Միքայել Ենգիբարյան
- Վիքիպեդիայում կան հոդվածներ Ենգիբարյան ազգանունով այլ մարդկանց մասին։
Միքայել Ենգիբարյան | |
---|---|
Ծնվել է | օգոստոսի 30, 1902[1] |
Ծննդավայր | Բյուրական, Էջմիածնի գավառ, Երևանի նահանգ, Ռուսական կայսրություն[1] |
Մահացել է | 1938[1] |
Քաղաքացիություն | ![]() ![]() |
Կրթություն | Յա․ Սվերդլովի անվան կոմունիստական համալսարան (1921)[1] և Մոսկվայի կարմիր պրոֆեսուրայի ինստիտուտ (1933)[1] |
Մասնագիտություն | հեղափոխական և քաղաքական գործիչ |
Աշխատավայր | ՀԿԿ[1] և Երևանի պետական համալսարան[1] |
Կուսակցություն | ԽՄԿԿ[1] |
Պարգևներ և մրցանակներ |
Միքայել (Միշա) Հարությունի Ենգիբարյան (օգոստոսի 30, 1902[1], Բյուրական, Էջմիածնի գավառ, Երևանի նահանգ, Ռուսական կայսրություն[1] - 1938[1]), հայ կուսակցական-պետական գործիչ։
Կենսագրություն
[խմբագրել | խմբագրել կոդը]Ծնվել է Աշտարակի շրջանի Բյուրական գյուղում։ Ավարտել է Երևանի ռուսական արական գիմնազիան։ 1919 թվականին մասնակցել է «Սպարտակ» կոմունիստական երիտասարդական կազմակերպության ժողովներին և նույն թվականին ընդունվել կոմունիստական կուսակցության շարքերը։
1920 թվականի մայիսմեկյան հակակառավարական ցույցին մասնակցելու համար բանտարկվել է և դատարանի որոշմամբ արտաքսվել Հայաստանից։ Մեկնել է Թիֆլիս, ապա՝ Բաքու, այնուհետև գործուղվել է ուսանելու Մոսկվայի Յա. Սվերդլովի անվան կոմունիստական ակադեմիայում։ 1921 թվականին ավարտելով իննամսյա դասընթացը՝ նշանակվել է ՀԿ(բ)կ Կենտկոմի տրանսպորտային ենթաբաժնի վարիչ։ Այնուհետև նշանակվել է Նոր Բայազետի (այժմ՝ Գավառ) կուսակցական գավառային կոմիտեի քարտուղար, իսկ 1923 թվականին՝ ՀԿԿ Կենտկոմի կազմակերպչական բաժնի վարիչի տեղակալ։ 1923-1926 թվականներին սովորել է Մոսկվայի պետական համալսարանի տնտեսագիտական ֆակուլտետում և ավարտելուց հետո նշանակվել ՀԿԿ ԿԿ կազմբաժնի վարիչի տեղակալ, ապա՝ Երևանի քաղկոմի երկրորդ քարտուղար։ 1929 թվականին գործուղվել է ուսանելու Մոսկվայի Կարմիր պրոֆեսուրայի համաշխարհային տնտեսության և համաշխարհային քաղաքականության ինստիտուտում, որն ավարտելուց հետո, ատենախոսության համար նյութեր հավաքելու նպատակով, 1933 թվականին վեց ամսով գործուղվել է Գերմանիա, որտեղից վերադառնալով՝ նշանակվել է Լենինականի մեքենատրակտորային կայանի քաղբաժնի պետ։ 1935 թվականին աշխատել է ՀԿ(բ)կ Կենտկոմի արդյունաբերական-տրանսպորտային բաժնի, ապա՝ գյուղատնտեսական բաժնի վարիչ։
1936 թվականին պարգևատրվել է Լենինի շքանշանով։
1937 թվականի հունվարի 17-ին նշանակվել է ԵՊՀ ռեկտոր, սակայն ընդամենը երեք ամիս անց նրան ազատել են աշխատանքից։ Նույն թվականի դեկտեմբերի 28-ին ՀԽՍՀ գերագույն դատարանի հատուկ կոլեգիայի որոշմամբ, որպես «ժողովրդի թշնամի», դատապարտվել է գնդակահարության, որն ի կատար է ածվել հենց նույն օրը։ ՀԽՍՀ դատախազությունը 1955 թվականի սեպտեմբերի 22-ին կարճել է Մ. Ենգիբարյանի գործը և արդարացրել նրան[2]։
Ծանոթագրություններ
[խմբագրել | խմբագրել կոդը]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ Կենսագրական հանրագիտարան, Երևան, ԵՊՀ հրատարակչություն, 2009, էջ 23։
![]() | Վիքիդարանն ունի նյութեր, որոնք վերաբերում են «Միքայել Ենգիբարյան» հոդվածին։ |
|
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 515)։ ![]() |
- Օգոստոսի 30 ծնունդներ
- 1902 ծնունդներ
- Բյուրական գյուղում ծնվածներ
- 1938 մահեր
- ԵՊՀ դասախոսներ
- ԽՄԿԿ անդամներ
- Լենինի շքանշանի ասպետներ
- Անձինք այբբենական կարգով
- Երևանի պետական համալսարանի ռեկտորներ
- Ստալինյան բռնաճնշումների հայ զոհեր
- Ստալինյան բռնաճնշումների զոհեր Հայաստանում
- Հայ պետական գործիչներ
- ԽՍՀՄ-ում գնդակահարվածներ
- Հայ կուսակցական գործիչներ