Մեդեա Ամիրանաշվիլի

Մեդեա Ամիրանաշվիլի
Ծնվել է	սեպտեմբերի 10, 1930; Շորապան, ԱԽՖՍՀ, ԽՍՀՄ կամ Թիֆլիս, ԱԽՖՍՀ, ԽՍՀՄ
Երկիր	ԽՍՀՄ և Վրաստան
Մահացել է	դեկտեմբերի 2, 2023 (93 տարեկան)
Գերեզման	Դիդուբեի պանթեոն
Մասնագիտություն	օպերային երգչուհի, երաժշտության ուսուցիչ և երգչուհի
Երգչաձայն	սոպրանո
Գործիքներ	վոկալ
Աշխատավայր	Թբիլիսիի Վանո Սարաջիշվիլիի անվան պետական կոնսերվատորիա
Կրթություն	Թբիլիսիի Վանո Սարաջիշվիլիի անվան պետական կոնսերվատորիա
Պարգևներ	; և Վրացական ԽՍՀ ժողովրդական արտիստ

Մեդեա Ամիրանաշվիլի (վրաց.՝ მედეა ამირანაშვილი , սեպտեմբերի 10, 1930(1930-09-10)^[1], Շորապան, ԱԽՖՍՀ, ԽՍՀՄ և Թիֆլիս, ԱԽՖՍՀ, ԽՍՀՄ - դեկտեմբերի 2, 2023(2023-12-02)), վրացի օպերային երգչուհի (քնարական սոպրանո), մանկավարժ։ ԽՍՀՄ ժողովրդական արտիստ (1976)։

Կենսագրություն

Մեդեա Ամիրանաշվիլին ծնվել է 1930 թվականի հոկտեմբերի 10-ին Վրաստանի Շորապանի գյուղում (այժմ՝ Իմերեթի մարզ, Վրաստան, այլ տվյալներով՝ ծնվել է Թբիլիսիում), օպերային երգիչ, ԽՍՀՄ ժողովրդական արտիստ Պետրե Ամիրանաշվիլու և երգչուհի Նադեժդա Ցոմայայի ընտանիքում^[2]։

1953 թվականին ավարտել է Թբիլիսիի կոնսերվատորիան, որտեղ սովորել է Ալեքսանդր Ինաշվիլու և Օլգա Շուլգինա-Բախուտաշվիլու մոտ։ 1951 -1954 թվականներին եղել է կոնսերվատորիային կից օպերային ստուդիայի մենակատար։

1954 թվականից Մեդեա Ամիրանաշվիլին եղել է Թբիլիսիի Զ. Փալիաշվիլու անվան օպերայի և բալետի թատրոնի մենակատար։

Մեդեա Ամիրանաշվիլին համերգներում ելույթ է ունեցել նաև որպես կամերային երգչուհի։

Համերգային շրջագայություններով մեկնել է Լեհաստան, Չեխոսլովակիա, Ռումինիա, ԳԴՀ, Հունգարիա, Բուլղարիա, Ավստրալիա, Նոր Զելանդիա, Ֆրանսիա, Կանադա^[2]։

1972 թվականից դասավանդել է Թբիլիսիի կոնսերվատորիայում (1982 թվականից՝ պրոֆեսոր)։

1991-2006 թվականներին եղել է Քութայիսի օպերային թատրոնի գեղարվեստական ղեկավար։

Մեդեա Ամիրանաշվիլին եղել է Վրացական ԽՍՀ Գերագույն խորհրդի 7-րդ գումարման պատգամավոր։

Ընտանիք

Հայրը՝ Պետրե Ամիրանաշվիլի (1907-1976), օպերային երգիչ, ԽՍՀՄ ժողովրդական արտիստ (1950)
Մայրը՝ Նադեժդա Ցոմայա (1904-1973), օպերային երգչուհի, Վրացական ԽՍՀ ժողովրդական արտիստ (1943)
Ամուսինը՝ Օթար Պարուլավա, քանդակագործ
Դուստր՝ Մարինե Պարուլավա, երգչուհի

Կոչումներ և մրցանակներ

Վոկալիստների Մ. Գլինկայի անվան համամիութենական մրցույթի մրցանակակիր (2-րդ մրցանակ, 1960)
Մադամ Բատերֆլայի դերերգի լավագույն կատարման միջազգային մրցույթի մրցանակակիր (3-րդ մրցանակ, 1970, Օսակա)
Վրացական ԽՍՀ ժողովրդական արտիստ (1965)
ԽՍՀՄ ժողովրդական արտիստ (1976)^[2]^[3]
Վրացական ԽՍՀ Զ. Փալիաշվիլու անվան պետական մրցանակ (1971)
«Պատվո նշան» շքանշան
Զուրաբ Անջափարիձեի անվան մրցանակ
Քութայիսի պատվավոր քաղաքացի^[4]

Դերերգեր

«Դաիսի», Զաքարիա Փալիաշվիլի - Մարո^[2]
«Աբեսալոմ և Էթերի», Զաքարիա Փալիաշվիլի - Էթերի, Մարիխա
«Մինդիա», Օթար Թաքթաքիշվիլի - Մզիա
«Եվգենի Օնեգին», Պյոտր Չայկովսկի - Տատյանա
«Իոլանտա», Պյոտր Չայկովսկի - Իոլանտա
«Պիկովայա դամա», Պյոտր Չայկովսկի - Լիզա
«Տրավիատա», Ջուզեպպե Վերդի - Վիոլետա
«Տրուբադուր», Ջուզեպպե Վերդի - Լեոնորա
«Աիդա», Ջուզեպպե Վերդի - Աիդա
«Օթելլո», Ջուզեպպե Վերդի - Դեզդեմոնա
«Դոն Կառլոս», Ջուզեպպե Վերդի - Ելիզավետա
«Բոհեմ», Ջակոմո Պուչչինի - Միմի
«Մադամ Բատերֆլայ», Ջակոմո Պուչչինի - մադամ Բատերֆլայ
«Ֆաուստ», Շառլ Գունո - Մարգարիտա
«Նանա», Ռ. Գաբիչվաձե - Նանա
«Լելա», Ռևազ Լագիձե - Լելա
«Ալեկո», Սերգեյ Ռախմանինով - Զեմֆիրա
«Լոենգրին», Ռիխարդ Վագներ - Էլզա
«Պայացներ», Ռուջերո Լեոնկավալո - Նեդա

Ֆիլմագրություն

1966 - «Աբեսալոմ և Էթերի» - Էթերիի դերերգը
1971 - «Դաիսի» - Մարոյի դերերգը
1983 - «Ռատիլի» - օպերային արիաներ

Ծանոթագրություններ

1 2 საქართველოს ბიოგრაფიული ლექსიკონი (վրաց.) — 2001.
1 2 3 4 Музыкальная энциклопедия. Гл. ред. Ю. В. Келдыш. Том 1. А — Гонг. 1072 стб. с илл. М.: Советская энциклопедия, 1973 год
↑ Большая Российская энциклопедия: В 30 т. / Председатель науч.-ред. совета Ю. С. Осипов. Отв. ред С. Л. Кравец. Т. 1. А - Анкетирование. - М.: Большая Российская энциклопедия, 2005. - 766 с.: ил.: карт. (стр 616)
↑ «Победившая соловья (Медея Амиранашвили)». Արխիվացված է օրիգինալից 2014 թ․ ապրիլի 29-ին. Վերցված է 2015 թ․ հոկտեմբերի 31-ին.

[_d6babd81ac66b09c-1] 1 2 საქართველოს ბიოგრაფიული ლექსიკონი (վրաց.) — 2001.

[me1-2] 1 2 3 4 Музыкальная энциклопедия. Гл. ред. Ю. В. Келдыш. Том 1. А — Гонг. 1072 стб. с илл. М.: Советская энциклопедия, 1973 год

[bre1-3] Большая Российская энциклопедия: В 30 т. / Председатель науч.-ред. совета Ю. С. Осипов. Отв. ред С. Л. Кравец. Т. 1. А - Анкетирование. - М.: Большая Российская энциклопедия, 2005. - 766 с.: ил.: карт. (стр 616)

[4] «Победившая соловья (Медея Амиранашвили)». Արխիվացված է օրիգինալից 2014 թ․ ապրիլի 29-ին. Վերցված է 2015 թ․ հոկտեմբերի 31-ին.

[1]

[2]

[3]

[4]