Սանջայ Դատ

Սանջայ Դատ անգլ.՝ Sanjay Dutt
Ծնվել է	հուլիսի 29, 1959(1959-07-29) (66 տարեկան)
Ծննդավայր	Մումբայ, Հնդկաստան
Կրթություն	Լորենցի դպրոց և Elphinstone College?
Քաղաքացիություն	Հնդկաստան
Կրոն	հինդուիզմ
Մասնագիտություն	կինոպրոդյուսեր, երգիչ, կինոդերասան, քաղաքական գործիչ և դերասան
Ծնողներ	հայր՝ Սունիլ Դատ, մայր՝ Նարգիս
Ամուսին(ներ)	Մանյատա Դուտտ
Պարգևներ և մրցանակներ	Filmfare Awards

Սանջայ Դատ (հինդի` संजय दत्त, հուլիսի 29, 1959(1959-07-29), Մումբայ, Հնդկաստան), հնդիկ դերասան։ Արժանացել է Filmfare Awards մրցանակի` տղամարդու լավագույն դերի և լավագույն կատակերգական դերի համար։

Կենսագրություն

Սանջայ Դատը ծնվել է դերասան Սունիլ Դատի և դերասանուհի Նարգիսի ընտանիքում։ Ունի երկու քույր՝ քաղաքական գործիչ Պրիյա Դատը և Նամրատա Դատը։ Նրա մայրը՝ Նարգիսը, մահացել է 1981 թվականին՝ քաղցկեղից, այդպես էլ չկարողանալով դիտել որդու դեբյուտային ֆիլմը։

Առաջին անգամ Սանջայ Դատը նկարահանվել է 1981 թվականին՝ «Ռոկի» կինոնկարում, որի սցենարը հատուկ գրվել էր Սանջայ Դատի կինոդեբյուտի համար։ Այդ ֆիլմի հետ մեծ հույսեր էին կապում, սակայն այն հաջողություն չունեցավ։ 1986 թվականին Սանջայ Դատը նկարահանվեց Մահեշ Բհատի «Անուն» կինոնկարում, որը նրան հանրաճանաչ դարձրեց։ Այնուհետև ի հայտ եկան նոր դերեր, որոնք բավականին հաջողված էին։ Այդպիսի ֆիլմերից էին «Հետապնդում» (1991 թ.) և «Իմ սիրելին» (1991 թ.) կինոնկարները։

1993 թվականին Մավրիկիոսում նկարահանվող «Վրեժխնդրություն» ֆիլմի նկարահանումների ժամանակ Սանջայ Դատին մեղադրանք առաջադրվեց ապօրինի զենք պահելու համար (ինքնաձիգ ԱԿ-47 և ատրճանակ), որը նա ձեռք էր բերել 1993 թվականին Բոմբեյում տեղի ունեցած պայթյունների կազմակերպիչներից մեկից՝ Աբու Սալեմից։ Սանջայ Դատը վստահեցնում էր, որ այդ զենքերը գնել է ինքնապաշտպանության համար։ Դատարանը մի քանի անգամ գործը վերանայել է, որը սկզբնական շրջանում Սանջայ Դատին թույլ էր տալիս շարունակել աշխատանքը կինոնկարահանման հրապարակում։ Սակայն 2005 թվականին դատարանն այնուամենայնիվ նրան մեղավոր ճանաչեց և դատապարտեց վեց տարվա ազատազրկման։ 18 ամիս մնալով կալանավորված, 2007 թվականին Սանջայ Դատն ազատ արձակվեց՝ համապատասխան գրավի դիմաց։

2013 թվականին Հնդկաստանի գերագույն դատարանը վերանայել է վճիռը և Սանջայ Դատի պատժաչափը կրճատել մինչև հինգ տարի և որոշում կայացրել, որ մեկ ամսվա ընթացքում դերասանը պետք է վերադառնա բանտ և կրի պատժի մնացած մասը՝ երեք ու կես տարի։ Այդ նորությունը հասարակության մեջ առաջացրեց շարժում, որտեղ մի մասը պնդում էին նրան ներում շնորհել, իսկ մի մասը դեմ էին ներում շնորհելուն։

2009-2010 թվականներին Սանջայ Դատը փորձեց զբաղվել քաղաքականությամբ և դարձավ սոցիալիստական ուղղվածություն ունեցող Samajwadi Party կուսակցության գլխավոր քարտուղար։ Սակայն շուտով հիասթափվեց և լքեց քաղաքականությունը։ 2012 թվականին նա սկսեց ներդրումներ կատարել Հնդկաստանում ընդհանուր մարտարվեստների զարգացման գործում։

Սանջայ Դատի կերտած լավագույն կերպարներից կարելի է առանձնացնել «Չարագործը» (1993 թ.), «Գեղեցկուհին» (1999 թ.), «Չհորինված պատմություն» (1999 թ.), «Եղբայր Մուննան. Երջանկություն վաճառողը» (2003 թ.) և այլ ֆիլմերում կատարած նրա դերերը։

Անձնական կյանքը

Առաջին անգամ Սանջայ Դատը ամուսնացել է 1986 թվականին՝ դերասանուհի Ռիչա Շարմայի հետ։ Այդ ամուսնությունից նա ունի մեկ դուստր։ 1996 թվականին Ռիչան մահացել է գլխուղեղի ուռուցքից։ Դստեր խնամակալությունը հանձնվել է հանգուցյալ կնոջ ծնողներին։ 1998 թվականին Սանջայ Դատը ամուսնացել է ֆոտոմոդել Ռհեա Պիլաիի հետ։ 2005 թվականին նրանք ամուսնալուծվել են։ 2008 թվականին Սանջայ Դատն ամուսնացել է դերասանուհի Մանյատայի հետ։ 2010 թվականին նրանք դարձել են երկվորյակ երեխաների ծնողներ՝ մեկ որդի և մեկ դուստր։

Մասնակի ֆիլմագրությունը

Թվական	Անվանում	Բնօրինակ անվանում	Կերպար
1972	Ռեշման և Շերան	Reshma Aur Shera	-
1981	Ռոկի	Rocky	Ռակեշ, Ռոկի Դ'Սուզա
1982	Ես քեզ սիրում եմ Ջոնի	Johny I Love You	Ռաջու Սինգհ, Ջոնի
1982	Ամենազորը	Vidhaata	Կունալ Սինգհ
1984	Սիրո մեծ ուժը	Zameen Aasmaan	-
1984	Արդարադատություն	Mera Faisla	Ռաջ Սաքսենա
1985	Երկու սրտերի պատմությունը	Do Dilon Ki Dastaan	Վիջայ Կումար Սաքսենա
1985	Պատժել մարդասպանին	Jaan Ki Baazi	-
1986	Անուն	Naam	Վիկի Կապուր
1986	Ջիվա	Jeeva	Ջիվա, Ջիվան Թհակուր
1986	Իմ իրավունքը	Mera Haque	արքայազն Ամար Սինգհ
1987	Ազնիվը	Imaandaar	Ռաջեշ
1987	Պարգևատրումը` 10 000	Inaam Dus Hazaar	Կամալ Մալհոտրա
1987	Գոյություն	Naam O Nishan	տեսուչ Սուրաջ Սինգհ
1988	Տղամարդկային զրույց	Mardon Wali Baat	Տինկու
1988	Անխուսափելի հատուցում	Khatron Ke Khiladi	Ռաջեշ
1988	Սիրո թշնամին	Mohabbat Ke Dushman	Հաշիմ
1988	Զավթում	Kabzaa	Ռավի Վարմա
1988	Երեք ընկեր	Jeete Hain Shaan Se	Գովինդա
1989	Երկու կալանավոր	Do Qaidi	Մանու
1989	Թաղամաս	Ilaaka	տեսուչ Սուրաջ Վերմա
1989	Վրեժ` օրենքի անունից	Kanoon Apna Apna	Ռավի Կումար Սինգհ
1989	Զենք	Hathyar	Ավինաշ
1989	Սատանայից ուժեղ	Taaqatwar	տեսուչ Ամար Շարմա
1990	Թունավորը	Zahreelay	Ռակեշ Ռայ
1990	Վիրավորանք	Kroadh	Վիջայ (Մուննա) Շուկլա
1990	Ոստիկանության տեսուչը	Thanedaar	Բրիջեշ Չանդար (Բիջու)
1990	Հանցագործը	Khatarnaak	Սուրաջ (Սաննի)
1991	Արյան պարտքը	Khoon Ka Karz	Արջուն
1991	Սեր և մահ	Do Matwale	Աջայ (Ջեյմս Բոնդ 009)
1991	Իմ սիրելին	Saajan	Աման Վերմա, Սագար
1991	Հետապնդում	Sadak	Ռավի
1991	Մարտիկը	Yodha	Սուրաջ Սինգհ
1991	Հաղթանակ	Fateh	Կարան
1991	Փողոցային երգիչը	Qurbani Rang Layegi	Ռաջ Կիշան
1992	Երկպառակչական պատերազմ	Adharm	Վիկի Վերմա
1992	Երկու սիրահարներ	Sahebzaade	Ռաջա
1992	Ոչ այս աշխարհից	Sarphira	Սուրեշ Սինհա
1992	Սիրո մեծությունը	Yalgaar	Վիշալ Սինգհալ
1993	Զինակիրը	Kshatriya	Վիկրամ Սինգհ
1993	Ճանապարհից շեղվածը	Gumrah	Ջագան Նաթհ
1993	Չարագործը	Khal Nayak	Բալառամ Պրասադ
1993	Սահիբան	Sahibaan	Կունվար Վիջայ Պալ Սինգհ
1994	Ինքնակոչը	Zamane Se Kya Darna	Վիկրամ Սինգհ
1994	Վրեժխնդրություն	Aatish: Feel the Fire	Բաբա
1994	Բարի սիրտը	Amaanat	Վիջայ
1995	Պայքար	Andolan	Ադարշ Պրադհան
1995	Կեցցե Վիկրանտան	Jai Vikraanta	Վիկրանտա Սինգհ
1997	Նախկին ընկերները	Mahaanta: The Film	Սանջայ Մալհոտրա
1997	Փախուստ	Daud: Fun on the Run	Նանդու
1997	Տաս	Dus	կապիտան Ռաջա Սեթհի
1997	Դրախտային կղզին	Sanam	Նարենդրա Անանդ
1998	Մոլագարը	Dushman	մայոր Սուրաջ Սինգհ Ռաթհոդ
1999	Ապաշխարանք	Daag: The Fire	կապիտան Կարան Սինգհ
1999	Գնդակ	Kartoos	Ռաջա, Ջիտ Բալռաջ
1999	Սաֆարի	Safari	Կիշան Ջատին Կհաննա
1999	Չհորինված պատմություն	Vaastav: The Reality	Ռագհունաթհ Նամդև Շիվալկար
1999	Գեղեցկուհին	Khoobsurat	Սանջայ Շաստրի
2000	Պատահական վկան	Khauff	Բաբու
2000	Ճակատագիր	Baaghi	Ռաջա
2000	Մրցակից եղբայրներ	Chal Mere Bhai	Վիկի Օբերոյ
2000	Կյանք կյանքի դիմաց	Jung	Բալի
2000	Առաքելություն` «Քաշմիր»	Mission Kashmir	Ինայատ Խան
2000	Չխոնարհվողը	Kurukshetra	Պրիտհվիռաջ Սինգհ
2000	Հորեղբայր Ռաջուն	Raju Chacha	Գաֆուր
2001	Փառահեղ զույգը	Jodi No.1	Ջայ
2002	Հայրը	Pitaah	Ռուդրա
2002	Մեզ չեն հասնի	Hum Kisi Se Kum Nahin	Մուննա Բհայ
2002	Ուղևորություն դեպի Լոնդոն	Yeh Hai Jalwa	Շերա
2002	Իմ սիրտը պատկանում է քեզ	Maine Dil Tujhko Diya	Բհայ Ջան
2002	Չհորինված պատմություն 2	Hathyar: Face to Face with Reality	Ռոհիտ Ռագհունաթհ Շիվալկար
2002	Օտար` յուրայինների մեջ	Kaante	Ջայ Ռեհան
2003	Վերահսկման գիծը	LOC: Kargil	Յ. Կ. Ջոշի
2003	Եղբայր Մուննան. Երջանկություն վաճառողը	Munna Bhai M.B.B.S.	Մուրլի Պրասադ Շարմա (Մուննա Բհայ)
2004	Հաջողություն փնտրելիս	Plan	Մուսաբհայ
2004	Սրբազան համայիլ	Rudraksh	Վարուն
2004	Պատ	Deewaar: Let's Bring Our Heroes Home	Խան
2004	Արյան մոգությունը	Rakht	Ռահուլ
2004	Գնալ իր բախտի մոտ	Musafir	Բիլլա
2005	Զգացմունքների խռովք	Shabd	Շաուկատ Վաշիշտ
2005	Տանգո Չարլի	Tango Charlie	Վիկրամ Ռաթհոր
2005	Ամուսնացած կինը	Parineeta	Գիրիշ Շարմա
2005	Х ժամը	Dus	Սիդանթհ Դհիր
2005	Արդարություն գտնել	Viruddh... Family Comes First	Ալի Ասգհար
2005	Հարսանիք համար մեկ	Shaadi No. 1	Լաքհվինդեր Սինգհ Լաքհա
2005	Կյանքն այնքան հիասքանչ է	Vaah! Life Ho Toh Aisi!	Յամառաջ Մ. Ա.
2006	Անցյալի բանտարկյալը	Zinda	Բալաջիտ Ռոյ
2006	Պատմություն` կյանքի տևողությամբ	Anthony Kaun Hai?	վարպետ Մադան
2006	Եղբայր Մուննան 2	Lage Raho Munna Bhai	Մուրլիպրասադ Շարմա (Մուննա Բհայ)
2006	Սահմանին	Sarhad Paar	մայոր Ռանջիտ Սինգհ
2006	Թող այդպես լինի	Tathastu	Ռավի Ռաջպուտ
2007	Էկլավիա - իշխանական պահապան	Eklavya	Պաննալալ Չոհար
2007	Անուղղելի խարդախները	Nehlle Pe Dehlla	Ջոնի
2007	Փոխհրաձգություն Լոկհանդվալում	Shootout at Lokhandwala	Շամշեր Խան
2007	Հարյուր միլիոնի ետևից	Dhamaal	տեսուչ Կաբիր Նայակ
2007	Տաս պատմություն սիրո մասին	Dus Kahaniyaan	Բաբա Հիդերաբադի
2008	Սիրելիս	Mehbooba	Շրավան Դհարիվալ
2008	Առևանգում	Kidnap	Վիկրանտ Ռայնա
2009	Ֆորտունա	Luck	Կարիմ Մուսա
2009	Ամենայն բարիք. Զվարճանքն սկսվում է	All the Best: Fun Begins	Դհարամ Կապուր
2009	Երկնագույն անդունդ	Blue	Սագար Սինգհ
2010	Ակնթարթ	Lamhaa: The Untold Story of Kashmir	Վիկրամ Սաբհարվալ, Գուլ Ջահանգիր
2010	Հեռախոսախցիկ	Knock Out	Վիր Վիջայ Սինգհ
2010	Խաբեության արքան	Tees Maar Khan	պատմող
2010	Խնդիր չկա	No Problem	Յաշ Ամբանի
2011	Կրկնակի զվարճանք	Double Dhamaal	Կաբիր Նայակ
2011	Չատուր Սինգհ` երկու աստղ	Chatur Singh Two Star	Չատուր Սինգհ
2011	Խարդախները	Rascals	Չետան Չուհան
2011	Մուտք գործելու պատահական հնարավորություն	Ra.One	Կհալնայակ
2011	Իսկական հնդկական տղաներ	Desi Boyz	բոս
2012	Բոցավառ ուղի	Agneepath	Կանչա Չինա
2012	Ստորաբաժանում	Department	տեսուչ Մահադև Բհոսլե
2012	Սարդարի որդին	Son of Sardaar	Բիլլու
2013	Ղազիաբադի շրջանը	Zila Ghaziabad	Թհակուր Պրիտամ Սինգհ
2013	Երկուսը մեկում. Ոստիկան և ավազակ	Policegiri	Ռուդրա Ադիտյադևռաջ
2013	Ձգձգված հատուցում	Zanjeer	Շեր Խան
2014	Ոստիկանը	Ungli	տեսուչ Կալի
2014	ՊիԿեյ	PK	Բհայրոն Սինգհ
2017	Բհումի	Bhoomi	Արուն Սաչդևա

Ծանոթագրություններ

Վիքիպահեստն ունի նյութեր, որոնք վերաբերում են «Սանջայ Դատ» հոդվածին։