Արամայիս Աղաբեկյան

Արամայիս Էդուարդի Աղաբեկյան (ծնվել է դեկտեմբերի 8-ին, 1987 թվականին, Ստեփանակերտ, Արցախ), Արցախի Հանրապետության Ազգային ժողովի պատգամավոր «Ազատ հայրենիք-ՔՄԴ» կուսակցությունների դաշինքի համամասնական ցուցակով, Արցախի Հանրապետության Ազգային ժողովի արտաքին հարաբերությունների մշտական հանձնաժողովի անդամ, «Արցախ-Ավստրալիա» բարեկամության շրջանակի անդամ, քաղաքական գործիչ։

Արամայիս Էդուարդի Աղաբեկյան
Արցախի Հանրապետության ԱԺ 7-րդ գումարման պատգամավոր
Կուսակցություն՝	«Քաղաքացիական միացյալ դաշինք», խմբակցություն՝ «Ազատ հայրենիք-ՔՄԴ» կուսակցությունների դաշինք
Կրթություն՝	Արցախի պետական համալսարանի «Հումանիտար» ֆակուլտետի «Պատմության» բաժին
Մասնագիտություն՝	պատմաբան
Ազգություն	հայ
Ծննդյան օր	դեկտեմբերի 8-ին, 1987(33 տարեկան)
Ծննդավայր	Ստեփանակերտ,Արցախ
Քաղաքացիություն	Հայաստան
Զավակներ	2
Կայք՝	nankr.am

Կենսագրություն

Ծնվել է 1987 թվականին, դեկտեմբերի 8-ին,Ստեփանակերտ քաղաքում։

Կրթություն

• 1994 թվականին ընդունվել է Ստեփանակերտի Ավ. Իսահակյանի անվան թիվ 10 միջնակարգ դպրոցը և սովորել այնտեղ մինչև 2002 թվականը։
• 2002 թվականին տեղափոխվել և ուսումը շարունակել է Ասկերանի շրջանի գյուղ Սզնեքի միջնակարգ դպրոցում։
• 2004 թվականին ավարտել է Ասկերանի շրջանի Սզնեք գյուղի միջնակարգ դպրոցը։
• Նույն թվականին ընդունվել է ԱրՊՀ «Հումանիտար» ֆակուլտետի «Պատմության» բաժինը։
• Շարունակել և ավարտել է ուսումը 2008 թվականին։
• 2010-2012 թվականներին սովորել և ավարտել է Արցախի պետական համալսարանի պատմության և քաղաքագիտության ֆակուլտետի՝ <<Հայաստանի հարակից երկրների պատմություն>> բաժինը՝ ստանալով մագիստրոսի գիտական աստիճան։

Ծառայություն

• 2005-2007 թվականներին ծառայել է ԼՂՀ Պաշտպանության բանակում։

Կարիերա

• 2010-2015 թվականներին աշխատել է Ստեփանակերտի Վ. Ջհանգիրյանի անվ. թիվ 11 ավագ դպրոցում որպես պատմության և հասարակագիտության ուսուցիչ։
• 2015 թվականից հանդիսանում է «Մտքի ուժը» հասարակական կազմակերպության նախագահ։
• 2017-2018 թվականներին աշխատել է ԱՀ ՄԵՀԶ նախարարության «Պատմական միջավայրի պահպանության պետական ծառայություն» ՊՈԱԿ-ում՝ «Տիգրանակերտ» պատմամշակութային արգելոցի վարիչ։
• 2018 թվականին ընտրվել է «Քաղաքացիական միացյալ դաշինք» կուսակցության վարչության անդամ։
• 2019 թվականից հանդիսանում է Արցախի հանրային հեռուստաընկերությամբ հեռարձակվող «Հետհաշվարկ» ինտելեկտուալ խաղ-մրցույթի հեղինակ վարող։
• 2020 թվականի մարտի 31-ին խորհդարանական ընտրություններում «Ազատ հայրենիք-ՔՄԴ» դաշինքի համամասնական ցուցակով ընտրվել է ԱՀ 7-րդ գումարման Ազգային ժողովի պատգամավոր։

Ընտանիք

Ամուսնացած է,ունի երկու զավակ։

Ծանոթագրություններ

https://www.youtube.com/watch?v=XPiyXssJugE

Արամայիս Աղաբեկյանի հարցազրույցը ArmLur․am-լրատվական կայքին

https://www.youtube.com/watch?v=XPiyXssJugE Հետհաշվարկ» ինտելեկտուալ խաղ-մրցույթի հեղինակ]

https://www.youtube.com/watch?v=ggsUYeuQLIg

https://www.365news.am/2020/07/27/%d5%a1%d5%a4%d6%80%d5%a2%d5%a5%d5%bb%d5%a1%d5%b6%d5%a8-%d5%a9%d6%84%d5%a1%d5%ae-%d5%b8%d6%82%d5%b6%d5%ab-%d5%b8%d5%b9-%d5%b4%d5%ab%d5%a1%d5%b5%d5%b6-%d5%a1%d5%b6%d5%b0%d5%a1%d5%b5%d5%bf-%d5%af%d5%b8/

https://www.facebook.com/aramayis.agabekyan/videos/2556668271269135/

https://artsakhpress.am/arm/news/131479/qmd--kusakcutyuny--qaxpashtpanutyan--veraberyal--harceri--shurj--handipum-qnnarkum--e---kazmakerpel.html