Կեսարի տաճար

Տաճար

Կեսարի տաճար Temple of Divus Iulius
Երկիր	Իտալիա
Հռոմ	Հռոմի ֆորում

Կեսարի տաճար (լատ.՝ aedes Divi Iuli), կառույց Հռոմի ֆորումում, որը կառուցվել է Հուլիոս Կեսարի պատվին։ Տեղակայված է ֆորումի հարավարևելքում, այնտեղ, ուր այրվել է մահացած Կեսարի մարմինը։ Կառուցումը սկսվել է Կեսարի սպանությունից 2 տարի անց, Մ․ թ․ ա 42 թվականին, իսկ օծումը տեղի է ունեցել Մ․ թ․ ա 29 թվականին։ Մետաղադրամների վրա պատկերված տաճարի շնորհիվ հնարավոր է դարձել վերականգնել տաճարի տեսքը։ Տաճարից այսօր պահպանվել է միայն ամբիոնի մի մասը։

Պատմություն

Տաճարի կառուցումը սկսվել է Ք․ ա 42 թվականին, այն բանից հետո, երբ սենատը Կեսարին հետմահու աստվածացրեց։ Օգոստոսը նվիրաբերեց տաճարը Կեսարին՝ իր հորը Ակտիումի ծովամարտից հետո։ Տաճարը տեղակայված է եղել Հռոմի ֆորումի գլխավոր հրապարակի արևելյան կողմում, Ռեգիայի, Կաստորի և Պոլիդևքեսի տաճարի և Էմիլիայի բազիլիկայի միջև։

Բարձր հարթակը, որտեղ կառուցված էր տաճարը, ծառայում էր որպես ամբիոն (Rostra ad divi Iuli), և ինչպես Ֆորումի հակառակ կողմի ամբիոնը, այն ևս ձևավորված էր Ակտիումի ծովամարտից բերված նավաքթերով։

Կեսարի տաճարը միակն էր, որ ամբողջությամբ նվիրված էր գիսաստղի պաշտամունքին։ Վերջինս հայտնվել էր Կեսարի սպանությունից որոշ ժամանակ անց, և համարվում էր նրա հոգին, ինչպես նաև Օգոստոսի «նոր ծնունդը»՝ որպես եզակի հռոմեացի կառավարչի և կայսեր։

Ըստ Ապպիանոսի Ռեգիային հարակից վայրը և Հռոմի ֆորումի գլխավոր հրապարակը հավանաբար երկրորդ հնարավորություն են եղել, որովհետև հռոմեացիների առաջին մտադրությունն էր Կեսարին հուղարկավորել Կապիտոլիում բլրի վրա։ Սակայն հռոմեական կրոնավորներն արգելեցին նրանց այդպես վարվել և Կեսարի դիակը վերադարձրեցին ֆորում, Ռեգիայի մոտ, որը եղել է նրա նստավայրը։ Հուղարկավորության փայտակույտի և Կեսարի մոխրի վերջնական ճակատագրի մասին բուռն վիճաբանությունից հետո, հռոմեացիները, կայսերական կուսակցության մարդիկ և կայսեր ընտանիքի անդամները որոշեցին կառուցել փայտակույտը այդ վայրում։

Կարճ ժամանակ անց սպանված pontifex maximus-ի տեղում զոհասեղան և սյուն կանգնեցվեց։ Սյունը կերտված էր Numidian դեղին քարից և վրան կար Parenti Patriae, i.e. (ազգի հիմնադրին) մակագրությունը։ Սակայն այս հուշարձանը անմիջապես վերացվեց և հեռացվեց հակա-Կեսարական կուսակցության կողմից։ Մ․ թ․ ա 42-ին Օկտավիանոս Օգոստոսը, Մարկոս Լեպիդոսը և Մարկոս Անտոնիոսը որոշեցին կայսրության տաճար կառուցել։

Տես նաև

• Հին հռոմեական ճարտարապետություն

Արտաքին հղումներ

• Temple of Caesar (General Description and Photo Gallery)
• UCLA Digital Roman Forum page for the "Iulius Divus, Aedes" Archaeological discussion and 3D reconstruction
• UCLA Digital Roman Forum page for the "Rostra Diocletiani" i.e. "Rostra ad Divi Iuli" Archaeological discussion and 3D reconstruction
• Stanford University Forma Urbis Romae: slabs of the Forum Area with Temple of Divus Iulius (the Temple of Divus Iulius is a missing part visible only as a simple plan out of the slabs)
• Situated simulation of the Temple of Caesar for mobile phones and tablets