Արթուր Մոսիյան

Վիքիպեդիայից՝ ազատ հանրագիտարանից
Jump to navigation Jump to search
Արթուր Մոսիյան
Ծնվել էհունվարի 15, 1971(1971-01-15) (48 տարեկան)
ԾննդավայրՄարտունի, Արցախ
Ազգությունհայ

Արթուր Մոսիյան, Արցախի գլխավոր դատախազ։

Կենսագրություն[խմբագրել | խմբագրել կոդը]

Ծնվել է 1971 թվականի հունվարի 15-ին Արցախի Մարտունի քաղաքում։

  • 1987 - ավարտել է Մարտունու թիվ 1 միջնակարգ դպրոցը։
  • 1992 - գերազանց գնահատականներով ավարտել է Ստեփանակերտի մանկավարժական ինստիտուտի պատմական ֆակուլտետը «Պատմություն և իրավագիտություն» մասնագիտությամբ։
  • 1992-1994 - սովորել է Հայաստանի ԳԱԱ պատմության ինստիտուտի ասպիրանտուրայի հեռակա բաժնում։
  • 1990-1992 - «Ուսանողական ջոկատի» կազմում մասնակցել է ղարաբաղյան շարժմանը։
  • 1992-1998 - ծառայել է Արցախի պաշտպանության բանակում՝ շարքայինից մինչև պաշտպանական շրջանի հրամանատարի տեղակալ։

Պարգևատրվել է «Մարտական խաչ» առաջին աստիճանի շքանշանով։

  • 1999-2000 - եղել է Մարտունու շրջանի վարչակազմի ղեկավարի տեղակալը։
  • 2000-2005 - Արցախի Ազգային ժողովի պատգամավոր՝ պաշտպանության, անվտանգության և օրինապահպանության հարցերի մշտական հանձնաժողովի նախագահ։
  • 2005-2007 - ՀՅԴ Արցախի կենտկոմի ներկայացուցիչ։
  • 2007 - սեպտեմբերից մինչև դեկտեմբեր՝ Արցախի արդարադատության նախարար։
  • 2007 - 2014 - Արցախի վերահսկիչ պալատի նախագահ։
  • 2014 թվականի հոկտեմբերի 29-ից Արցախի Գլխավոր դատախազ[1]:

Բողոքի ակցիաներ Ստեփանակերտում և մեղադրանքներ Արթուր Մոսիյանի նկատմամբ[խմբագրել | խմբագրել կոդը]

Ըստ ականատեսների վկայությունների հիման վրա ԶԼՄ-ներում տարածված տեղեկության, 2018 թվականի հունիսի 1-ին Ստեփանակերտում ԱՀ ԱԱԾ մի խումբ աշխատակիցներ ծեծի են ենթարկել երկու քաղաքացու՝ ոստիկանների լռելյայն ներկայությամբ, որից հետո ոստիկանները բերման են ենթարկել ծեծվածներին, այլ ոչ թե ծեծողներին: Դրանից հետո նույն օրը երեկոյան տասնյակ դժգոհ քաղաքացիներ փակել են Ստեփանակերտի ավտոկայանի հարակից կենտրոնական փողոցը, դրանով մեկնարկելով Արցախում հունիսյան բողոքի ակցիաները[2]: Ցուցարարների հիմնական պահանջն է Արցախի Հանրապետության բանակից բացի բոլոր ուժային կառույցների ղեկավարների՝ Արշավիր Ղարամյանի (ԱՀ ԱԱԾ պետ) Կամո Աղաջանյանի (ԱՀ ոստիկանապետ), Արթուր Մոսիյանի (ԱՀ գլխավոր դատախազ)[2]:

Ընտանիք[խմբագրել | խմբագրել կոդը]

Ամուսնացած է, ունի երեք երեխա։

Տես նաև[խմբագրել | խմբագրել կոդը]

Աղբյուրներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]