005 թվականին լույս է տեսել Պետրոսյանի «Հայրենի ղողանջներ» հեղինակային ձայնաերիզը, որտեղ ընդգրկված են 10 ժողովրդական երգերի մշակումներ կանացի երգչախմբի համար, կամերային գործեր։

1991 թվականին մի խումբ արվեստագետների հետ ելույթ է ունեցել ՄԱԿ-ի Նյու-Յորքի կենտրոնական գրասենյակի Դագ Համալշելդ սրահում։ 1995 թվականից աշխատում է ԱՄՆ-ում։ 1997 թվականից Ռոդ Այլենդի Հայկական երաժշտական փառատոնի գեղարվեստական ղեկավարն է, Բոստոնի «Երևան» երգչախմբի և նվագախմբի գեղարվեստական ղեկավար։

Կատարումներով հանդես է եկել նախկին Խորհրդային Միության քաղաքներում, ինչպես նաև Կանադայում, Իսպանիայում, Հունաստանում, Ֆրանսիայում, Ավստրիայում, Անգլիայում, Գերմանիայում, Չեխոսլովակիայում, Լեհաստանում, Ֆինլանդիայում, Հունգարիայում, Ռումինիայում, ԱՄՆ տարբեր քաղաքներում, այդ թվում Նյու-Յորքի Քարնեգի հոլում (1990, 1997)։

2015 թվականին՝ Հայոց ցեղասպանության 100-րդ տարելիցին նվիրված կազմակերպել է 6 համերգ (նվագախմբային, երգչախմբային) Նյու Յորքում, Բոստոնում, Փրովիդենս, Նյու Ջերսի և Մասսաչուսեթս նահանգներում։

Պարգևներ

Ռոդ Այլնդ Նահանգի «Տարվա Մարդ», 1996
Մովսես Խորենացու մեդալ, 2013^[4]
Սուրբ Սահակ- Մեսրոպ շքանշան, 2014
Հայաստանի Հանրապետության արվեստի վաստակավոր գործիչ, 2022^[5]։

Ստեղծագործություններ

Նվագախմբային

Սիմֆոնիկ պոեմ
Կոնցերտ լարային նվագախմբի համար
Կոնցերտ ձայնի և նվագախմբի / Big Band-ի համար

Երգչախմբային

«Հայրենի ղողանջներ», ցանկ կանացի երգչախմբի համար, a’capella
«Մեր նոր Հայաստան», խոսք` Արամայիս Սահակյանի

Գործքային

Տրիո ֆլեյտայի, ֆագոտի և դաշնամուրի համար
Սոնատ ջութակի և դաշնամուրի համար
Լարային կվարտետ
Փայտյա-փողային կվինտետ #1
Փայտյա-փողային կվինտետ #2
«Երկխոսություն» ջութակի և թավջութակի համար
Չորս մանրանվագ լարային կվարտետի համար
Պիեսներ դաշնամուրի և կամերային նվագախմբի համար

Սոնատներ

Ջութակի և դաշնամուրի համար
Մենանվագ ալտի համար
Փողի և դաշնամուրի համար
Ֆագոտի և դաշնամուրի համար
Ֆլեյտայի և դաշնամուրի համար
Հոբոյի և դաշնամուրի համար
Մենանվագ ֆլեյտայի համար
«Նոկտյուրն» ջութակի և դաշնամուրի համար

Սյուիտներ

Դաշնամուրի համար
Ֆլեյտայի և կլարնետի համար

Վոկալ շարքեր

«Բնության լեզվով», բարիտոնի և դաշնամուրի հահար, Գարիկ Բանդուրյանի բանաստեղծությունների հիման վրա
«Կարոտի կանչ», սոպրանոյի և դաշնամուրի համար, Սիլվա Կապուտիկյանի բառերով
«Տաղեր», բարիտոնի, թավջութակի, դաշնամուրի և հարվածաինների համար, ըստ Պետրոս Դուրյանի բանաստեղծությունների
«Մենախոսություն» սոպրանոյի և դաշնամուրի համար, Ռազմիկ Դավոյանի բառերով

Վոկալ

«Հայաստան», բանաստեղծություն Նանսեն Միքայելյանի
«Տիրամայր», խոսք` Ներսես Վանականի
«Վոկալիզմ»
«Ազգ հայկազյան», խոսք` Գևորգ Կարապետյանի
«Համբարձում», խոսք` Մեսրոպ Թաշչյանի
«Տիեզերք», խոսք` Արամայիս Սահակյանի

Ծանոթագրություններ

↑ ^1,0 ^1,1 http://armradioarchive.am/ar/pzjcQiq
↑ «Պետրոսյան Կոնստանտին | ՀԿՄ». composers.am. Վերցված է 2016 թ․ հոկտեմբերի 16-ին.
↑ «Konstantin Petrosian». Discogs. Վերցված է 2016 թ․ հոկտեմբերի 16-ին.
↑ «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2016 թ․ հոկտեմբերի 16-ին.
↑ «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ». www.president.am. Վերցված է 2022 թ․ նոյեմբերի 21-ին.

Արտաքին հղումներ

Պաշտոնական կայք Արխիվացված 2017-09-24 Wayback Machine

[_e0c9467a99eff953-1] 1,0 ^1,1 http://armradioarchive.am/ar/pzjcQiq

[2] «Պետրոսյան Կոնստանտին | ՀԿՄ». composers.am. Վերցված է 2016 թ․ հոկտեմբերի 16-ին.

[3] «Konstantin Petrosian». Discogs. Վերցված է 2016 թ․ հոկտեմբերի 16-ին.

[4] «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2016 թ․ հոկտեմբերի 16-ին.

[5] «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ». www.president.am. Վերցված է 2022 թ․ նոյեմբերի 21-ին.

[1]

[2]

[3]

[4]

[5]