Գոհար Սարգսյան
| Գոհար Սարգսյան | |
|---|---|
| Ծնվել է | մարտի 21, 1982 (42 տարեկան) |
| Ծննդավայր | Ստեփանակերտ, Ադրբեջանական ԽՍՀ, ԽՍՀՄ |
| Մասնագիտություն | քաղաքական գործիչ |
Գոհար Գենադիի Սարգսյան (մարտի 21, 1982, Ստեփանակերտ, Ադրբեջանական ԽՍՀ, ԽՍՀՄ) արցախցի քաղաքական գործիչ, Արցախի Հանրապետության Ազգային ժողովի պատգամավոր՝ «Միասնական հայրենիք» կուսակցությունից։
Կենսագրություն[խմբագրել | խմբագրել կոդը]
Գոհար Սարգսյանը ծնվել է 1982 թվականի մարտի 21-ին, Ստեփանակերտ քաղաքում։
Կրթություն է ստացել Ստեփանակերտի Եղիշե Չարենցի անվան թիվ 7 միջնակարգ դպրոցում, որն ավարտել է 1999 թվականին։ 2003 թվականին ավարտել է Արցախի պետական համալսարանի իրավագիտության բաժինը։
2006-2013 թվականներին Գոհար Սարգսյանը «Ստելլեր» ՍՊԸ-ում աշխատել է որպես գործավար։
2015-2019 թվականներին եղել է Արցախի Հանրապետության Արդարադատության նախարարության աշխատակազմի Քաղաքացիական կացության ակտերի գրանցման Ստեփանակերտի տարածքային բաժնի առաջին կարգի մասնագետի պաշտոնակատար[1]։
2020 թվականի մարտի 31-ի խորհրդարանական ընտրություններում «Միասնական Հայրենիք» կուսակցության համամասնական ցուցակով ընտրվել է Արցախի Հանրապետության 7-րդ գումարման Ազգային ժողովի պատգամավոր։
Ամուսնացած է, ունի մեկ զավակ։