Որսորդները ձյան վրա

Վիքիպեդիայից՝ ազատ հանրագիտարանից


Որսորդները ձյան վրա
Jagers in de Sneeuw
Pieter Bruegel d. Ä. 106.jpg
Պիտեր Բրեյգել Ավագ, 1565
յուղաներկ տախտակի վրա
117 x 162 սմ
Վիենայի արվեստի պատմության թանգարան

Որսորդները ձյան վրա (հոլ.՝ Jagers in de Sneeuw), ֆլամանդացի նկարիչ Պիտեր Բրեյգել Ավագի 1565 թվականի գեղանկարն է։ Նկարված է յուղաներկով փայտի վրա։ Նկարչի «Տասներկու ամիսներ» շարքից պահպանված վեց ստեղծագործություններից մեկն է։ Այժմ գտնվում է Վիենայի արվեստի պատմության թանգարանում։

Ստեղծագործության նկարագիրը[խմբագրել | խմբագրել կոդը]

Նկարի վերևի աջ անկյունում պատկերված են ծառերի մերկ ճյուղեր, որի միջոցով ստեղծվել են բարդ նախշեր։ Այդ ճյուղերը կարծես սև սարդոստայն լինեն և շատ գեղեցիկ համադրված են երկնքի հետ։ Ձյունը, որն իջել է ճյուղերի վրա, նկարչին թույլ է տալիս նկարին հաղորդել հետաքրքիր փայլ, իսկ ճյուղերի վրա նստած ճնճղուկները ոչ միայն կենդանացնում են ձյունը, այլև ունեն կոմպոզիցիոն դեր։ Հետին պլանում՝ սառույցի վրա երևվում են մարդկանց փոքր ֆիգուրներ, որոնք զբաղված են գեղասահքով։ Մյուսները՝ խաղերով։ Պանդոկի ելքի վերևում կախված է մի թուղթ, որտեղ պատկերված է ծնկաչոկ մի մարդ։ Հնարավոր է դա Սուրբ Հուբերտն է՝ որսորդների հովանավորը։ Այս դեպքում տվյալ դետալը հիշեցնում է նրա մասին, որ ամենօրյա գործերից բացի չպետք է մոռանալ քրիստոնեական պարտականությունների մասին։ Հեռվում, սարերի սառցե բարձունքներում, նկարիչը առաջարկում է դիտել լանջերը, որտեղ բարձրացել են որսորդները։ Տան մոտ վառված է մի կրակ, որի վրա խոզ են խորովում։ Մորթում են տնային խոզին, ձմեռվա օրվա ֆոնի վրա, այդ ժամանակի գեղանկարչության ավանդական թեման է։ Բրեյգելը մեղմացնում է այդ դետալը նկարելով քիչ արյունալի։ Նկարված է տաք կրակը թռնող, կարմրավուն և ոսկեգույն կայծերով։ Ամբողջ նկարի կոմպոզիցիոն կենտրոնը ծառերի արանքից երևացող որսորդներն են և նրանց շները։ Շները նույնիսկ այստեղ՝ անտառից դուրս, ագահաբար հոտոտում են։ Ներքևում պատկերված են ձյունածածկ տներ։[1]։

Դետալներ[խմբագրել | խմբագրել կոդը]

Որսորդներ[խմբագրել | խմբագրել կոդը]

Նիզակներով և շների օգնությամբ որսում էին ոչ միայն վայրի թռչուններ և մանր կենդանիներ, այլև վարազ, եղնջերու և արջ, բայս նկարում օրվա որսը աղվես է։ Միջնադարում որսի սեզոնը հաճախ զուգորդվում էր դեկտեմբեր և հունվար ամիսների հետ[2]։

Խարույկ[խմբագրել | խմբագրել կոդը]

Գյուղացիները խրույկ են վառել և խոզի միս են ապխտում։ Սրանով սովորաբար զբաղվում էին դեկտեմբերին։ Նոյեմբերին խոզերին լավ կերակրելուց հետո, դեկտեմբերին մորթում էին և ապխտում[2]։

Արձագանքը մշակույթում[խմբագրել | խմբագրել կոդը]

«Տասներկու ամիսներ» շարքը[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Kemp Martin (December 2008)։ «Looking at the face of the Earth»։ Nature 456 (18): 876։ doi:10.1038/456876a  (անգլ.)
  2. 2,0 2,1 "Охотники на снегу" Брейгеля: 9 интересных фактов