Հելեն (անգլ.՝ Helen, ամբողջ անունը՝ Հելեն Ջայրագ Ռիչարդսոն Խան, նոյեմբերի 21, 1938(1938-11-21)[1], Յանգոն, Բրիտանական Բիրմա), հնդկական կինոյի պարուհի և դերասանուհի։ Հելենի ամբողջական ֆիլմագրությունը չի կազմվել, սակայն ըստ որոշ աղբյուրների՝ նա նկարահանվել է ավելի քան 700 ֆիլմում։ Կյանքում ունեցած ձեռքբերումների համար 1999 թվականին արժանացել է Filmfare Awards մրցանակին։ Մրցանակն ստացել է երկրորդ պլանի կանացի լավագույն դերի համար։ 2009 թվականին պարգևատրվել է Հնդկաստանի կառավարական Պադմա Շրի պարգևով։ Հելենի մասին գրվել են գրքեր և նկարահանվել ֆիլմեր։ Ժամանակին համարվել է սեքս-խորհրդանիշ, նրան անվանել են հնդկական կինոյի «ջրածնային ռումբ»։
Հելենը ծնվել է Բիրմայում։ Հայրը ուներ անգլո-հնդկական ծագում և մահացել է Երկրորդ համաշխարհային պատերազմի ժամանակ, մայրը՝ ուներ բիրմանական ծագում[2][3]։ Ընտանիքում Հելենն ուներ քույր և եղբայր։ Ճապոնիայի կողմից Բիրման օկուպացնելու վտանգից խուսափելով, 1943 թվականին Հելենի ընտանիքը տեղափոխվել է Բոմբեյ։ Ապրել են ծայրահեղ աղքատության մեջ։ Հելենի մայրը բուժքույր էր, սակայն նրա աշխատավարձը չէր բավարարում ընտանիքի կարիքները հոգալուն։ Այդ իսկ պատճառով Հելենը թողեց ուսումը և ընտանիքի բարեկամ, հայտնի պարուհի Կուկուի միջնորդությամբ աշխատանք գտավ կինոնկարահանման հրապարակում ` որպես խմբապարերի պարուհի։ Առաջին անգամ նկարահանվել է 1957 թվականին՝ 19 տարեկանում։ Հետագայում, աստիճանաբար նրան վստահեցին նաև մենապարերը։ 1980-ական թվականների սկզբին Հելենը լքեց կինոնկարահանման հրապարակը և նկարահանվում էր հազվադեպ։
1981 թվականին Հելենն ամուսնացել է սցենարիստ Սալիմ Խանի հետ, ով արդեն իսկ ամուսնացած էր և ուներ երեխաներ։ Երեխաները Հելենին համարում էին իրենց երկրորդ մայր (նրանցից մեկը հայտնի դերասան Սալման Խանն է)։ Հելենն ունի մեկ որդեգրված դուստր։
Անվան այլ կիրառումների համար տե՛ս՝ Հելեն (այլ կիրառումներ)
Հնդկաստան
