Պոմպեա (Կեսարի կին)

Վիքիպեդիայից՝ ազատ հանրագիտարանից
Jump to navigation Jump to search
Պոմպեա
լատ.՝ Pompeia
Դիմանկար
Ծնվել էանհայտ
ԾննդավայրՀռոմ, Հին Հռոմ
Մահացել էանհայտ
Մահվան վայրանհայտ
ՔաղաքացիությունՀին Հռոմ
Մասնագիտությունգրող
ԱմուսինՀուլիոս Կեսար[1]
Ծնողներհայր՝ Քվինտուս Պոմպեուս Ռուֆուս[2], մայր՝ Կոռնելիա (Սուլլայի դուստր)[2]
Pompeia Sulla Վիքիպահեստում

Պոմպեա (լատ.՝ Pompeia), Հուլիոս Կեսարի կին Կոռնելիայից հետո։

Կենսագրություն[խմբագրել | խմբագրել կոդը]

Վաղ կյանք[խմբագրել | խմբագրել կոդը]

Ծնվել է Քվինտուս Պոմպեուս Ռուֆուսի և վերջինիս կնոջ՝ Սուլլայի դուստր Կոռնելիայի ընտանիքում։

Ամուսնություն[խմբագրել | խմբագրել կոդը]

Կեսարն ամուսնացել է Պոմպեայի հետ մ․թ․ա․ 67 թվականին[3] Հռոմեական Իսպանիայում ծառայությունն ավարտելուց և առաջին կնոջ՝ Կոռնելիայի մահից հետո։ Կեսարը Գայոս Մարիոսի զարմիկն էր, իսկ նրա նախկին կինը՝ Լուցիուս Ցիննայի դուստրը, այսպիսով երկուսն էլ ազգակցական կապեր են ունեցել մ․թ․ա․ 80-ական թվականների քաղաքացիական պատերազմներում պարտություն կրած պոպուլյարների առաջնորդների հետ։

Մ․թ․ա 63 թվականին Կեսարն ընտրվել է ավագ քահանայի պաշտոնում (լատ.՝ Pontifex Maximus), որը հռոմեական պետական կրոնի քահանայապետն էր ու պաշտոնական բնակավայր է ունեցել Հռոմի Վիա Սակրա գլխավոր փողոցում[4]։ Մ․թ․ա 62 թվականին Պոմպեան այդ տանն անցկացրել է «Բոնա Դեա» («Լավ աստվածուհի») փառատոնը, որին ոչ մի տղամարդու չի թույլատրվել մասնակցել, սակայն Պուբիլոս Կլոդիոս Պուլչեր անունով մի երիտասարդ ազնվական կանացի հագուստով ծպտված կարողացել է ներկա գտնվել՝ հավանաբար Պոմպեային գայթակղելու նպատակով։ Նա հայտնաբերվել և դատապարտվել է սրբապղծության համար։ Կեսարը Կլոդիոսի դեմ վկայություն չի տվել դատի ժամանակ և վերջինիս արդարացրել են, սակայն ամուսնալուծվել է Պոմպեայից, ասելով․ «Իմ կինը կասկածի տեղիք անգամ չպետք է տա»[5]։ Սա ծնունդ է տվել «Կեսարի կինը պետք է կասկածից վեր լինի» ասացվածքին[6][7]։

Հետագա կյանք[խմբագրել | խմբագրել կոդը]

Ամուսնալուծությունից հետո քիչ բան է հայտնի Պոմպեայի կյանքի մասին, սակայն ենթադրվում է, որ նա հավանաբար ամուսնացել է Պուբլիուս Վատինիուսի հետ[8]։

Պատկերումներ մշակույթում[խմբագրել | խմբագրել կոդը]

Պատկերվել է մի շարք գեղարվեստական գործերում, այդ թվում՝ անգլիացի գրող Ռոբերտ Հարիսի «Լյուստրում» վեպն ու ավստրալացի գրող Քոլին Մաքքալոուի «Հռոմի տիրակալները» պատմավեպերի շարքը։ Այս պատմավեպերում նկարագրված է Պոմպեայի ամուսնությունը Կեսարից ամուսնալուծվելուց հետո։

Ծանոթագրություններ[խմբագրել | խմբագրել կոդը]

  1. Любкер Ф. Pompeii (ռուս.) // Реальный словарь классических древностей по Любкеру / под ред. Ф. Ф. Зелинский, А. И. Георгиевский, М. С. Куторга, Ф. Гельбке, П. В. Никитин, В. А. КанскийСПб.: Общество классической филологии и педагогики, 1885. — С. 1079—1085.
  2. 2,0 2,1 2,2 2,3 2,4 http://www.strachan.dk/family/pompeius.htm
  3. Simon Hornblower, Antony Spawforth- E.A. (edd), Oxford Classical Dictionary, Oxford University Press, 2003- | 1214.
  4. Plutarch, Caesar 7; Suetonius, Julius 13 Archived 2012-05-30 at Archive.is, 46
  5. Cicero, Letters to Atticus s:Letters to Atticus/1.13|1.13; Plutarch, Caesar 9-10; Cassius Dio, Roman History 37.45; Suetonius, Julius 6.2 Archived 2012-05-30 at Archive.is
  6. Caesar, Gaius Julius Archived 2013-11-22 at the Wayback Machine., Historia, KET Distance Learning.
  7. Like Caesar's wife, a politician should be above suspicion, The Independent, March 23, 2001 (չաշխատող հղում)
  8. American Journal of Ancient History 1–3։ Harvard University։ 1976։ էջ 14 

Արտաքին հղումներ[խմբագրել | խմբագրել կոդը]