Սալման Խան

Սալման Խան
Ծնվել է	դեկտեմբերի 27, 1965(1965-12-27) (58 տարեկան)
Ծննդավայր	Ինդաուր, Մադհյա Պրադեշ, Հնդկաստան
Կրթություն	St. Stanislaus School?, Սկինդիա դպրոց և Elphinstone College?
Քաղաքացիություն	Հնդկաստան և  Միացյալ Թագավորություն
Ազգություն	փուշտու
Կրոն	իսլամ
Մասնագիտություն	կինոդերասան, կինոպրոդյուսեր, հեռուստահաղորդավար և երգիչ
Ընտրանի	Maine Pyar Kiya?, Hum Aapke Hain Koun..!?, Bodyguard?, Dabangg?, Dabangg 2? և Ek Tha Tiger?
Ծնողներ	հայր՝ Սալիմ Խան, մայր՝ Sushila Charak Singh Khan?
Պարգևներ և մրցանակներ	Ֆիլմֆեյր մրցանակ՝ երկրորդ պլանի լավագույն դերասանի համար և Filmfare Award for Best Male Debut?
salmankhan.com

Սալման Խան (հինդի` सलमान ख़ान, ամբողջ անունը` Աբդուլ Ռաշիդ Սալիմ Սալման Խան, դեկտեմբերի 27, 1965(1965-12-27), Ինդաուր, Մադհյա Պրադեշ, Հնդկաստան), հնդիկ դերասան և հեռուստահաղորդավար։ Համարվում է Բոլիվուդի ամենահանրաճանաչ կինոաստղերից մեկը։ Արժանացել է Filmfare Awards մրցանակի՝ լավագույն դեբյուտի և տղամարդու լավագույն երկրորդ պլանի դերի համար, ինչպես նաև բազմաթիվ այլ մրցանակների։ Հնդկական կինեմատոգրաֆի զարգացման համար կատարված հսկայական ներդրումների համար 2007 թվականին Սալման Խանը արժանացել է Ռաջիվ Գանդիի անվան պարգևին։

Կենսագրություն

Սալման Խանը ծնվել է գրող և սցենարիստ Սալիմ Խանի և նկարչուհի Սալմա Խանի ընտանիքում։ Սալման Խանն ունի երկու եղբայր՝ դերասան և ռեժիսոր Արբազ Խանը և դերասան և պրոդյուսեր Սոհեյլ Խանը, բացի այդ ունի նաև երկու քույր՝ Ալվիրան և որդեգրված Արփիտան։ Հետագայում Սալման Խանի հայրը ընտանիք բերեց նաև երկրորդ կնոջը՝ հայտնի դերասանուհի և պարուհի Հելենին։ Հելենն ինքը երեխաներ չուներ, սակայն Սալիմ Խանի երեխաները նրան ընդունում էին որպես իրենց երկրորդ մայր։

Սալման Խանի հայրը մուսուլման էր, մայրը՝ իսլամ ընդունած հինդուս, իսկ Հելենը կաթոլիկ էր։ Այդ իսկ պատճառով նրանց ընտանիքում պահպանվում էին այդ երեք կրոնների` իսլամի, հինդուիզմի և քրիստոնեության ավանդույթներն ու սովորույթները։ Որոշ ժամանակ անց նրանց ընտանիքը տեղափոխվել է Բոմբեյ։

Սալման Խանն իր դերասանական կարիերան սկսել է` հանդես գալով 1988 թվականին նկարահանված «Այդպիսին պետք է լինի կինը» («Կինը») կինոնկարում։ Չնայած նրա խաղընկերուհին Ռեքհան էր, այդուհանդերձ ֆիլմը հաջողություն չի ունեցել։ Սալման Խանին հաջողությունը ժպտաց 1989 թվականին նկարահանված «Ես սիրեցի» ֆիլմում կատարած դերի համար։ Նա ներկայացվել է մրցանակի՝ տղամարդու լավագույն դերի համար և շահել է մրցանակը լավագույն դեբյուտի համար։ 1991 թվականին Սալման Խանը նկարահանվել է «Իմ սիրելին» ֆիլմում և համալրել է հանրաճանաչ կինոաստղերի շարքերը։ 1994 թվականին էկրաններին հայտնվեց 1990-ական թվականների ամենահաջողված «Ով եմ ես քեզ համար» կինոնկարը, որտեղ Սալման Խանի խաղընկերուհին Մադհուրի Դիքսիտն էր։ Ֆիլմը Բոլիվուդի պատմության մեջ ամենաշահութաբեր կինոնկարն էր, այդ առումով զիջելով միայն «Վրեժ և օրենք» (1975 թ.) ֆիլմին։

1995 թվականին նկարահանվելով «Կարանը և Արջունը» կինոնկարում, Սալման Խանը կրկին ներկայացվեց մրցանակի, դառնալով մարտաֆիլմերի հանրաճանաչ հերոս։ «Կյանքում ամեն ինչ պատահում է» (1998 թ.) կինոնկարում հանդես գալով երկրորդական դերով, Սալման Խանը արժանացավ Filmfare Award մրցանակի։ 1999 թվականին նա նկարահանվել է «Համար մեկ կինը», «Մեզ չեն բաժանի» և «Հավետ քոնը» կինոնկարներում ` դառնալով տարվա ամենահայտնի դերասանը։ 1990-ական թվականներին նա նկարահանվել է նաև «Սեր առանց հիշողության» (1992 թ.), «Երաժշտության աշխարհը» (1996 թ.) և «Անփույթ երկվորյակները» (1997 թ.) կինոնկարներում։ Հնդկա-պակիստանյան կոնֆլիկտի մասին պատմող «Տասը» (1997 թ.) կինոնկարի նկարահանումները, որտեղ Սալման Խանի հետ հանդես էր գալիս Սանջայ Դատը, դադարեցվեցին՝ ռեժիսորի հանկարծակի մահվան պատճառով։

2001 թվականին նկարահանված «Ուրիշի երեխան» կինոնկարը նույնպես հաջողություն կունենար, եթե չլիներ ֆիլմի ֆինանսավորման շուրջ ծագած աղմուկը։ Դրա մեջ կասկածվում էր մաֆիայի պարագլուխ Բհարատ Շահը։ Ֆիլմի ցուցադրությունը Հնդկաստանում անցավ մեծ դժվարություններով։ Շատ կինոթատրոններ հրաժարվում էին ցուցադրել ֆիլմը, իսկ այն կինոթատրոններում, որտեղ այն ցուցադրվում էր, հսկվում էին ոստիկանության կողմից։ Ֆիլմի նկարահանող խմբին, այդ թվում Սալման Խանին, բազմիցս այդ գործով կանչել են հարցաքննության։ Այնուամենայնիվ Սալման Խանը արժանացավ մրցանակի՝ որպես լավագույն գլխավոր դերակատար։

2003 թվականին նկարահանված «Ամբողջը տալիս եմ քեզ» ֆիլմում Սալման Խանը կատարել է իր լավագույն դերերից մեկը, իսկ 2004 թվականին նկարահանված «Ամեն ինչ չէ, որ կորսված է» կինոնկարում Սալման Խանը կատարել էր ՁԻԱՀ-ով տառապող հիվանդի դեր։ Ֆիլմը շոշափում էր հասարակության վերաբերմունքի թեման՝ ՁԻԱՀ-ով և ՄԻԱՎ-վարակակիրով հիվանդ մարդկանց նկատմամբ։ Նույն թվականին Սալման Խանը նկարահանվել է «Ամուսնացիր ինձ հետ» կատակերգությունում, որը հանդիսատեսի կողմից ընդունվեց ջերմությամբ։ 2005 թվականին Սալման Խանը հանդես է եկել բազմաբնույթ դերակատարումներով, նկարահանվելով «Որովհետև...», «Ինչպես ես սիրեցի» և Ռուսաստանում նկարահանված «Լակի. Սիրո ժամանակը չէ» ֆիլմերում։ Նրա հետագա ֆիլմերից են «Իմ սիրելին» (2006 թ.), հոլիվուդյան «Մարիգոլդ. Ճանապարհորդություն դեպի Հնդկաստան» (2007 թ.), «Բարև, սեր» (2007 թ.), «Անվախը» (2010 թ.) և այլ կինոնկարներ։

1998 թվականին՝ «Մեզ չեն բաժանի» ֆիլմի նկարահանումների ժամանակ Սալման Խանը և ևս չորս դերասաններ ձերբակալվել էին արգելանոցում որսագողությամբ զբաղվելու համար։ Այդ գործով դատավարությունը ձգվեց շուրջ 14 տարի։ 2007 թվականին իսլամական կազմակերպություններից մեկը ընդդեմ Սալման Խանի ֆաթվա էր հայտարարել, հաշվի առնելով այն հանգամանքը, որ մուսուլման լինելով հանդերձ, նա մասնակցել էր հինդուիստական կրոնական տոնակատարության։ 2008 թվականին նրա դեմ ֆաթվա էր հայտարարվել նաև այն բանի համար, որ Սալման Խանի մոմե արձանը դրվել էր Լոնդոնում գտնվող Մադամ Տյուսոյի թանգարանում։ 2015 թվականին Սալման Խանը դատապարտվել է հինգ տարվա ազատազրկման՝ ալկոհոլ օգտագործած վիճակում փողոցում գիշերող անօթևան մի քաղաքացու վրաերթի ենթարկելու համար, որից հետո դիմել էր փախուստի։ Այդ հանցագործությունը կատարվել էր 2002 թվականին։ Անձամբ Սալման Խանը պնդում էր, որ այդ օրը ինքը ավտոմեքենա չի վարել։ Դատավճիռը հասարակության շրջանում մեծ աղմուկ էր առաջացրել։ Մինչ դատավճռի դեմ բողոքարկումը, դերասանը գտնվում է ազատության մեջ։

Սալման Խանը զբաղվում է նաև բարեգործությամբ։ Երկար տարիներ է, ինչ նա միջոցներ է հատկացնում քաղցկեղով և հոգեկան հիվանդություններով տառապող երեխաների համար։ 2006 թվականին հատուկ դրա համար նա հիմնել է Սալման Խանի հիմնադրամը։ Միջոցները գոյանում են նաև նրա նկարների վաճառքից։ Իր հոբբին` գեղանկարչությունը, նա օգտագործում է կարիքավորներին օգնելու նպատակով։ Սալման Խանը նկարահանվում է նաև գովազդային հոլովակներում և հանդիսանում է որոշ հայտնի ֆիրմաների դեմքը։

Անձնական կյանքը

Սալման Խանը երբեք չի ամուսնացել, սակայն նրա կյանքը մշտապես հետաքրքրել է երկրպագուներին և ԶԼՄ-ներին։ 1999 թվականից նա հանդիպում էր դերասանուհի և մոդել Այշվարիա Ռայի հետ, սակայն մի քանի տարի անց` 2001 թվականին նրանք բաժանվեցին, որից հետո նա մինչև 2010 թվականը հանդիպում էր դերասանուհի Կատրինա Կաիֆի հետ։ Սալման Խանը սիրավեպ է ունեցել նաև դերասանուհիներ Սանգիտա Բիջլանիի և Սոմի Ալիի հետ։ Սալման Խանը զբաղվում է բոդիբիլդինգով (կուլտուրիզմ)։

Մասնակի ֆիլմագրությունը

Թվական	Անվանում	Բնօրինակ անվանում	Կերպար
1988	Կինը	Biwi Ho To Aisi	Վիկի Բհանդարի
1989	Ես սիրեցի	Maine Pyar Kiya	Պրեմ Չոուդհարի
1990	Հեղափոխականը	Baaghi: A Rebel for Love	Սաջան Սուդ
1991	Խաբված սիրեցյալը	Sanam Bewafa	Սալման Խան
1991	Քարե ծաղիկներ	Patthar Ke Phool	Սուրաջ Վերմա
1991	Սիրելին	Kurbaan	Ակաշ Սինգհ
1991	Իմ սիրելին	Saajan	Ակաշ Վերմա
1991	Սիրային պատմություն	Love	Պրիտհվի
1992	Սուրյավանշի	Suryavanshi	Սուրյավանշի Վիկրամ Սինգհ
1992	Սեր առանց հիշողության	Ek Ladka Ek Ladki	Ռաջա
1992	Որոշում	Nishchaiy	Վասուդև Գուջրալ, Ռոհան Յադավ
1992	Ճանապարհ դեպի նոր կյանք	Jaagruti	Ջուգնու
1993	Սիրահարված սիրտը	Dil Tera Aashiq	Վիջայ
1993	Չանդրա Մուքհի	Chandra Mukhi	Ռաջա Ռայ
1994	Ով եմ ես քեզ համար	Hum Aapke Hain Koun...!	Պրեմ
1994	Լուսներեսը	Chaand Kaa Tukdaa	Շյամ Մալհոտրա
1994	Ուզում եմ ամուսնանալ միլիոնատերի դստեր հետ	Andaz Apna Apna	Պրեմ
1994	Սիրեցյալը` քարե սրտով	Sangdil Sanam	Կիշան
1995	Կարանը և Արջունը	Karan Arjun	Կարան Սինգհ
1995	Հերոսական ավարտ	Veergati	Աջայ
1996	Ճակատագրի հորձանուտը	Yeh Majhdhaar	Գոպալ
1996	Երաժշտության աշխարհը	Khamoshi: The Musical	Ռաջ
1996	Հանցագործի սերը	Jeet	Ռաջնաթհ Սահայ
1996	Սեր և ատելություն (Սիրո թշնամին)	Dushman Duniya Ka	-
1997	Անհոգ երկվորյակները	Judwaa	Ռաջա, Պրեմ Մալհոտրա
1997	Զենք	Auzaar	Սուրաջ Պրակաշ
1997	Տաս	Dus	կապիտան Ջիտ Շարմա
1998	Պետք չէ վախենալ սիրուց	Pyaar Kiya To Darna Kya	Սուրաջ Կհաննա
1998	Երբ սիրահարվում ես	Jab Pyaar Kisise Hota Hai	Սուրաջ Դհանռաջգիր
1998	Իրական արժեքներ	Bandhan	Ռաջու
1998	Կյանքում ամեն ինչ պատահում է	Kuch Kuch Hota Hai	Աման Մեհրա
1999	Անպատասխան սեր	Jaanam Samjha Karo	Ռահուլ
1999	Համար մեկ կինը	Biwi No. 1	Պրեմ Մեհրա
1999	Միայն դու	Sirf Tum	Պրեմ
1999	Հավետ քոնը	Hum Dil De Chuke Sanam	Սամիր Ռաֆիլինի
1999	Ողջույն անտեսանելի եղբորից	Hello Brother	Հերո
1999	Մեզ չեն բաժանի	Hum Saath-Saath Hain: We Stand United	Պրեմ
2000	Պսակադրվել սիրելիի հետ	Dulhan Hum Le Jayenge	Ռաջա Օբերոյ
2000	Մրցակից եղբայրներ	Chal Mere Bhai	Պրեմ Օբերոյ
2000	Յուրաքանչյուր սիրող սիրտ	Har Dil Jo Pyar Karega	Ռաջ
2000	Մի քանի խոսք սիրո մասին	Dhaai Akshar Prem Ke	Տրուկ Դրիվեր
2000	Հանկարծ չսիրահարվել	Kahin Pyaar Na Ho Jaaye	Պրեմ Կապուր
2001	Ուրիշի երեխան	Chori Chori Chupke Chupke	Ռաջ Մալհոտրա
2002	Վերադարձ դեպի անցյալ	Tumko Na Bhool Paayenge	Վիր Սինգհ Թհակուր, Ալի
2002	Միակը	Hum Tumhare Hain Sanam	Սուրաջ
2002	Ուղևորություն դեպի Լոնդոն	Yeh Hai Jalwa	Ռաջ Սաքսենա, Ռաջ Միտալ
2003	Ամբողջը տալիս եմ քեզ	Tere Naam	Ռադհե Մոհան
2003	Սեր և դավաճանություն	Baghban	Ալոկ Ռաջ
2004	Պատիվ	Garv: Pride and Honour	Արջուն Ռանավատ
2004	Ամուսնացիր ինձ հետ	Mujhse Shaadi Karogi	Սամիր Մալհոտրա
2004	Ամեն ինչ չէ, որ կորսված է	Phir Milenge	Ռոհիտ Մանչանդա
2004	Սիրտը, որը չէր դադարում զարկել	Dil Ne Jise Apna Kaha	Ռիշաբհ
2005	Լակի. Սիրո ժամանակը չէ	Lucky: No Time for Love	Ադիտյա Սեքհրի
2005	Ինչպես ես սիրեցի	Maine Pyaar Kyun Kiya	դոկ. Սամիր Մալհոտրա
2005	Տհաճությունների հորձանուտում	No Entry	Պրեմ
2005	Սիրո տխուր պատմություն	Kyon Ki	Անանդ
2006	Կանխագուշակություն	Saawan... The Love Season	-
2006	Իմ սիրելին	Jaan-E-Mann: Let's Fall in Love... Again	Սուհան Կապուր
2006	Հայրիկ	Baabul	Ավինաշ Կապուր
2006	Հարսանիքից հետո	Shaadi Karke Phas Gaya Yaar	Այան
2007	Բարև, սեր	Salaam-E-Ishq	Ռահուլ
2007	Մարիգոլդ. Ճանապարհորդություն դեպի Հնդկաստան	Marigold	Պրեմ Ռաջպուտ
2007	Գործընկերը	Partner	Պրեմ
2007	Սիրեցյալը	Saawariya	Իմաան
2008	Օ, Աստված, դու մեծ ես	God Tussi Great Ho	Արուն Պրաջապատի
2008	Ալո, կոլ-կենտրոնը լսում է	Hello	Խան
2008	Հերոսները	Heroes	Բալկար Սինգհ, Ջասվինդեր Սինգհ
2008	Ժառանգորդները	Yuvvraaj	Դևեն Յուվռաջ Սինգհ
2009	Հատկապես վտանգավոր է	Wanted	Ռադհե
2009	Միսթր և միսիս Կհաննա	Main Aurr Mrs Khanna	Սամիր Կհաննա
2009	Լոնդոնյան երազանքներ	London Dreams	Մանջիտ Կհոսլա
2009	Տարօրինակ սիրո զարմանալի պատմությունը	Ajab Prem Ki Ghazab Kahani	Սալման Խան
2010	Վիր` ժողովրդի հերոսը	Veer	Վիր Պրատապ Սինգհ, Մահենդրա Պրատապ Սինգհ
2010	Սերը որպես խաղ	Prem Kaa Game	պատմող
2010	Անվախը	Dabangg	Չուլբուլ Պանդեյ
2011	Միշտ պատրաստ	Ready	Պրեմ Կապուր
2011	Թիկնապահը	Bodyguard	Լովելի Սինգհ
2012	Կար-չկար մի վագր	Ek Tha Tiger	-
2012	Սարդարի որդին	Son of Sardaar	Պաթհան
2012	Անվախը 2	Dabangg 2	Չուլբուլ Պանդեյ
2014	Կեցցե հաղթանակը	Jai Ho	մայոր Ջայ Ագնիհոտրի
2014	Ցնցողը	Lai Bhaari	Բհաու
2014	Հարված	Kick	Դևի Լալ Սինգհ, Դևիլ
2015	Եղբայր Բաջրանգի	Bajrangi Bhaijaan	Պավան Կումար Չատուրվեդի, Բաջրանգի
2015	Սեր անունով գանձը	Prem Ratan Dhan Payo	Պրեմ Դիլվալե, Յուվռաջ Վիջայ Սինգհ
2016	Սուլթանը	Sultan	Սուլթան Ալի Խան

Ծանոթագրություններ

Վիքիպահեստն ունի նյութեր, որոնք վերաբերում են «Սալման Խան» հոդվածին։