Ավտոցուցասրահը (նաև՝ ավտոսրահ, մեքնայի ցուցադրություն) ներկայիս ավտոմոբիլային մոդելների, առաջին անգամ ներկայացվող և կոնցեպտային մեքենաների կամ արդեն արտադրությունից դուրս եկած դասական մեքենաների հանրային ցուցահանդես է: Ամենահեղինակավոր հինգ ավտոցուցահանդեսները, որոնք երբեմն կոչվում են «Մեծ հնգյակ», անցկացվում են Ֆրանկֆուրտում, Ժնևում, Դեթրոյթում, Փարիզում և Տոկիոյում[1]:
Տոկիոյի ավտոցուցասրահ (հոկտեմբեր-նոյեմբեր), այստեղ ցուցադրությունները տեղի են ունենում երկու տարին մեկ հոկտեմբեր-նոյեմբեր ամիսներին Տոկիոյի միջազգային ցուցահանդեսային կենտրոնում ( անգլ.՝Tokyo International Exhibition Center ) ավտոմեքենաների, մոտոցիկլետների և առևտրային տրանսպորտային միջոցների համար: Լինելով Ճապոնիայի ավտոմոբիլային արդյունաբերողների ասոցիացիայի (անգլ.՝ Japan Automobile Manufacturers Association (JAMA) վերահսկողության տակ, ցուցահանդեսը Ավտոմոբիլային արդյունաբերողների միջազգային կազմակերպության (ֆրանս.՝ Organisation Internationale des Constructeurs d'Automobiles) կողմից ճանաչվել է միջազգային ցուցահանդես: Այստեղ սովորաբար, ավելի շատ կոնցեպտային մեքենաներ կարելի է տեսնել, քան իրական արտադրության մեքենաներ, ինչը և պատճառ հանդիսացավ, որ ավտո մամուլը Տոկիոյի ավտոցուցասրահը տեսնի «Մեծ հնգյակ» կազմում (Դեթրոյթի, Ժնևի, Ֆրանկֆուրտի և Փարիզի հետ միասին)[3]:Տոկիոյի ավտոցուցասրահ 2019[4]Ցուցադրությունը ի սկզբանե կոչվում էր All Japan Motor Show, այն առաջին անգամ անցկացվել է Hibiya Park կոչվող բացօթյա վայրում, ցուցադրությունը հաջողված համարվեց տասն օրվա ընթացքում 547,000 այցելուով և 254 ցուցահանդեսով,ցուցադրելով 267 մեքենա[5], բայց 267-ից միայն 17-ն էին ուղևորատար ավտոմեքենաներան, գերակշռում էին առևտրային տրանսպորտային միջոցները: 1958-ին Hibiya Park- ի հարևանությամբ մետրոյի և ստորգետնյա կայանատեղիի կառուցման պատճառով ցուցադրությունը տեղափոխվեց KorakuenBicycle Racing Track[5]: 1959 թ.-ին միջոցառումը տեղափոխվեց իր նորաբաց «Հարիումի» ցուցասրահ, որը երեք անգամ գերազանցում էր իր նախորդ տեղը: 1962-ի ցուցադրությունը ավելի քան 1 միլիոն այցելու ներգրավեց 284 ցուցահանդեսներից 410 մեքենաներ դիտելու համար[5]:
Ֆրանկֆուրտի ավտոսրահը (սեպտեմբեր, երկամյա), Գերմանիայի միջազգային ավտոսրահը (անգլ.՝International Motor Show Germany ) կամ պարզապես միջազգային ավտոսրահը, որը Գերմանիայում հայտնի է որպես Միջազգային ավտոմոբիլային ցուցահանդես (գերմ.՝Internationale Automomobil-Ausstellung, անգլ.՝ IAA - International Automobile Exhibition), աշխարհում ամենամեծ ավտոսրահն է: [10] Այն անցկացվում է ամեն տարի, երբ չհամարակալված տարիների ուղևորատար տրանսպորտային միջոցները (ներառյալ որոշ մոտոցիկլետներ) ցուցադրվում են Ֆրանկֆուրտում, իսկ Հանովեր քաղաքում ուցադրվում են նույնիսկ համարակալված տարիների առևտրային տրանսպորտային միջոցներ: Մինչև 1991 թվականը, ցուցադրությունը անցկացվում էր բացառապես Ֆրանկֆուրտում: 2021-ի և դրանից հետո ցուցադրությունը կանցկացվի Մյունխենում:Միջազգային ավտոմոբիլային ցուցահանդես, Գերանիա 2015թ.Միջազգային ավտոմոբիլային ցուցահանդես կազմակերպվում է Գերմանիայի ավտոմոբիլային արդյունաբերության ասոցիացիայի կողմից (գերմ.՝ Verband der Automobilindustrie, անգլ.՝ VDA - Association of the German Automotive Industry) և վերահսկվում է Մարդատար ավտոմեքենաների արտադրողների միջազգային կազմակերպության (ֆրանս.՝Organisation Internationale des Constructeurs d'Automobiles) կողմից: Նախկինում Ֆրանկֆուրտում ցուցադրությունը գրավում էր տասներկու շենք: 2019 թվականը համարվում է այն տարին, որ Միջազգային ավտոմոբիլային ցուցահանդեսը Ֆրանկֆուրտում անցկացվեց վերջին անգամ[11]: Անցած մի քանի տարիներին ավելի ու ավելի շատ արտադրողներ դուրս եկան Միջազգային ավտոմոբիլային ցուցահանդեսից կամ մեծապես կրճատեցին իրենց ներկայությունը:Ապրանքանիշերը որոնք մասնագիտանում են բարձր արտադրողականության և շքեղ տրանսպորտային միջոցների ոլորտում, ինչպիսիք են Aston Martin-ը, Bentley-ն, Bugatti-ն, Ferrari-ն և Rolls-Royce-ը, որոնք Միջազգային ավտոմոբիլային ցուցահանդեսի հիմնական ամենամեծ խաղաքարտերն էին, բացակայում էին նախորդ մի քանի ցուցահանդեսներից: BMW- ն իջեցրել էր իր ներկայությունը 11000-ից մինչև 3000 քմ[12]: Վերջին մի քանի ցուցահանդեսներում այցելուների արագորեն նվազող թիվը արտացոլում էր սարսափելի վիճակը, բացի դրաից Ֆրանկֆուրտում տեղի ունեցող խառնափոթը՝ բնապահպան ցուցարարների արգելափակել չկարողանալը, նույնպես ունեցավ իր հետևանքները: Այսպիսով 2020թ.-ի մարտի 3-ին Գերմանիայի ավտոմոբիլային արդյունաբերության ասոցիացիան որոշեց ավտոցուցահանդեսը այսուհետ անցկացնել Մյունքենում [13]:
Ժնևի միջազգային ավտոսրահը (Salon International de l'Auto) (մարտ) ամենամյա ավտոցուցասրահ է, որն անցկացվում է մարտին ՇվեյցարիայիԺնև քաղաքում: Ցուցադրությունը տեղի է ունենում «Պալեքսպո»-ում, որը համաժողովային կենտրոն է և գտնվում է Ժնևի Կոինտրինի միջազգային օդանավակայանի կողքին: Ավտոցուցադրությունը կազմակերպվում է Ավտոմոբիլային արդյունաբերողների միջազգային կազմակերպության (ֆրանս.՝ Organisation Internationale des Constructeurs d'Automobiles) կողմից և համարվում է կարևոր միջազգային խոշոր ավտոցուցադրություն[14]: Առաջին անգամ ՝ 1905 թ., ավտոսրահում ներկայացվել են ավտոմեքենաների պատմության մեջ ներքին այրման շարժիչ ունեցող գրեթե բոլոր հիմնական մոդելները, ինչպես նաև դարի սկզբից բենզոլային և գոլորշով աշխատող մեքենաները: Էկզոտիկ սուպեր մեքենաները հաճախ իրենց առաջին ցուցադրությունների ընթացքում գրավում և իրենց կողմն են ձգում բոլորի ուշադրությունը: Ցուցադրության ժամանակ ծանոթանում են ոչ միայն նոր սարքավորումների, տեխնիկական առաջխաղացումների հետ այլև հաստավում են միջազգային գործընկերային կապեր, ինչպես նաև տեղի են ունենում քաղաքական և սոցիալական քննարկումներ: Ժնևի ավտոցուցադրությունը համարվում է խաղադաշտ աշխարհի ավտոարտադրողների համար, սրանով է պայմանավորված,որ Շվեյցարիան չունի իր սեփական ավտո արդյունաբերությունը, աջակցում է ոլորտին:[15]Ժնևի միջազգային ավտոսրահ, 2016թ.Ցուցադրությունը ընդգրկում է հետևյալ ոլորտները.
Մարդատար ավտոմեքենաներ, 3 կամ 4 կամ ավելի անիվավոր:
Էլեկտրական մեքենաներ և այլընտրանքային հզորությամբ մեքենաներ:
Հատուկ արտաքին մետաղական կեղև ավտոմեքենաների, մեքենայի ձևավորման, ինժեներիայի համար:
Փոխարկված մեքենաներ:
Ավտոմեքենաների պարագաներ և մասեր:
Օրիգինալ սարքավորումների արտադրողներ:
Արհեստանոցի տեղադրում՝ ավտոմեքենաների վերանորոգման և սպասարկման համար:
Ավտոմեքենաների արդյունաբերությանն առնչվող տարբեր ապրանքներ և ծառայություններ:
Ժնևի 90-րդ ավտոցուցադրությունը պլանավորվել էր մարտի 5-ից 15-ը, բայց միջոցառումը, չեղյալ հայտարարվեց 2019-20 COVID-19 վիրուսային համաճարակի պատճառով[17]:
Փարիզի ավտոսրահ, Փարիզ (սեպտեմբեր-հոկտեմբեր, երկամյա) (անգլ.՝ Paris Motor Show, ֆրանս.՝Mondial de l'Automobile) հոկտեմբեր ամսվա ընթացքում, այն ամենակարևոր ավտոսրահներից մեկն է, որը հաճախ ունենում է շատ նոր արտադրության ավտոմոբիլային և կոնցեպտային մեքենաների առաջի ցուցադրություններ: Ավտոցուցադրությունը ներկայում տեղի է ունենում Paris expo Porte de Versailles-ում[18]: Ավտոցուցադրությունը կազմակերպվում է Ավտոմոբիլային արդյունաբերողների միջազգային կազմակերպության (ֆրանս.՝ Organisation Internationale des Constructeurs d'Automobiles) կողմից և համարվում է կարևոր միջազգային խոշոր ավտոցուցադրություն: 2016-ին Փարիզի ավտոսրահը ողջունեց 1,253,513 այցելուի ՝ այն դարձնելով աշխարհում ամենաշատ այցելվող ավտոսրահը ՝ Տոկիոյից և Ֆրանկֆուրտից հետո: Ցուցադրության հիմնական ցուցանիշներն են. ընդհանուր 125,000 մ 2 (1.350,000 քմ) տարածք, 8 տաղավարներ, 260 ապրանքանիշեր 18 երկրներից, 65 պրեմիերաներ, ավելի քան 10 000 փորձարկիչ էլեկտրական և հիբրիդային ավտոմեքենաների համար, ավելի քան 10 000 լրագրող 103 երկրներից[19]: Մինչև 1986թ.-ը այն անվանվել է Salon de l'Automobile;1988թ.-ին վերանվանվեց Mondial de l'Automobile և միայն 2018թ.-ին ստացավ Mondial Paris Motor Show անվանումը: 2018թ. Mondial de l'AutomobileԱվտոցուցադրությունը անցկացվում էր տարին մեկ անգամ, սկսած 1976թ.ից այն դարձել է երկամյա:[20]
Դեթրոյթի Autorama, (Դեթրոյթ, Միչիգան) ավելի հայտնի է որպես ամերիկյան մեքենաներիա ամենամեծ ցուցադրություն: Ուղևորափոխադրող և ամերիկյան մեքենաների ցուցադրությունը տեղի է ունենում ՄիչիգանիԴեթրոյթ քաղաքում գտնվող TCF Center- ում, կա՛մ փետրվարի վերջին, կա՛մ մարտի սկզբին:[22] Ավտոցուցադրությանը աջակցում է Championship Auto Shows Incorporated (CASI)-ի և վերահսկվում է Michigan Hot Rod Association (MHRA)-ի կողմից: ԴեթրոյթիAutorama-ն ամենից շատ հայտնի է որպես Don Ridler Memorial Award մրցանակաբաշխության տուն[23],որը յուրաքանչյուր տարվա միջոցառման ժամանակ ներկայացվում է «լավագույն շոու» անվանակարգում, որը հաղթել են բազմաթիվ հայտնի դիզայներներ և շինարարներ, ինչպիսիք են Chip- ը,Foose, Jerry Pennington, Troy Trepanier և Bobby Alloway: Դեթրոյթ Autorama 2012թ.Առաջին ԴեթրոյթիAutorama-ն տեղի է ունեցել Դետրոյթի համալսարանի հուշահամալիրի շենքում 1953 թվականի հունվարի 31-ին և փետրվարի 1-ին[24]: Այն ցուցադրում էր ընդամենը 40 մեքենա և կազմակերպվել էր Michigan Hot Rod Association (MHRA)-ի անդամների կողմից, որը ստեղծվել էր ընդամենը մեկ տարի առաջ «փոքր տեղական ակումբները միավորելու մեկ միասնական մարմնում, որը կարող էր հավաքել անհրաժեշտ գումարը, որպեսզի զսպեր drag racing-ը փողոցներում փողոցներու և ստեղծեր անվտանգ միջավայր»[25]:
↑«Paris Motor Show». Auto Express. 20 November 2012. Վերցված է 23 March 2016-ին. «The Paris Motor Show – or Mondial de l'Automobile – is one of the most important shows in the automotive calendar. It takes place only on even-numbered years, with the Frankfurt Motor Show, held at the Frankfurt Messe, taking over on odd-numbered years.»