Jump to content

Ռևազ Լագիձե

Վիքիպեդիայից՝ ազատ հանրագիտարանից
Ռևազ Լագիձե
Բնօրինակ անունվրաց.՝ რევაზ ლაღიძე
Ծնվել էհուլիսի 10, 1921(1921-07-10)[1]
Բաղդաթ, Իմերեթի մարզ, Վրաստան
Երկիր ԽՍՀՄ
Մահացել էհոկտեմբերի 16, 1981(1981-10-16)[1] (60 տարեկան)
Թբիլիսի, Վրացական ԽՍՀ, ԽՍՀՄ
ԳերեզմանԴիդուբեի պանթեոն
Մասնագիտությունկոմպոզիտոր և ֆիլմերի երաժշտությունների հեղինակ
Գործիքներջութակ
ԿրթությունԹբիլիսիի Վանո Սարաջիշվիլիի անվան պետական կոնսերվատորիա
Պարգևներ
 Revaz Lagidze Վիքիպահեստում

Ռևազ (Ռեզո) Իլյայի Լագիձե (վրաց.՝ რევაზ ლაღიძე, 10 հուլիսի, 1921, Բաղդաթի, Քութայիսի շրջան - 16 հոկտեմբերի, 1981, Թբիլիսի, Վրացական ԽՍՀ), վրացի կոմպոզիտոր։ Վրացական ԽՍՀ արվեստի վաստակավոր գործիչ (1958), Վրացական ԽՍՀ ժողովրդական արտիստ (1961)[2]։

Կենսագրություն

[խմբագրել | խմբագրել կոդը]

Ռևազ Լագիձեն ծնվել է 1921 թվականի հուլիսի 10-ին Վրաստանի Քութայիսի շրջանի Բաղդաթի գյուղում[2]։

1948 թվականին ավարտել է Թբիլիսիի կոնսերվատորիայի կոմպոզիցիայի դասարանը։ Եղել է Անդրեյ Բալանչիվաձեի աշակերտը։ Ստեղծագործական գործունեությունն սկսել է 1940 թվականին։ Կինոյում նրա առաջին աշխատանքը եղել է 1951 թվականին նկարահանված «Տասնմեկ գագաթների գրոհը» վավերագրական ֆիլմը։

1941-1945 թվականներին եղել է Վրաստանի ֆիլհարմոնիայի սիմֆոնիկ նվագախմբի ջութակահար, իսկ 1945-1949 թվականներին որպես ջութակահար աշխատել է Վրացական ռադիոյի սիմֆոնիկ նվագախմբում։ 1962 թվականից եղել է Թբիլիսիի մանկավարժական ինստիտուտի երաժշտության ամբիոնի վարիչ։

1964 թվականից դասավանդել է Թբիլիսիի կոնսերվատորիայում։

Ռևազ Լագիձեի ստեղծագործությունների մեջ մեծ տեղ են գրավում երգերը։ Բանաստեղծ Պյոտր Գրուզինսկու հետ համագործակցությամբ գրել է հանրահայտ «Թբիլիսո» երգը։ Գրել է երաժշտական կատակերգություններ, սիմֆոնիկ ու կամերային-գործիքային ստեղծագործություններ։ Ստեղծել է նաև դաշնամուրային պիեսներ, ռոմանսներ, բեմադրությունների ու ֆիլմերի երաժշտություն։

Ռևազ Լագիձեն գրել է «Լելա» օպերան (առաջին անգամ բեմադրվել է 1973 թվականին Մեդեա Ամիրանաշվիլու, Զուրաբ Անջափարիձեի, Տարիել Չիչինաձեի, Շոթա Չանկվետաձեի, Էլզա Գարսևանիշվիլու մասնակցությամբ)։

Ռևազ Լագիձեն մահացել է 1981 թվականի հոկտեմբերի 16-ին Թբիլիսիում։

Մրցանակներ

[խմբագրել | խմբագրել կոդը]
  • 1975 - Վրացական ԽՍՀ պետական մրցանակ «Լելա» օպերայի համար
  • 1967 - Վրացական ԽՍՀ Լենինյան կոմերիտմիության մրցանակ[2]

Հիշատակ

[խմբագրել | խմբագրել կոդը]
  • Թբիլիսիի երաժշտական դպրոցներից մեկը կրում է Ռևազ Լագիձեի անունը,
  • Թբիլիսի մանկավարժական ինստիտուտում, որտեղ Ռևազ Լագիձեն դասավանդել է շուրջ 20 տարի, սահմանվել է նրա անվան մրցանակ։

Ստեղծագործություն

[խմբագրել | խմբագրել կոդը]

Գրել է հետևյալ ֆիլմերի երաժշտությունը.

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Երաժշտություն (ֆր.)
  2. ↑ 2,0 2,1 2,2 Ռևազ Լագիձեն kino-teatr.ru կայքում

Արտաքին հղումներ

[խմբագրել | խմբագրել կոդը]
Ստացված է «https://hy.wikipedia.org/w/index.php?title=Ռևազ_Լագիձե&oldid=7852626» էջից