Արամ Սիմոնյան
 Արամ Հրաչիկի Սիմոնյան | |
| Ընդհանուր տեղեկություններ | |
| Բնօրինակ անուն ազգանուն | Արամ Հրաչիկի Սիմոնյան |
| Ծնվել է | ապրիլի 12, 1955 (64 տարեկան) |
| Ծննդավայր | ՀԽՍՀ Գորիսի շրջան Գորիս |
| Համալսարան | Երևանի պետական համալսարան |
| Պարգևներ | Մովսես Խորենացու մեդալ (2009)[1], ՀՀ գիտության վաստակավոր գործիչ (2014)[2] |
Արամ Հրաչիկի Սիմոնյան (ապրիլի 12, 1955, Գորիս, Հայկական ԽՍՀ, ԽՍՀՄ), պատմագետ, հրապարակախոս, Հայաստանի Հանրապետության գիտության վաստակավոր գործիչ (2014)[2], Հայաստանի Հանրապետական կուսակցության անդամ[3][4]: Երևանի պետական համալսարանի նախկին ռեկտոր (հրաժարական է ներկայացրել 2019 թվականի մայիսի 23-ին)[5]։
Բովանդակություն
Կենսագրություն[խմբագրել | խմբագրել կոդը]
Կրթություն[խմբագրել | խմբագրել կոդը]
1961-1972 թվականներին Արամ Սիմոնյանը սովորել է Գորիս քաղաքի միջնակարգ դպրոցում[2]: 1972-1977 թվականներին ուսումը շարունակել է Երևանի պետական համալսարանի պատմության ֆակուլտետում[2]: 1977-1981 թթ. ավարտել է Մոսկվայի ԽՍՀՄ ԳԱ պատմության ինստիտուտի ասպիրանտուրան[2]: 1983 թվականինին պաշտպանել է թեկնածուական ատենախոսությունը։ 2000 թ. պաշտպանել է դոկտորական ատենախոսություն[2]: 2005 թվականին ստացել է պրոֆեսորի գիտական կոչում[2]: Տիրապետում է 3 լեզուների՝ հայերեն, ռուսերեն, անգլերեն[4]:
Գիտական գործունեություն[խմբագրել | խմբագրել կոդը]
Ա.Սիմոնյանը հեղինակ է 85 գիտական աշխատանքների, որոնցից 4-ը մենագրություններ են[4]: Գիտական հետազոտությունները վերաբերում են հայ ժողովրդի 19-րդ դարի երկրորդ կեսի և 20-րդ դարասկզբի պատմության հիմնահարցերին՝ մասնավորապես պատմական վիճակագրությանը, արդյունաբերական կապիտալի, ինչպես նաև Արցախի և Զանգեզուրի 1917-1921 թթ. պատմության խնդիրներին[4]: Նրա ղեկավարությամբ պաշտպանվել է 10 թեկնածուական ատենախոսություն։ Մասնակցել է բազմաթիվ միջազգային և հանրապետական գիտաժողովների[4]: Բազմիցս հրավիրվել է Իտալիայի, Բելգիայի, Մեծ Բրիտանիայի, Գերմանիայի, Իսպանիայի, ԱՄՆ-ի և աշխարհի մի շարք այլ երկրների գիտակրթական կենտրոններ, որտեղ զբաղվել է գիտակրթական գործունեությամբ[4]:
Աշխատանքային գործունեություն[խմբագրել | խմբագրել կոդը]
Ա. Սիմոնյանի աշխատանքային գործունեությունը, համաձայն ԵՊՀ[Ն 1] կայքի, սկսվել է դեռևս ԽՍՀՄ տարիներին[2]: 1981-1983 թթ. աշխատել է ՀԽՍՀ ԳԱ Պատմության ինստիտուտում որպես կրտսեր գիտաշխատող, այնուհետև՝ գիտաշխատող[2]: 1986-2000 թթ. հանդիսացել է ԵՊՀ ԽՍՀՄ պատմության ամբիոնի ասիստենտ, այնուհետև՝ Հայոց պատմության ամբիոնի դոցենտ[2]: 1993-1995 թթ. եղել է ԵՊՀ գիտքարտուղար, իսկ 1995-2000 թթ.՝ ԵՊՀ ուսումնական վարչության պետ[2]: 2000 թ., դարձել է ԵՊՀ ուսումնական աշխատանքների գծով պրոռեկտոր, իսկ 2006 թ. մայիսին ընտրվել, 2011 թ. մայիսին վերընտրվել ԵՊՀ ռեկտորի պաշտոնում[6]: 2008 թ հուլիսի 10-ից ԵՊՀ Հայագիտական հետազոտությունների ինստիտուտի տնօրենն է[2][4]: 2015 թ. հունիսի 25-ին ընտրվել է Երևանի պետական համալսարան հիմնադրամի ռեկտորի պաշտոնում[7]։
Քաղաքական գործունեություն[խմբագրել | խմբագրել կոդը]
Արամ Սիմոնյանը 1998 թ.-ին անդամագրվել է իշխանության եկած Հայաստանի հանրապետական կուսակցությանը և մինչև օրս էլ հանդիսանում է ՀՀԿ անդամ[3][4]: Ըստ լրատվամիջոցների հրապարակումների Ա.Սիմոնյանին ՀՀԿ անդամ լինելը մեծապես օգնել է 2000-2006 թթ.-ին լինել ԵՊՀ պռոռեկտոր, իսկ 2006 թ.-ից մինչև այսօր մնալ ԵՊՀ ռեկտորի պաշտոնում[8]: Նա լուրջ աշխատանք է կատարել ԵՊՀ ուսանողական խորհուրդը, ինչպես դասախոսական կազմի զգալի հատված դարձնել ՀՀԿ անդամ, ինչի համար երբեմն հայտնվել է հասարակակության և լրատվական դաշտի քննադատության թիրախում[9][10]: Մասնավորապես, նա իր օգնական էր նշանակել հանրությանը հայտնի որպես «ախլքալաքցիների զորքի հրամանատար» Գևորգ Մելքոնյանին[11], ով ԵՊՀ գլխավոր մասնաշենքի դիմաց հրապարակային հաշվեհարդարի կոչեր էր հնչեցրել բողոքի ակցիա իրականացնող ուսանողների հասցեին[12][13]
Հասարակական հեղինակություն[խմբագրել | խմբագրել կոդը]
Արամ Սիմոնյանը ԵՊՀ ռեկտորի պաշտոնը զբաղեցնելուց հետո դարձել է հասարակության մի զգալի հատվածի, այդ թվում՝ ուսանողների և լրատվամիջոցների սուր քննադատության թիրախում, որոնք նրան մեղադրում են ԵՊՀ-ում կառուպցիոն բացահայտ գործունեություն իրականացնելու, պետական միջոցները մսխելու և ոչ արդյունավետ ծախսելու, ընդունելության քննությունների ժամանակ անօրենություններ կազմակերպելու, կադրային սխալ քաղաքականություն, այդ թվում՝ որակյալ մասնագետների արտահոսք և ոչ մասնագետների ներմուծում իրականացնելու, ԵՊՀ-ն կուսակցականացնելու, ԲՈՀ-ի ներսում տեղի ունեցած բազմաթիվ և բազմաբնույթ ապօրինությունները ղեկավարելու համար[3]:
Արամ Սիմոնյանը այդ մեղադրանքներին հիմնականում չի պատասխանում[3]:
Կուտակած նյութական հարստություն[խմբագրել | խմբագրել կոդը]
Ա.Սիմոնյանը իրեն հասցեագրված մեղադրանքներին մի առիթով լրագրողի հարցին պատասխանելիս ասել է.
Պետք է ասեմ, որ մինչև ռեկտոր դառնալը շատ ավելի անշարժ գույք եմ ունեցել: Հիմա ապրում եմ հորիցս ժառանգություն ստացած տանը: Տատիկիցս առանձնատուն էի ստացել Կարպի գյուղում, որը վաճառել եմ և Դիլիջանում տուն եմ գնել, հիմա էլ Բլուր թաղամասում եմ տուն կառուցում, եթե Աստված կամենա, առաջիկա տարիներին կավարտեմ շինարարական աշխատանքները… Հո բոմժի նման սառնարանի ստվարաթղթի «կառոբկայի» մեջ չպետք է ապրեմ: Ձկնորսության համար 10 հատ շատ լավ ձկնորսական կարթ ունեմ, լավ նոութբուք ունեմ, շատ լավ գրադարան ունեմ, որի 70%-ը նվիրել եմ ԵՊՀ-ին[14]
Ընտանեկան դրությունը[խմբագրել | խմբագրել կոդը]
Արամ Սիմոնյանը ամուսնացած է, ունի երկու դուստր[4]: Կինը՝ Կարինե Աշոտի Մանասյանը ծնվել է 1953 թ.-ի հունիսի 29-ին[15]: Մեծ աղջիկը՝ Սիմոնյան Մարիամը, ծնվել է 1983 թ.-ի մայիսի 29-ին[15]: Մարիամի անունը լրատվամիջոցներում շրջանառվում է հոր՝ Արամ Սիմոնյանին առնչվող կոռուպցիոն գործունեության շրջանակներում[8]: Ա. Սիմոնյանի երկրորդ աղջիկը՝ Անի Սիմոնյանը՝ ծնվել է 1986 թ.-ի հունիսի 1-ին[15]:
Պարգևներ և կոչումներ[խմբագրել | խմբագրել կոդը]
Երկեր[խմբագրել | խմբագրել կոդը]
- Սիմոնյան Արամ, «Զանգեզուրի գոյամարտը 1920–1921 թթ.», Երևան, 2000
- Սիմոնյան Արամ, «Զանգեզուրի հերոսամարտը 1917-1920 թթ.», Երևան, 2009
- Սիմոնյան Արամ, «Վայոց ձորը 20-րդ դարի քառուղիներում (1914-1921 թթ.)», Երևան, 2011, 726 էջ
Ծանոթագրություններ[խմբագրել | խմբագրել կոդը]
- ↑ 1,0 1,1 Հայաստանի Հանրապետության մեդալներով պարգևատրելու մասին
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 Ա.Սիմոնյանի կենսագրական տվյալները ԵՊՀ կայքում
- ↑ 3,0 3,1 3,2 3,3 Էլիտար թշվառները. Արամ Սիմոնյան:
- ↑ 4,0 4,1 4,2 4,3 4,4 4,5 4,6 4,7 4,8 Ա.Սիմոնյանի կենսագրական տվյալները ԵՊՀ Հայագիտական հետազոտությունների ինստիտուտի կայքում:
- ↑ «ՀՐԱՏԱՊ․ ԵՊՀ ռեկտոր Արամ Սիմոնյանը հրաժարական է տվել»։ www.civilnet.am (հայերեն)։ Վերցված է 2019-05-23
- ↑ ՊԵՏԱԿԱՆ ՀԱՄԱԼՍԱՐԱՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ՌԵԿՏՈՐԻ ԸՆՏՐՈՒԹՅԱՆ ԱՐԴՅՈՒՆՔՆԵՐԸ ՀԱՍՏԱՏԵԼՈՒ ՄԱՍԻՆ
- ↑ ՊԵՏԱԿԱՆ ՀԱՄԱԼՍԱՐԱՆ» ՀԻՄՆԱԴՐԱՄԻ ՌԵԿՏՈՐԻ ԸՆՏՐՈՒԹՅԱՆ ԱՐԴՅՈՒՆՔՆԵՐԸ ՀԱՍՏԱՏԵԼՈՒ ՄԱՍԻՆ
- ↑ 8,0 8,1 ԵՊՀ. ապականող հովանավորչություն
- ↑ ԵՊՀ ռեկտորի օգնականը շնորհակալություն է ստացել զորք կանչելու համար (Տեսանյութ):
- ↑ Ինչպես ԵՊՀ ռեկտորի օգնականը դարձավ գիտությունների թեկնածու:
- ↑ Գևորգ Մելքոնյանի կենսագրական տվյալները ԵՊՀ կայքում:
- ↑ ԵՊՀ դասախոսները պահանջում են ռեկտորի օգնականի հրաժարականը (տեսանյութ):
- ↑ Ի՞նչն է պատճառը, որ ԵՊՀ-ն հիմա վերածվել է մի ամորֆ կառույցի:
- ↑ «Հո բոմժի նման ստվարաթղթի կառոբկայի մեջ չպետք է ապրեմ». ԵՊՀ ռեկտոր:
- ↑ 15,0 15,1 15,2 [ՀՀ Կենտրոնական ընտրական հանձնաժողովի տվյալների բազա:]
- ↑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԱՎՈՐ ԿՈՉՈՒՄՆԵՐ ՇՆՈՐՀԵԼՈՒ ՄԱՍԻՆ
Նշումներ[խմբագրել | խմբագրել կոդը]
- ↑ ԵՊՀ-ն Երևանի Պետական Համալսարանի հապավումն է:
