Սակրամենտո

Վիքիպեդիայից՝ ազատ հանրագիտարանից
Քաղաք
Սակրամենտո
Sacramento
Դրոշ
Flag of Sacramento, California.svg

Sacramento from Riverwalk.jpg
Կոորդինատներ: 38°34′31″ հս․ լ. 121°29′10″ ամ. ե. / 38.57528° հս․. լ. 121.48611° ավ. ե. / 38.57528; 121.48611
Երկիր Ամերիկայի Միացյալ Նահանգներ ԱՄՆ
Նահանգ Կալիֆորնիա
Հիմնադրված է 1848 թ.
Մակերես 259 273 000 square metre
ԲԾՄ 9±1 մետր
Բնակչություն 467 343 մարդ (2007)
Ժամային գոտի UTC-8
Հեռախոսային կոդ 916
Փոստային ինդեքսներ 94203–95899
Պաշտոնական կայք cityofsacramento.org
##Սակրամենտո (ԱՄՆ)
Red pog.png
##Սակրամենտո (Կալիֆորնիա)
Red pog.png

Սակրամենտո (անգլ.՝ Sacramento), քաղաք ԱՄՆ-ի արևմուտքում, Կալիֆոռնիա նահանգի և Սակրամենտո շրջանի մայրաքաղաքը, հիմնադրվել է 1848 թվականի դեկտեմբերին Ջոն Սաթեր-կրտսերի կողմից, ով Շվեյցարիայից ներգաղթյալի որդի էր և առաջինն էր, ով այդ տարածաշրջանում հիմնել է սպիտակամորթների առաջին բնակավայրը։

Պատմություն[խմբագրել | խմբագրել կոդը]

Եվրոպական գաղութացումից առաջ գետահովտի տարածքը բնակեցված է եղել հնդկացիական ցեղերով, ովքեր զբաղվում էին որսորդությամբ և հավաքչությամբ:

1799 թվականին (այլ տեղեկություններով՝ 1808 թվականին) հովիտը հետազոտվել է իսպանացի ճանապարհորդող Գաբրիել Մորագայի կողմից։ Հիացած լինելով բնության գեղեցկությամբ և հարստությամբ, Մորագան բացականչել է «Es como el sagrado sacramento!» («Դա նման է սուրբ ընծայի»), այստեղից էլ առաջացել է բնակավայրի անվանումը[1]:

Մեքսիկայի կառավարությունը, որին ձևականորեն պատկանում էր տարածքը, նրա զարգացմանը ուշադրություն չէր դարձնում։ Արդյունքում 1839 թվականին Լիստալից ներգաղթյալ Ջոն Սաթերը հիմնադրել է առաջին բնակավայրը։

Աշխարհագրություն և կլիմա[խմբագրել | խմբագրել կոդը]

Աշխարհագրական տվյալներ[խմբագրել | խմբագրել կոդը]

ԱՄՆ-ի վիճակագրության բյուրոյի տվյալներին համաձայն, Սակրամենտոն զբաղեցնում է 259 կմ² տարածք, որից 97,81 %-ը զբաղեցնում է ցամաքը, իսկ 2,19 %-ը՝ ջրային տարածքները։

Քաղաքը գտնվում է Սակրամենտո գետի հովտում, Ամերիքան Ռիվեր և Սակրամենտո գետերի միախառնման վայրում, Սիեռա Նևադայի նախալեռներում։ Քաղաքի ամբողջ պատմության ընթացքում ջրհեղեղները լուրջ վտանգ էին ներկայացնում նրա բնակիչների համար, այդ պատճառով Սակրամենտոյի պատմական կենտրոնից դեպի արևմուտք ընկած տարածքը կառուցապատված չէ (կանոնավոր հեղեղումների պատճառով)։ Սակրամենտո քաղաքի արվարձանները ձգվում են 50 կմ դեպի արևելք, մինչև Սիեռա Նևադայի լանջը, և ընդամենը 6 կմ դեպի արևմուտք։

Գրունտային ջրերի մակարդակը հովտում բավականին բարձր է և կազմում է միջինը 9 մ։

Կլիմա[խմբագրել | խմբագրել կոդը]

Սակրամենտոն գտնվում է տիպիկ միջերկրածովյան կլիմայական գոտում (ըստ Կյոպենի կլիմայի դասակարգման՝ Csa), հով, անձրևոտ ձմեռներով և շոգ, չոր ամառներով։ Ձմռանը և վաղ գարնանը հաճախակի լինում են մառախուղներ, այն ժամանակ, երբ հունիսից սեպտեմբեր ընկած ժամանակահատվածում քաղաքը համարվում է ԱՄՆ-ի ամենաարևոտ քաղաքներից մեկը։ Ամռանը, չնայած ուժեղ շոգին, գիշերները միշտ հով է լինում։ Տարվա ընթացքում երբեմն՝ մոտ 2-3 անգամ, ձյուն է տեղում։ Հաճախ են ցրտահարությունները:

Nuvola apps kweather.svg Ջերմաստիճանի և տեղումների տարեկան միջին ցուցանիշները Սակրամենտո
Ամիս հունվ փետ մարտ ապր մայ հուն հուլ օգոս սեպ հոկ նոյ դեկ տարին
բացարձակ առավելագույնը (°C) 23,3 24,4 31,1 35,0 40,6 46,1 45,6 43,3 42,2 40,0 30,6 22,8 46,1
միջին առավելագույնը (°C) 12,1 15,7 18,4 21,7 26,6 30,6 33,4 32,9 30,7 25,3 17,7 12,2 23,1
միջին ջերմաստիճանը (°C) 7,9 10,4 12,6 14,8 18,6 21,9 24,0 23,7 21,9 17,7 11,8 7,9 16,1
միջին նվազագույնը (°C) 3,8 5,2 6,7 7,9 10,6 13,2 14,7 14,4 13,2 10,1 6,0 3,6 9,1
բացարձակ նվազագույնը (°C) -6,7 -5,0 -3,3 -0,6 1,1 5,0 8,9 8,9 5,6 1,7 -3,3 -7,8 -7,8
տեղումների քանակը (մմ) 93 88 70 29 17 5 0 1 7 24 53 83 470
Աղբյուր՝ Եղանակ և կլիմա

Բնակչություն[խմբագրել | խմբագրել կոդը]

2014 թվականի դրությամբ բնակչությունը կազմում էր 485 199 մարդ (6-րդ խոշոր քաղաքը Կալիֆոռնիայում)[2]: Բնակչության խտությունը կազմում էր 1800 մարդ/կմ²: 2012 թվականին բնակչությունը կազմում էր 477 891 մարդ (36-րդը Կալիֆոռնիայում, 35-րդը ԱՄՆ-ում)։ Առկա էր 174 624 տնային տնտեսություն և 103 730 ընտանիք։

Բնակչության ռասայական կազմը հետևյալն է՝

Քաղաքի բնակչության գրեթե ¼-րդը (22,6 %) կազմում են մեքսիկացիները: Սակրամենտոյի չինական համայնքը համարվում է ԱՄՆ-ի ամենահներից մեկը։ Նրա մեծ մասը կազմավորվել է Ափիոնային առաջին պատերազմի ժամանակ։

Քաղաքային կառավարում և քաղաքականություն[խմբագրել | խմբագրել կոդը]

Քաղաքային կառավարումն իր մեջ ներառում է քաղաքապետին և մունիցիպալ խորհուրդը։ Քաղաքապետն ընտրվում է համաքաղաքային ընտրությունների միջոցով։ Սակրամենտոյի Մունիցիպալ խորհուրդը բաղկացած է ութ անդամներից, որոնք ընտրվում են ըստ քաղաքի շրջանների։

Սակրամենտո քաղաքի կենտրոնի համայնապատկերը

Մշակույթ և տեսարժան վայրեր[խմբագրել | խմբագրել կոդը]

Սակրամենտոյում է գտնվում աշխարհի ամենամեծ երկաթուղային թանգարանը՝ «The California State Railroad Museum», ինչպես նաև Կրոկերի գեղարվեստական թանգարանը: Սակրամենտոն ունի իր սեփական բալետի խումբը, սինֆոնիկ նվագախումբ և մի քանի թատրոն: Քաղաքն ունի 80 զբոսայգի: Դրանցից ամենամեծը «William Land Park» զբոսայգին է, զբաղեցնում է 96 հա տարածք և ներառում է գոլֆի համար դաշտեր և կենդանաբանական այգի, որտեղ հավաքված են 450 տեսակի զանազան կենդանիներ և թռչուններ:

Սպորտ[խմբագրել | խմբագրել կոդը]

Քաղաքում է տեղակայված «Սակրամենտո Քինգս» բասկետբոլային ակումբը, որը հանդես է գալիս Բասկետբոլի ազգային ասոցիացիայում:

Քույր-քաղաքներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Cathedral of the Blessed Sacrament – Sacramento, California»։ Cathedralsacramento.org։ November 11, 2012։ Վերցված է November 16, 2012 
  2. «American FactFinder – Results»։ United States Census Bureau։ Վերցված է May 23, 2015 

Արտաքին հղումներ[խմբագրել | խմբագրել կոդը]