Կարեն Հովհաննիսյան (քաղաքական գործիչ)
Կարեն Հովհաննիսյան | |
---|---|
Ծնվել է | հունիսի 6, 1974 (49 տարեկան) |
Ծննդավայր | Ստեփանավան, Հայկական ԽՍՀ, ԽՍՀՄ |
Կրթություն | Հայկական պետական մանկավարժական համալսարան |
Մասնագիտություն | քաղաքական գործիչ |
Կարեն Զորիկի Հովհաննիսյան (հունիսի 6, 1974, Ստեփանավան, Հայկական ԽՍՀ, ԽՍՀՄ), արցախցի քաղաքական գործիչ, Արցախի Հանրապետության Ազգային ժողովի պատգամավոր՝ Արցախի ««Արդարություն» կուսակցությունից։
Կենսագրություն[խմբագրել | խմբագրել կոդը]
Կարեն Հովհաննիսյանը ծնվել է 1974 թվականի հունիսի 6-ին, Հայաստանի Լոռու մարզի Ստեփանավան քաղաքում։
Միջնակարգ կրթությունը ստացել է Արթիկ քաղաքի թիվ 2 միջնակարգ դպրոցում, որն ավարտել է 1990 թվականին։ 1996 թվականին ավարտել է Երևանի Խաչատուր Աբովյանի անվան հայկական պետական մանկավարժական ինստիտուտի պատմության ֆակուլտետը և նույն թվականին զորակոչվել ՀՀ Զինված ուժեր՝ ժամկետային զինծառայության։
1998 թվականին որպես պատմության ուուցիչ աշխատանքի է անցեկ Քաշաթաղի շրջանի Տիգրանավան գյուղի միջնակարգ դպրոցում, հետագայում նշանակվել է Այգեհովիտ գյուղի միջնակարգ դպրոցի տնօրեն։
2000 թվականին նշանակվել է Արցախի Հանրապետության ոստիկանության Քաշաթաղի շրջանային բաժնի անչափահասների բաժանմունքի ավագ տեսուչ։ 2006 թվականին՝ Արցախի Հանրապետության Ազգային անվտանգության ծառայության Քաշաթաղի շրջանային բաժնի օպերլիազոր։ Կարեն Հովհաննիսյանը վերապատրաստում է անցել ՀՀ ԱԱԾ ԳԹԿ-ում։
2012-2020 թվականներին զբաղեցրել է Արցախի Հանրապետության ՊՄՊՊԾ ՊՈԱԿ Քաշաթաղի շրջանային ծառայության պետի պաշտոնը։
2020 թվականի մարտի 31-ի խորհրդարանական ընտրություններում Արցախի «Արդարություն» կուսակցության համամասնական ցուցակով ընտրվել է ԱՀ Ազգային ժողովի 7-րդ գումարման պատգամավոր։
2022 թվականի հոկտեմբերի 4-ից Արցախի Հանրապետության Ազգային ժողովի անկախ պատգամավոր է[1]։
Ամուսնացած է, ունի երկու զավակ։