Սահակ Հայրապետյան
- Վիքիպեդիայում կան հոդվածներ Հայրապետյան ազգանունով այլ մարդկանց մասին։
| Սահակ Հայրապետյան Սահակ Սիմոնի Հայրապետյան | |
|---|---|
 | |
| Ծնվել է | դեկտեմբերի 25, 1892 |
| Ծննդավայր | Տեղ, Գորիս, Ելիզավետպոլի նահանգ, Ռուսական կայսրություն |
| Մահացել է | մայիսի 11, 1943 (50 տարեկան) |
| Մահվան վայր | Երևան, Հայկական ԽՍՀ, ԽՍՀՄ |
Սահակ Սիմոնի Հայրապետյան (դեկտեմբերի 25, 1892, Տեղ, Գորիս, Ելիզավետպոլի նահանգ, Ռուսական կայսրություն - մայիսի 11, 1943, Երևան, Հայկական ԽՍՀ, ԽՍՀՄ), հայ մանկավարժ, պրոֆեսոր (1933)։
Կենսագրություն[խմբագրել | խմբագրել կոդը]
Ծնվել է Տեղ գյուղում։ Նախնական կրթությունն ստացել է գյուղի ծխական դպրոցում, իսկ միջնակարգը՝ Գորիսի ուսուցչական սեմինարիայում, որն ավարտելուց հետո ուսուցչություն է արել Զանգեզուրի գյուղերում։
1920 թվականին ընդունվել է կոմունիստական կուսակցության շարքերը և մասնակցել Զանգեզուրի հեղափոխական շարժումներին։ 1921 թվականին աշխատել է որպես Զանգեզուրի գավառային կոմիտեի նախագահ։ 1923 թվականին գործուղվել է Մոսկվա՝ ուսանելու Ն. Կրուպսկայայի անվան կոմունիստական դաստիարակության ակադեմիայում։ 1928 թվականին աշխատել է ՀԽՍՀ լուսժողկոմատում, ապա վարել Երևանի գավառային լուսավորության բաժնի, Լենինականի և Ապարանի շրջանային լուսավորության բաժնի վարիչի պաշտոնները։
1931-1933 թվականներին եղել է ԵՊՀ (այդ թվականներին կոչվում էր մանկավարժական ինստիտուտ) ռեկտոր։ 1933 թվականին ստացել է պրոֆեսորի կոչում և նշանակվել հայկական մանկավարժական ինստիտուտի պատմագրական ֆակուլտետի դեկան։ 1936 թվականից աշխատել է որպես Երևանի ռուսական մանկավարժական ինստիտուտի փոխտնօրեն և մանկավարժության ամբիոնի վարիչ։
Վախճանվել է Երևանում[1]։
Ծանոթագրություններ[խմբագրել | խմբագրել կոդը]
- ↑ Կենսագրական հանրագիտարան, Երևան, ԵՊՀ հրատարակչություն, 2009, էջ 19։
|
