Հայաստանի ֆոնդային բորսա

Վիքիպեդիայից՝ ազատ հանրագիտարանից
ՆԱՍԴԱՔ ՕԷՄԷՔՍ Արմենիա
NASDAQ OMX Armenia
NASDAQ OMX Group.svg
Տեսակ ֆոնդային բորսա
Գտնվելու վայրը Երևան, Հայաստան
Հիմնադրվել է Հունվարի 27, 2009 (2009-01-27)
Տնային էջ nasdaqomx.am

Հայաստանի ֆոնդային բորսա, պաշտոնական անունը` ՆԱՍԴԱՔ ՕԷՄԷՔՍ Արմենիա (անգլ.՝ NASDAQ OMX Armenia) Հայաստանում գործող միակ ֆոնդային բորսան։ Հիմնադրվել է 2001 թ. փետրվարին։ Սկզբնապես կոչվել է Հայաստանի Ֆոնդային Բորսա, սակայն 2009 թ. հունվարի 27-ին վերանվանվել է ՆԱՍԴԱՔ ՕԷՄԷՔՍ Արմենիա։

Պատմություն[խմբագրել]

Ամսաթիվ Իրադարձություն
26 նոյեմբերի 2012 ՆԱՍԴԱՔ ՕԷՄԷՔՍ Արմենիան Հայաստանում առաջին անգամ ներկայացրեց Globenewswire տեղեկատվության տարածման համակարգը։
8 նոյեմբերի 2012 Հայաստանում առաջին անգամ գործարկվեց ժամկետային վարկային ռեսուրսների հարթակը ՆԱՍԴԱՔ ՕԷՄԷՔՍ Արմենիայում։
24 սեպտեմբերի 2012 Գործարկվեց արտարժութով արտահայտված պարտատոմսերի շրջանառության մեխանիզմը ՆԱՍԴԱՔ ՕԷՄԷՔՍ Արմենիայում։
Դեկտեմբեր 2010 ՆԱՍԴԱՔ ՕԷՄԷՔՍ Արմենիան հիմնեց «Բորսայի լավագույն անդամ» մրցանակաբաշխությունը առաջին անգամ Հայաստանում։
2 ապրիլի 2010 Մեկնարկել է միջբանկային վարկային ռեսուրսների հարթակը։
5 հունիսի 2009 "ՆԱՍԴԱՔ ՕԷՄԷՔՍ Արմենիա" ԲԲԸ-ն դարձավ "Հայաստանի կենտրոնական դեպոզիտարիա" ԲԲԸ-ի բաժնետոմսերի 100%-ի սեփականատերը։
27 հունվարի 2009 "Հայաստանի Ֆոնդային Բորսա" ԲԲԸ-ն պաշտոնապես վերանվանվել է "ՆԱՍԴԱՔ ՕԷՄԷՔՍ Արմենիա" ԲԲԸ-ի։
15 դեկտեմբերի 2008 Մեկնարկել են ՌԵՊՈ գործիքների և հասցեական գործարքների բորսայական հարթակները։
4 դեկտեմբերի 2008 Կորպորատիվ արժեթղթերով բորսայական ամենօրյա առևտրային նստաշրջանի տևողությունը երկարաձգվել է մեկ ժամից մինչև չորս ժամ։
2 դեկտեմբերի 2008 Հայաստանի Ֆոնդային Բորսան վերալիցենզավորվեց ՀՀ Կենտրոնական բանկի կողմից` 2007թ.-ի հոկտեմբերին ընդունված "Արժեթղթերի շուկայի մասին" ՀՀ օրենքի դրույթների համաձայն։
Հոկտեմբեր 2008 Հայաստանում գրանցվեց “NASDAQ OMX” ապրանքանշանը (բրենդը)։
Փետրվար 2008 Ամերիկյան Nasdaq և սկանդինավյան OMX բորսաների միավորման արդյունքում Հայաստանի Ֆոնդային Բորսան դառնում է NASDAQ OMX Group, Inc. աշխարհի խոշորագույն բորսայական ընկերության մասը։
23 հունվարի 2008 Մեկնարկել է պետական պարտատոմսերով բորսայական առևտուրը։
7 հունվարի 2008 Գրանցվել է շվեդական OMX AB-ի կողմից Հայաստանի Ֆոնդային Բորսայի և Հայաստանի Կենտրոնական Դեպոզիտարիայի գնման գործարքը։
21 նոյեմբերի 2007 OMX AB-ի և ՀՀ Կենտրոնական բանկի միջև ստորագրվել է Հայաստանի Ֆոնդային Բորսայի և Հայաստանի Կենտրոնական Դեպոզիտարիայի բաժնետոմսերի գնման վեևրաբերյալ համաձայնագիրը։
9 նոյեմբերի 2007 Համաձայն ՀՖԲ անդամների ընդհանուր ժողովի որոշման, "Հայաստանի Ֆոնդային Բորսա" ինքնակարգավորվող կազմակերպությունը վերակազմավորվել է բաց բաժնետիրական ընկերության։
11 հոկտեմբերի 2007 Ընդունվում է "Արժեթղթերի շուկայի մասին" ՀՀ նոր օրենքը։
1 հունվարի 2006 ՀՀ Արժեթղթերի հանձնաժողովի փոխարեն ՀՀ Կենտրոնական բանկը դառնում է արժեթղթերի շուկայի կարգավորողը և ֆինանսական համակարգի միասնական վերահսկիչ մարմինը։
20 դեկտեմբերի 2005 Բորսայական առևտրին թույլատրվել է առաջին կորպորատիվ պարտատոմսը։
15 նոյեմբերի 2005 ՀՖԲ-ում սկսվել է արտարժույթով բորսայական առևտուրը։
11 նոյեմբերի 2002 Հայաստանի Ֆոնդային Բորսան դարձել է Եվրաասիական Ֆոնդային Բորսաների Ֆեդերացիայի (FEAS) անդամ։
29 սեպտեմբերի 2002 Հայաստանի Ֆոնդային Բորսան դարձել է ԱՊՀ երկրների Բորսաների Միջազգային Ասոցիացիայի անդամ։
6 հուլիսի 2001 Տեղի է ունեցել Հայաստանի Ֆոնդային Բորսայի առաջին առևտրային նստաշրջանը։
13 փետրվարի 2001 "Հայաստանի Ֆոնդային Բորսա" ինքնակարգավորվող կազմակերպությունը գրանցվել է ՀՀ Արժեթղթերի հանձնաժողովի կողմից։
Նոյեմբեր 2000 "Արժեթղթերի Շուկայի Մասնակիցների Միություն" իրավաբանական անձանց միության բոլոր 24 անդամները հավաստել են իրենց պատրաստակամությունը` մասնակցել ֆոնդային բորսայի ստեղծմանը և արժեթղթերով առևտուրն իրականացնել բորսայական հարթակում։ "Արժեթղթերի Շուկայի Մասնակիցների Միություն" իրավաբանական անձանց միության ընդհանուր ժողովում որոշում է ընդունվել Միությունը վերանվանել "Հայաստանի Ֆոնդային Բորսա"։
1 օգոստոսի 2000 Ուժի մեջ է մտել "Արժեթղթերի շուկայի կարգավորման մասին" ՀՀ օրենքը, որը կարգավորում է արժեթղթերի շուկայում ծագող հարաբերությունները։ Օրենքը սահմանում է արժեթղթերի շուկայի կանոնակարգման վերաբերյալ պետական քաղաքականության հիմունքները։
1997 Ստեղծվել է "Արժեթղթերի Շուկայի Մասնակիցների Միությունը

Գործունեություն[խմբագրել]

Բորսայի գործունեության հիմնական ուղղություն է հանդիսանում բաժնետոմսերի, կորպորատիվ պարտատոմսերի, ՀՀ Ֆինանսաների նախարարության և ՀՀ Կենտրոնական բանկի կողմից թողարկված պետական պարտատոմսերի, ՌԵՊՈ գործիքների, արտարժույթի, ինչպես նաև վարկային ռեսուրսների առևտուրի կազմակերպումը, արժեթղթերի լիստինգը, արժեթղթերի և արտասահմանյան տարադրամի հրապարակային վաճառքի կազմակերպումը, ընկերությունների մասին տեղեկությունների հրապարակումը։

Համաձայն ՀՀ «Արժեթղթեր շուկայի կարգավորման մասին» օրենքի` բորսան լիազորված է նաև իրականացնել արժեթղթերի գրանցում։

Արտաքին հղումներ[խմբագրել]