Սևակ Աղաջանյան
| Սևակ Աղաջանյան | |
|---|---|
| Ծնվել է | հուլիսի 9, 1975 (48 տարեկան) |
| Ծննդավայր | Կիրովական, Հայկական ԽՍՀ, ԽՍՀՄ |
| Մասնագիտություն | քաղաքական գործիչ և ռազմական գործիչ |
Սևակ Սուրիկի Աղաջանյան (հուլիսի 9, 1975, Կիրովական, Հայկական ԽՍՀ, ԽՍՀՄ), արցախցի ռազմական և քաղաքական գործիչ, Արցախի Հանրապետության Ազգային ժողովի «Միասնական Հայրենիք» կուսակցության պատգամավոր։
Կենսագրություն[խմբագրել | խմբագրել կոդը]
Սևակ Աղաջանյանը ծնվել է 1975 թվականի հուլիսի 9-ին, Հայաստանի Կիրովական քաղաքում։ Այնուհետև տեղափոխվել և բնակվել է Արցախի Հանրապետության Մարտունու շրջանի Սպիտակաշեն գյուղում։ 1992 թվականին ավարտել է գյուղի միջնակարգ դպրոցը։
1992-1994 թվականներին մասնակցել է Արցախյան ազատամարտին։ 1995 թվականին Սևակ Աղաջանյանին շնորհվել է սպայի կոչում։ Նա մինչև 2019 թվականը զբաղեցրել է տարբեր պաշտոններ։
2006 թվականին ավարտել է Երևանի Մեսրոպ Մաշտոց համալսարանի «Իրավագիտություն» բաժինը[1]։
2019 թվականին նշանակվել է զորամասի հրամանատարի սոցիալ-իրավական աշխատանքների գծով օգնական։ Մայորի կոչումով անցել է զինվորական կենսաթոշակի և զորացրվել Հայաստանի զինված ուժերի պահեստազոր։
2020 թվականի մարտի 31-ի խորհրդարանական ընտրություններում «Միասնական Հայրենիք» կուսակցության համամասնական ցուցակով ընտրվել է Արցախի Հանրապետության 7-րդ գումարման Ազգային ժողովի պատգամավոր[2]։
Ամուսնացած է, ունի երկու զավակ։
Ծանոթագրություններ[խմբագրել | խմբագրել կոդը]
- ↑ ԱՂԱՋԱՆՅԱՆ ՍԵՎԱԿ ՍՈՒՐԻԿԻ
- ↑ «ԸՆՏՐԱԿԱՆ ՑՈՒՑԱԿ «Միասնական հայրենիք» կուսակցության (ՄՀաԿ) պատգամավորի թեկնածուների» (PDF). Արխիվացված է օրիգինալից (PDF) 2023 թ․ օգոստոսի 9-ին. Վերցված է 2023 թ․ օգոստոսի 15-ին.